6 ايام غير كافيه
===========
واذا مالك حيله تطوله اختصرها ع ليلة الوصول جاكرتا اليوم الثاني بونشاك تجلس فيها 3 ايام وترجع ع جاكرتا يوم والثاني تمشي السعوديه
اتوقع السكن والتنقل والاكل والموصلات بتكلف عليك كاتالي
السايق 210*5=1100 ريال
السكن في جاكرتا =350*2{يوم الوصول والعوده = 700 ريال
السكن في بونشاك 350*3 ليالي = 1050 ريال
المزارات والاكل الشرب = 1500 ريال كحد اعلى
يعني يوميتك مع السكن باعلى حدودها = 350 $

اخوي الشمالي يعطيك العافيه وتسلم ع تفاعلك ..
بس انا ما ابي الجبل لاسباب شخصيه ...
ابي تكون بجاكرتا فقط يعني بدون تذاكر الطيران
هل تتوقع 6 الاف كافيه ل 6 ايام
واذا عندك جدول بجاكرتا او اماكن للزياره والتسليه تنصحني فيها
والسكن بحكم اني انا وزوجتي وين تنصحنا نسكن بجاكرتا ...

السكن تحت خيارك انت بعطيك اسعار تقريبيه ...
اكماني =من 250 الى 300 ريال غرفه ديلوكس
جراند شيمباكا =200الى 250 ريال غرفه
نوفتيل منقادوا =300 الى 350 غرفه
سويس بلمنقابسار= 320الى 370 غرفه
شيبوترا= 400 الى 450 غرفه
=====5 نجوم
جراند سيهدجايا {سوديرمان }- =300 الى 350 ريال 5ن غرفه
كراون بلازا{سمانقي}= 375 الى 420 ريال غرفه
فورسيزون = 700 الى 750 ريال غرفه
===== شقق فندقيه
اريادوتا سمانقي {5 نجوم}= 480 الى 500 ريال غرفه او غرفتين
استون مارينا {4 نجوم }= 300ريال غرفه و400 الى 550 غرفتين او 3 غرف
واستون راسونا = نفس مارينا او اقل بقليل
بتافيا= 200 غرفه و350 غرفتين و400 الى 450ثلاث غرف
بوري كازابلانكا = 375 الى 430 غرفتين
================================================== =======================
اماكن التمشيه
جاكرتا :-
1- برج موناس
2- مسجد الاستقلال
3- مدينه أنشول الترفيهية
4- تامان ميني
5- منطقة سارينا
6- المجمعات التجارية عموما ومن أبرزها :- مجمع تمان أنقريك + مجمع جراند اندونيسيا + مجمع سمنقي بلازا + مجمع أمباسدور
مجمع أف أكس + مجمع بلوك ام ..

السلام عليكم
حياك الله اخي ريان
شوف المليون تقريباً هذي الايام ب410 ريال وحسب معرفتي بالبلد لايمكن تصرف 3 مليون انت وزوجتك باليوم إلا إن كنت مبذر جداً
معدل الميزانية من 800 ريال الى 1000 ريال على ابعد تقدير سواءً في الجبل او في بالي حتى
انا اتكلم عن ميزانية شخصين فقط
إذا استبعدنا بونشاك على حسب طلبك فأقترح تروح دبي او أي بلد قريب مثل تركيا ف 6000 تكفيك ل 6 ايام
اما جاكرتا تتعنى وتعب نفسك وطيران وإرهاق لمجرد زيارة جاكرتا فهو قرار غير صائب ابداً
إلا أن كنت تقصد تتسوق فهذا امر آخر ولا انصحك به ايضاً
جاكرتا فقط لاتستحق العنوة
ربما وجهة نظري لاتعجبك لكنها الحقيقة وانا لك ناصح أمين
تحياتي

اخوي سلطان يعطيك الف عافيه ...
اخوي المحتسب دبي طفشت منها وودي اغير ..
يعني تتوقع تركيا خيار مناسب
بس كمعلومه لغتي الانجلش لك عليها ..
اتقبل اراؤكم وانا ما دخلت هنا الا وابي رايكم
بالعكس وجهة نظرك اقدرها واحترمها ومن الممكن ان امشي عليها ...

هلا ريان
اولاً الشكر الجزيل للاخ الشمالي نجم بوابة اندونيسيا
الحسبة بسيطة وانا اخوك
لو افترضنا 6 ايام صافية بدون الذهاب والإياب
اول يوم صدقني تكون تعبان وساعتك ماضبطت
يبقى 5 ايام ستقضيها في مدينة مزدحمة جداً ومقرفة بعدد السكان
بعد ستكون العودة وتسع ساعات اخرى
هذه المحصلة
لكن تركيا كلها 3 ساعات وانت هناك
وماتحتاج تلك اللغة الجامدة بل على العكس ستجد من يكلمك بالعربي
اما الميزانية فالآن سعر الصرف مناسب ولن تكلفك اكثر من 1000 ريال في اليوم
اتمنى ان اكون افدتك

اخوي المحتسب
الله يعطيك الف الف الف عافيه

المحتسب
شهده نفتخر فيها ... والعين ماتعلى ع الحاجب