أم كيان
24-04-2022 - 03:36 pm
السلام عليكم ورحمة الله وبركاته ...
ساعدوني محتارة وش أسوي .. خططت انا وزوجي هالسنه انو نسافر بعد العيد الى (ايطاليا _سويسرا_لندن)ورتبنا جدول مع الفنادق
الجدول كالتالي // وطبعا بالترتيب//
من الرياض >>الى ايطاليا
1)روما -3 ايام_(فندق الباني)والا(فندق قصر امباسيا توري)والا(فندق سافوي)
2)فينيسيا-يومين-(فندق ريالتو) والا ( فندق Gabrielli) والا ( فندق وستن)
3)ميلانو-يومين-(فندق شيراتون ديانا)والا ( فندق وستن)
بعدين من ميلانو الى سويسرا
1)لوقانو-يومين-(فندق هوليدي ان)والا(فندق( splendid Royal والا (فندق Eden grand)
2)انترلاكن-4 ايام-(فندق الموتر بول)
3)جنيف-يومين-(فندق Novotel) والا ( فندق الورويك)
بعدين من جنيف الي لندن
لندن_5 ايام
1/أي فندق اختار وش الاماكن القريبه منه والزينه ؟وابي يكون سعره زين ومكانه حلو
2/هل عدد الايام كويسه ؟ودي اقلل الايام ((انترلاكن3 ايام) (ولندن 4 ايام) (وجنيف يوم )..ويكون ماعلي ضغط بالتنقلات؟
3/ ابي اعرف الاماكن الحلوه بالمناطق اللي بكتب بالجدول ؟ يعني لما اطلع من الفندق وين اروح؟
4/كيف اتنقل من منطقه لمنطقه بنفس المدينه (بالقطار او الطائره ) واذا كان قطار كيف اعرف اقرب قطار لي وكيف اسعاره؟ ابي اعرف كم سعر القطار من روما الى فينيسا ومن فنيسيا ميلان ومن ميلان الى لقانو وهل الافضل الدرجه الاولى او السياحي ؟
5/ وكم تتوقعون كم يكفين انا وزوجي مصروف يومي بالريال في كلن من الدول الثلاث ؟
6/كم تتوقعون ايجار سياره من لوقانو مرورا انترلاكن ويسلمها بجنيف لمدة 8 ايام ؟
ومعليش ع الاطاله .. اللي عنده اجابه لو على سؤال واحد من اسئلتي .. ياجعله بالجنه ينورني بالاجابه.. وشكرا
لوقانو-يومين-(فندق هوليدي ان)والا(فندق( splendid Royal والا (فندق Eden grand)
افضل الأسوء عدن ابعدي عن الباقين ولاتفكرين فيهم وترشيحي هو dante
2)انترلاكن-4 ايام-(فندق الموتر بول)
متروبلي حلو موقعه واطلاته لكنه ما يعجبني
ترشيحي الاول http://www.aboaziz.net/blog/?p=933
ثم krebs ممتاز
3)جنيف-يومين-(فندق Novotel) والا ( فندق الورويك)
نوفيتيل حطي عليه اكس واسلاك شائكة
الورويك ممتاز مقابل المحطة لكن منطقته مزعجة
وارشح لك السكن في قريتي اسمها ديفون
اي فندق ينفع منها هذا حد البحيرة
villa du lac - divvone les bains
واذا تبين في جنيف ارشح لك Bristol
2/هل عدد الايام كويسه ؟ودي اقلل الايام ((انترلاكن3 ايام) (ولندن 4 ايام) (وجنيف يوم )..ويكون ماعلي ضغط بالتنقلات؟
روما -3 ايام
فينيسيا-يوم
لوقانو-3 ايام ومنها زيارة ميلانو وسيرميوني
انترلاكن-4 ايام
ديفون- 4 ايام
لندن 5 ايام
3/ ابي اعرف الاماكن الحلوه بالمناطق اللي بكتب بالجدول ؟ يعني لما اطلع من الفندق وين اروح؟
اذا حجزتي الفنادق واستقريتي عليه اعمل لك جدول رحلاتك اليومية لانه اسهل شيء في الموضوع
4/كيف اتنقل من منطقه لمنطقه بنفس المدينه (بالقطار او الطائره ) واذا كان قطار كيف اعرف اقرب قطار لي وكيف اسعاره؟
ايطاليا قطار
http://www.trenitalia.com/
سويسرا ايجار سيارة
هيرتز من موقعهم في النت
ابي اعرف كم سعر القطار من روما الى فينيسا ومن فنيسيا ميلان ومن ميلان الى لقانو وهل الافضل الدرجه الاولى او السياحي ؟
ومحتاجة ميزانية 2500 ريال لها وانصحك بالدرجة الاولة حاصة انك في ايطاليا
مثلا سعر التيكيت من روما الى سانت لوشيا فينيس درجة ثانية 110 دولار والاولى 160 دولار للشخص
6/كم تتوقعون ايجار سياره من لوقانو مرورا انترلاكن ويسلمها بجنيف لمدة 8 ايام ؟
من لوقانو تستأجرون سيارة لباقي المدة وتسلمونها في مطار جنيف ومحتاجه تخصصين ميزانية 4000 ريال (سيارة صغيرة مع البنزين)
5/ وكم تتوقعون كم يكفين انا وزوجي مصروف يومي بالريال في كلن من الدول الثلاث ؟
0الف ريال بدون السكن والمواصلات
ومعليش ع الاطاله .. اللي عنده اجابه لو على سؤال واحد من اسئلتي .. ياجعله بالجنه ينورني بالاجابه.. وشكرا
"القناعة كنز لا يفنى"
انتي عملة نادرة