السلام عليكم ورحمة الله وبركاته
هذا أول موضوع لي في المنتدى
أنا متابعة للمنتدى من أكثر من 5 سنوات
و أستمتع بقراءة كل المواضيع حتى لو كانت 100 صفحة
وتشدني المواضيع اللي فيها تقارير و صور
وأنا هالمرة ياية طالبة مساعدتكم في كذا شي ,,,
بإذن الله تعالي ناوين على سفرة
وأنا من الناس اللي يحبون يخططون من فترة ... بشهور يعني ...
أخلص الحجوزات و غيرها .. للحصول على افضل العروضات
فقلت لين ما اشوف أرائكم و استفيد من خبراتكم و لين ما نستقر على التخطيط النهائي
فهذا يبالة وقت
وغير هذا أدور أحسن الاسعار ... بغيتها رحلة سياحية اقتصادية
يغيت رأيكم في كل شي ... الوقت و المصاريف و سير الرحلة
و عدد الأيام شو ممكن تكون فيه فعاليات في هالفترة و شو الجوّ في هالفترة
أنا هذي اول سفرة لي لأوروبا
المسافرين بيكونون أنا وريلي و ولدي بيكون عمره سنتين وشهر
المدة الزمنية : 20 يوم
من تاريخ 17-5-2013
إلى تاريخ 6- 6 -2013
خطّ سير الرحلة
دبي - ميونخ - النمسا - فرنسا - ميونخ - دبي
على الخطوط الإماراتية
أفكر أحجزّ أيام الخصومات ... بيطلعن التذاكر بحدود 8000 درهم
و إذا بالخصومات أقل أكيد
المخطط
ميونخ: يومين
النمسا: 4 أيام
فرنسا : 4 أيام
ميونخ : 10أيام
وين تنصحوني فالسكن !
اول يومين ممكن ناخذ فندق .. بس باقي الاماكن أفضل شقة للتوفير
وبالنسبة للمواصلات شو تنصحونا !
نفكر ناخذ سيارة وسط عشان الشنط ...
وشو بتكون الأجواء المتوقعه في هذي الفتره من السنة
و كم الميزانية المتوقعه للرحلة ! غير مشمولة التسوق
وشكراً لكم