ان شاء الله والامور طيبه يالغالي...
وابشر هل بتسكن في ديزني .؟؟؟

خلف القوس الفندق وفيه احلي بكم حجزته
الصرف يختلف من 800 الي 1500 يكفونك اقل واكثر وما بينهم
المترو سهل اقرا مواضيع الموسوعه واللي ما تعرفه اسال عنه

حجزته 750 ريال لليوم شامل الافطار انا ضعت والله في نوع تذاكرة المترو لو احد يقدر يقولي ايش اشتري وايش الانسب اكون شاكر له

وماني بساكن في ديزني

قصدك تذاكر المترو خذ فيزت او يوميه

انا وزوجتي عرسان واول مرة لنا بباريس ممكن تساعدينا في تخطيط الرحلة واليوم الاول يكون يوم اربعاء وايش اشتري نوع تذكرة المترو إذا تكرمتي

جاوب عبدالله لاني ايام كثيره اكثر من اسبوع اخاف ما عطي الجدول حقه

1. تقدر تشتري تذاكر ديزني لاند من محل ديزني اللي بالشانز


2. قريه بيرسي شارع فيه محلات ومقاهي ع هيئه اكواخ بس لا اقل ولا اكثر

a.alkendi
تذكره المترو باريس فيزت في المحطات موجود مكتب انفورميشن ممكن يساعدك بالموضوع وفي مشين بطاقات كارنيه يوميه
الجدول السياحي : الباص السياحي عندك الاحمر وله سعر ويودي لاهم الاماكن والاصفر يودي اغلب الاماكن
مدته : يومين
الاصفر يودي لممونامارت بينما الاحمر مايودي ع حسب علمي
ويختصر عليك اشياء كثير ويوفر لك قيمه المترو يومين لول لانه ياخذك ويرجعك
خل اليوم الاول الباص وانزل بالشانز الصباح والعصر ايفل وساحه مارس وعشاء رومنسي ع نهر السين مع اضواء باريس
اليوم الثاني ساحه كنكورد يفصل بينها وبين اللوفر حديقه جميله جدا اسمها تويلري بها زهور وطيور و وز ومقاهي يعني بهاليوم كنكورد والتويلري واللوفر
ديزني لاند يوم بحالو يكفي واسالوا عن وقت العروض عشان تستمتعو بالتصوير
قبل محطه ديزني الاوت لت لكن انا مافضل اجمع بينهم لاني من عشاق الشوبينج وفي ناس تروح للاوت لت سريع سريع وباقي اليوم بالديزني لاند

تقدر تشتري تذاكر ديزني لاند من محل ديزني اللي بالشانز

اليوم اللي بعده ميدان الاوبرا وتقدر تدخله بعد ..المنطقه منطقه تسوق وفي الغاليري لافييت قريب منها خلي هاليوم شوبينج بالاوبرا وفي شوارع مهمه للتسوق بالاوبرا زي هوسمان وسانت هونور ورويال و ريفولي وطبعا ساحه الفوندوم اغلا منطقه في باريس كلها محلات مجوهرات وراقيه
ايضا بالشانز شارعين مهمهين بالتسوق وهو جورج سانك والافينومونتين شارع الماركات كيف توصل له بقولك .... بالشانز بتشوف بوتيك كبير جدا حق لوي فيتون LVوحتشوف مقهى الفوكيت بينهم شارع هو جورج سانك امشي لاخره نزولا حتلاقي افينومونتين شارع كلو محلات وبوتيكات ماركات عالميه
اليوم اللي بعده خليه للحي اللاتيني وكاتدريه نوتردام ومتحف الشمع وجوله بالاحياء الشعبيه محلات هدايا كثير
بالنسبه لمتحف الشمع طبعا اللي بلندن اكبر واجمل لكن اللي بباريس مش سيئ خاصه لو اول مره تروح له وانك مارحت اللي بلندن فيه عرض اضواء وفيه مجسمات شمعيه وممتع لكنه اصغر من لندن واكرر بيعجبكم لو اول مره تشوفون متحف للشمع
اليوم اللي يليه هضبه مونمارت تطلعون 200 درجه وتشوفون باريس كلها من فوق وحديقه لكسمبورغ
قصر فرساي قصر كبير وحديقته ولا اروع بحيرات وقوارب وعرض النوافير جميل جدا

قريه بيرسي شارع فيه محلات ومقاهي ع هيئه اكواخ بس لا اقل ولا اكثر

اللاديفانص منطقه تسوق وعمران ومباني ممكن تجمع معها جسر الاقفال ع نهر السين بتشوفونه بالجوله النهريه انا احب النهر وانك تتمشى عليه جدا حلو وتشوف معالم كل جسر وصولا الى الشعله port de alma اللي هو نفق اللمات عنده ليدي ديانا
اتمني اني افدتك لو بالقليل
ملاحظه : الجدول السياحي المثبت مهم وممتاز اطبعه بيفيدك والف مبروك مقدما