Ranawy
18-01-2022 - 11:58 am
مرحبا اخواني اتمنى انكم تساعدوني , حجزنا انا وزوجي للسفر يوم 317 ونرجع يوم 178 لاسبانيا وباريس بنقعد اول في باريس لمده 4 ليالي وبعدين في ماريبا لمده 8 ليالي بفندق اندلسيه بلازا بعدين راح يبقى لنا 4 ليالي قال لنا المسؤول عن الحجز انكم اذا رحتوا اهناك تقدرون تمددون في ماريبا او تحجزون على اي مكان ثاني بس انا مو مرتاحه اروح بدون حجز.
سؤالي ايش المدينه او الجزيره الي تستاهل نقضي فيها ال4 ليالي الباقيه؟واي احلى برشلونه ولا مدريد؟
وايش يميز جزيرة مايوركا؟
انا فكرت نخليها ليلتين جزيرة مايوركا
وليلتين برشلونه ولا مدريد (الاحلى فيهم)
او امدد في ماريبا وتصير12 ليله
وللمعلوميه احنا ما نفضل اماكن الاثار وايد , نفضل الاماكن الزحمه الي فيها مطاعم وقهاوي ومولات وسينمات وسهر
واخر شي ابي رايكم في فندق اندلسيه بلازا وياريت تردون علي بسرعه عشان نضبط الحجز ويعطيكم الف عافيه على هالمجهود الرائع
نصيحتي
4 أيام باريس
8 أيام ماربيا (يكون فيها زيارة إشبيلية وغرناطة وبنا المدينة وفنخوريلا وملقا ... الخ )
اليوم الثامن
تتوجهون بالباص لقرطبة وتقضون فيها نصف يوم
ومن ثم تتوجهون بالقطار لمدريد وتكملون فيها باقي الرحلة حيث تتميز مدريد بأماكن السهر والسينمات والتسوق
ومن مدريد مباشرة لباريس إذا أمكن أن يتم تعديل حجزكم
أما بالنسبة لفندق أندلسية بلازا فهو واحد من أفضل الفنادق في ماربيا
وهناك موضوع عن هذا الفندق بأسم أخونا الرائع آخر الفرسان
أتمنى أن تكون إجاباتي مفيده
مودتي وإحترامي
أخوك
المنقلب