ابدأ من باريس
ثم زيورخ
واخيرا في ميونخ

أول شى بسم الله الرحمن الرحيم
البدايه خليها من فرنسا بيور دزنى
الفندق هوليدى أن اللي بيور دزنى ويوجد باص مجانا ذهابا وايابا لمدينه الالعاب
ومستوى الفندق حلو وعجبنى حيل ويوجد فيه حديقه والالعاب والفطور جيد جدا
وبعدها اتروحين أنترلاكن وبعدها زيورخ
انترلاكن فندق كرسبى
زيورخ انا ما رحت لها
وميونخ ما شفتها يعنى غير أبخص منى انا
وتقبلى تحياتى يالغاليه رحله سعيده وسط عائلتك الكريمه

أبو أحمد
شكرا عالنصيحه

ابو احمد ,,, شكرا عالنصيحه ,,,
ابله وسميه تدرين اني قريت موضوعج وخليته في المفضله عشان مايضيع وشفت التقرير والصور ورديت عليج بعد
انا ميونخ وايد رحت لها ادلها عدل مدل (( المانيا عموما )) وفرنسا رحت مره لمدة يومين بس ورحت ديزني لاند بس ماكنت حاجزه ولاشي عشان جذي انا اللي بحجز هالمره وحابه اعرف كل شي
مشكوره ياقلبي ,, وانطر باقي الاعضاء يضبطون اموري وخاصتن سويسرا ولامره رحت لها

انا اقول تبدين من فرنسا ثم زيورخ ثم ميونخ للتسوق
و بانسبا الي الفنادق انتو شكلكم واجد يصلحلكم شقة مو فندق و الاماكن السياحية تقدرين تشوفين تقارير الاعضاء و تحكمين عليها او مواضيعي بس فرنسا راح اكتب عنها في نص رمضان و نتى طيبة في موضوع
( رحلتي الي سويسرا ) حبث اني رحت لفرنسا من جنيف و كانت حلوة

1. باريس - زيورخ - ميونخ

اختي خيارتك كلها لمدن تسوق

باريس - زيورخ - ميونخ

كل هالمدن يغلب عليها طابع التسوق اكثر من السياحه الا باريس تسوق وسياحه وحضارات
اذا رحتو قبل لباريس ولدزني ليش ما تغيرون والله ان ملاهي يورب بارك افضل من دزني حسب وجهة نظري ليش ما تروحون لها وغير كذا ارخص واكبر والعاب اكثر وتنوع حسب الاعمار وزيورخ حلوه بس بس كثير عليها خمس ايام وسوقها بيومين على اقل من مهلكم تلفونه من اوله لاخره وين انترلاكن وين جنيف والمدن الفرنسيه القريبه منها
عموما بعطيك مخطط طبعا غير عن الي طلبتيه بس جامع لاشياء متعدده وافضل حل لكم السياره وانصحه فيها جدا وغير كذا والله توفير مو طبيعي خصوصا انكم عائله وبتتنقلون لكذا دوله وتراها اقل سعر بكثير واسهل اجراءات وامتع ومؤمنه كل الي عليكم شراء نافيقور من بلدكم وحفظ الاحداثيات قبل السفر
اول محطه لكم بتكون جنيف تستلمون السياره من المطار وعلى شقق هوم بزنس بديفون اجلسو ثلاث ايام اول يوم اتمشو بجنيف وثاني يوم زورو انسي وثالث يوم منترو ولوزان
بعدها اطلعو لانترلاكن واسكنو ثلاث ايام اول يوم تمشيه بالمدينة والبحيرات ثاني يوم القمه الثلجية الثالث الشلالات والزحليقه وتجول بين القرى المجاوره
بعدها اطلعو لمدينة رست الالمانيه واسكنو ثلاث ايام اول يوم تمشو بفيربورغ وسترازبورغ الفرنسيه اليوم الثاني ملاهي يورب بارك برست اليوم الثالث تسوق بالمدن او زيارة بادن بادن او الاوت لت بالمدينة القريه من شتوجارت
بعدها اطلع على زيورخ واجلسو يومين اول يوم زورو شلالات نهر الراين وتسوق واليوم الثاني كملو تسوق
الايام الاخيره بميونخ اذا انتم مصرين او اطلعو لدسلدوف والعودة تكون من مطار فرانكفورت

violetq8
هلا اخوي ,,, مشكور من قلب عالنصيحه بس شقه ام ؟؟؟ مدري ولامره سكنت بشقه برى ..
وانتظر موضوعك على احر من الجمر

الناري
اوكي بصراحه مخططك حلو وايد وعجبني ,,, بسمعناه انه فرنسا مو فالحسبه صح ؟؟؟؟
وبعدين يورب بارك هذي اعتقد مره رحت لها هي في المانيا صح اذا ماخب ضني او اسم مقارب ...
بس احنا المانيا مخلينها اخر شي ,,,بسألك لو سكنت في بون وطلعت منها على فرنسا وبعدين سويسرا تصير حلوه ؟؟