حبيبتي انتي عندك اكثر من هدف في مناطق متباعدة
والفترة الزمنية قصيرة غير الارتباط العائلي
ركزي على اهدافك وحدديها
مع تحديد الايام المتاحة للخروج من بيرن والعودة لها في نفس اليوم
حتى نقدر نتصور معاك البرنامج المقترح
وياليت تذكرين محطة العودة
بالتوفيق

البرنامج متداخل ارجو التوضيح ونقطه البدايه مع النهايه

مرحبا انا ماعندي برنامج معين انا ودي ازور كذا مكان مو شرط كلهم اهم شي اكثرهم وناسة ومتعة في هذيك الفترة وبصراحة ودي لو تتساعدوني في ترييب برنامج سياحي وارجع اقول لكم مو شرط كلهم عادي نصهم او ربعهم بس الاهم الاماكن الاجمل والمناسب جوها في ذاك الوقت( ممكن احذف كل الاماكن لو بيرن احلى منم كلهم )......................طبعا اخر محطة زيورخ وبتكون رحلة العودة منها............طبعا انا سمعت عن الزحاليق هذي وش سالفتها ووين ممكن الواحد يشوفها ويلعب فيهافي شهر 10 لاني سمعت ان اغلب الاماكن تقفل في هالشهر وبعدين ودي اودي عيال مكان فيه ثلج (خبركم متعودين على الحر وماشافوا الثلج الا في الامارات مول ) ............... وبالنسبة لاخوي مو مشكلة يكفيه يوم واحد وقال اي مكان بتروحين خذي زوجتي والاولاد معاكي ............معتمدة على الله ثم عليكم في ترتيب برنامج حلو لي ........وشكرا

اماكن مقترحة وشوفي اذا هي مناسبة
يوروبابارك في المانيا
شلالات الراين في زيورخ
اما ميلانو والاوت لت ارى انه جدا بعيد ):

بالنسبه لسويسرا من رأيي يكون برنامجك يبدا من جنيف لانه في منتصف بين منترو الرائعه الساحره بهدوئها اذا كنت من عشاق الجو الساحر ومنترو يكفيها تتعرف عليها يوم واحد اما انترلاكن فهناك شبه اجماع على انها من اروع الاماكن في سويسرا وللاسف اني ما رحتها اما شامونية فهي من اجمل واروع و احلى الاماكن الي رحتها في حياتي بس هي في ثاني اعلى قمه في العالم وترقالها بالتلفريك وتروحلها بالسياره قرابه الساعه من جنيف وهي قريبه من ميلانو الايطاليه اذا ما كنت غلطان اما زيلامسي فهي بعيده في النمسا وانصحك ان يكون لها برنامج مستقل الاهم بالنسبه لي كرأي شخصي الاهم سويسر ومحطه الانطلاق جنيف يوم منترو و يوم شامونيه ويومين تتعرفين على جنيف الساحره واربع ايام في انترلاكن او ثلاثه الاهم في الموضوع هو زيورخ التعيسه حاولي ما تكثرين الايام فيها انا جاي منها امس مافيها اي شئ الاسوق يدوخ الراس وماعمله اسؤ من السيئ وترى هذا رأي الشخصي والي شفته بعيني

بس انا ناوية استقر في بيرن ................................................وا بي برنامج فيه الاماكن التالية (شامونيه-انسي-جنيف-مونترو -انتر لاكن ) طبعا شكلي وانا جاية من فرنسا بنام ليلة في جنيف بعدها بكمل على طريقي على بيرن لان اغلب الظن تنقلاتنا بتكون بالسيارة ...............................واللي سمعت ان مونترو فريبة جدا من بيرن حوالي 40 دقيقة ...........زعلشان كذا ودي ترتبون لي برنامج فيه شامونيه - انسي- وانتر لاكن لاني لغيت ايطاليا والمانيا والنمسا من الجدول .......................واذا في مدن ثانية احلى من هذول اقترحوا لي هالمدن .....شكرا

بين برن ومنترو89 كيلو
ومنترو انصحك فيها مره حلوه واسكني في سويس ماجيستك هوتيل موقعه خطير

شوفي اختي بالنسبه للأوت لت حق ميلان مايسوى العنوه ابد انا انصدمت فيه وخساره اليوم اللي راح بس صدقيني لاتتندمين عليه ابد واذا تبين اوت لت بسويسرا فيه حق لوقانو الفوكس تاون احلى منه بمراحل
اذا بتستقرين ببيرن وبتاخذين زوجه اخوك وعياله فاكيد القطار احسن لكم من السياره
لانكم لو بتاخذونهم يبي لكم سياره كبيره
انا باحط لك برنامج وشوفي اذا يناسبك والا لا؟
اذا جيتي من باريس ناموا يومين بجنيف واستاجروا سياره اذا تبون
اول يوم شوفي جنيف طبعا مافيها الا البحيره والبلده القديمه والسوق هذي ب 4ساعات مخلصتها طبعا توقفون السياره بمواقف المون بلا او اي مكان تبون
تطلعون بعدها لانسي تتمشون فيها وتشوفونها حلوه ورايقه بصراحه وتستحق الزياره
اليوم الثاني تطلعون لمونترو وتتمشون فيها واذا تبين شامونيه ممكن تروحين لها فيها ثلج بس انا مارحت لها بصراحه لأن واحده من الخوات هنا سبتها في موضوع لو بتشوفينه هنا للأخت لولو انا بصراحه كنسلتها واذا بتكنسلينها روحوا للوزان
من بكرى تسون تشيك اوت من الصباح وتتوجهون لبيرن بس بالطريق بتمون بلوزان تمشوا فيها وشوفوها اذا مارحتوا لها باليوم اللي قبله وكملوا طريقكم لبيرن واذا معكم وقت مرو انترلاكن وتون ومنها روحوا لبيرن
زوجك يسلم السياره ببيرن خاصه انكن بتجلسون عند اخوك وماراح تستفيدون من السياره وحتى لو طلعتوا ماراح تكفيكم مع زوجته وعياله
بتجلسين عند اخوك واليوم الثاني برضه معاه
اللي بعده اشتروا السويس باس حق الشخصين نسيت اسمه واطلعوا جنغفارو اللي هو اعلى قمه باوربا ثلج ولعب اذا الجو يسمح وتتاكدون من نشره الاخبار بس اطلعوا بدري عشان تستمتعون فيها
اليوم اللي بعده اطلعوا لوقانو وتمشوا فيها وروحي للفوكس تاون اذا تبين
بيرن خلي لها يوم طبعا البلده القديمه هي الحلوه فيها وفيها محلات واسواق ومطاعم
زيورخ مافيها شي ابد ولاتسوى العنوه بصراحه
هذا اللي ببالي حاليا
تط

اختي نصيحتي لك لا تلخبطين نفسك بكثرة التقارير
ركزي على الدليل السياحي وهذا الرابط
https://artravelers.com/p/re/51030
ومن قرائته بيكون عندك تصور عن المنطقة
وعلى اساسه تقدرين تحددين اهدافك والبرنامج المناسب
موفقة يا رب