حلوم حلوه
19-06-2022 - 05:39 am
السلام عليكم ورحمه الله
مساء الخيرات على الجميع الله يرضى عليكم احتاج مساعدتكم ضروري
أنا اول مره أسافر اوربا وراح تكون وجهتي ان شاء الله المانيا
مخطط الرحله راح يكون فرانكفورت ويس بادن بادن بادن فرايبورغ والتوجه لفرانكفورت مره اخرى التنقل بالسياره
سؤالي وش افضل الاماكن السياحيه والأسواق اللي تنصحون فيها
سؤالي الثاني دائم أشوف في المنتدى تهتمون في الإحداثيات كيف استفيد منها في السفر وهل هي مهمه اشرحولي
اتمنى أنكم تفيدوني باي معلومه لأني محتاجه في انتظاركم
هلا وغلا اختي حلوم
فرانكفورت ماشاءالله شارع المشاه مش امقصر بالسوق ^_^
وفيه اوت لت ان شاءالله بكرا بنروح له يبعد حوالي نص ساعه ..
اما الأحداثيات فهذي مهمه واجد ..كل مكان في العالم امحدد بأرقام معينه ..
هالأرقام تاخذينها وادخلينها في القارمن وبعدها خلوا كل شي ع القارمن وماراح ايقصر
واي خدمه احنا في الخدمه
نصيحه ..السوق خلوه في رجعتكم الاخيره لفرانكفورت عشان تضمنون انه فيه خرده لانه لوا شريتوا من البدايه ممكن تخترب الميزانيه وتخترب السفره كلها ^_*