اخوي دام الرحله شبابيه روح بتايا بوكيت شوي غاليه يعني لاتطول فيها 4 ايام بالكثير وبانكوك زحمه تنفع للتسوق فقط اقعد يومين فقط اذا تحب اول الرحله ولا اخر الرحله ماتفرق بتايا باقي المده اجلس فيها فنادقها رخيصه وكل شي موجود فيها يعني قسم الرحله الى 4 ايام بوكيت 2 يوم بانكوك 5 ايام بتايا وانتظر باقي الاخوان يفيدونك عن الاسعار

تروح وترد بالسلامة يا غالي
لما توصل بالسلامة مطار بانكوك
اطلع برى المطار واركب مع تاكسي واتفق معاه على السعر شامل الهاي وي
ويكلفك تقريبا 300 بات = 30 درهم
اذهب لمنطقة نانا حقت العرب
تلقى فيها فنادق رخيصة وزينة وشينة
فيه فندق بجوار مطعم نفر تيتي اسمه سكاي أأن نظيف ورخيص في الصيف ب 1000 بات الليلة = 100 درهم
وفيه غيره بالمنطقة رخيصة ب 500 بات = 50 درهم
نانا حارة صغيرة تدور على رجولك فيها .
اذهب لمكتب موسى البانكوي مقابل مطعم شهر زاد ويضبط لك برنامج على كيفك
في مطعم شهر زاد مسجد تقام فيه الصلوات الخمس والجمعة
مطعم شهر زاد موجود بوسط نانا ومقابله مكتب موسى البانكوي وهو معروف
يوجد في نانا صرافين وانترنت ومكاتب سفريات وكل شئ تبيه
عندك تقارير الاعضاء فيها كل شئ وأي خدمه انا حاضر
عليكم بالحفاظ على اذكار الصباح والمساء والصلوات الخمس
تروحون وترودن بالسلامة . ولا تنساني من دعائك يا حبي .

دبي7887
أخوي العزيز هناك في بانكوك عده فنادق ممتازة .....
في فندق " نوفوتيل سيام سكوير " وتقريبا ليلته ب 300 إلى 350 درهم الليلة وهو فندق رائع وبجانب السوق .....
في فندق "بايوكي سكاي " أيضا جميل ونظيف وليلته تقريبا ب 250 إلى 280 درهم ومشكلتة الوحيدة الزحمة .....
وفي فندق " ديما هوتيل " أيضا ممتاز سكنت فيه قبل شهرين وليلته بالإماراتي تقريبا تقريبا 250 إلى 280 درهم .....
والأسواق عندك " طوكيو سنتر - بلاتينيوم - بق سي - زن - براتونام - سوق الأحد - امبوريوم " .....
وبالنسبة للطيران الداخلي تروح " نانا " شارع العرب وفي عندك مكاتب سياحية مثل " موسى البانكوكي " قوله ممكن يدلك على المكاتب اللي تعطيك تذاكر طيران داخلي وممكن اهوه عنده وتقدر تحجز عن طريقة فنادق .....
يعطيك العافية ..... وإذا تبي أي شي احنا حاضرين .....

بالنسبة حق اول برنامج راح تلقاة في اول يوم هو عيد الماي يعني تحمل تطلع من الطيارة ويجيك الماي فوق راسك خ
تحياتي

اجلس في بانكوك واحضر عيد الماي اول يوم ، وثاني يوم روح بوكت او بتايا عشان تحضر عيد الماي هناك بعد .
سفرة موفقة

مرحبا الساع مشكورين ع الرد والله ما قصرتو
بس انا بوصل ع الساعه 7 الصبح من يوم السبت في تاريخ 144 خطتي اسير لنانا وادور فندق زين نظيف بس في امان هناك ...
اليوم الي عقبه بنسير بوكت بيلس تقريبا يومين وعقب من بوكت لشنقامي هل تنصحوني اسير بوكت اول والا شنقماي .. باتا سمعت انها كله الجنس الثالث فيها ....
شنقماي تقريبا 3 وعقب بنكوك يوم وبنرد
وبرد ع 224
والسموحه

اخوي بالنسبه لبتايا بختصار شديد مدينه كما قلت للجنس الثالث والاول والثاني بختصار شديد يعني منطقه شبابيه ماتنفع للعوائل منطقه مشهوره بالدعاره والبارات والمراقص فقط هذي الخلاصه