بما انك تبين ثلج فاقترح تتأكدين من الميزانيه
وبالنسبه للوجهه الثانيه للمارسة الالعاب المائيه ارشح جزيرة بيننغ او لنكاوي في ماليزيا

هلا أخوي مضيع جوازة
طيب تقريباً كم راح تكلف أحد البلدان راعيين الثلووج
لأن من شان نرتب الميزانية لازم نعرف المبلغ التقريبي علشان يمدينا نرتب إستلام الجمعياات هع هع
ومافي جزيرة في غير آسيا ؟؟ مشان يصير نوع من أنواع التغيير (غير بالي ) وماليزيا مزدحمة بالسواح العرب وهذي نقطة مهمة

Choco CupCake
هلابك .. على حسب ميزانيتك وصرفك وسكنك .. تقدرين ترتبين رحلتك .. يعني ممكن 20 الف تكفي وممكن 40 الف ماتكفيك
شوي ويرد عليك اخونا العضو حلو ومدلع اعتقد ان ملم في هالسوالف اكثر مني خصوصا مواضيع الثلج لان تخصصي صحراء وبر وهو جزر وثلج
مع التحيه

1. ان اتروحين استراليا وبس

ههه انا اقول من الي يايب طاريي
ومرحبا اختي واهلا وسهلا فيج
واولا جذي ماينفع انا ماحب ارد الا لمى اتكون المعلومات كلها عندنا وانا لاحظت وايد اعضاء يكتبون معلومات وينسون اهم المعلومات
عطيني عدد الافراد وعطيني الوقت هاي اهم شي متى بتسافرين وكم يوم تبي اتسافرين علشان نقدر انحدد لج الميزانية بعد
بنسبة للجزر الي مافيها سواح عرب وايد فبقولج المالديف او سيشل او موروشويس بس خدها 4 او 5 ايام وانتي مثل ماقلتي جربتو استايل الجزر في بالي انا اقول لو تبين نصيجتي وسفرتك بتكون بصيف

ان اتروحين استراليا وبس

بنسبة للعرب للامانه غولد كوست فيها عرب وايد بس ماراح اتشوفينهم وايد لان طول النهار رحلات وبليل راح تتمشون اشوي اما بنسبة الى سدني وملبورن فقليل قليل قليل بتحصلون في ناس يعني في سدني يوم سافرت ماحصلت الا عائلة صغيره وفي ملبورن ماحصلت الا شباب سعودين وخليجين شكلهم كانو طلاب اهناك بس
لهشي انا انصح فيها وممكن اتمرون حدى دول شرق اسيا يعني ممكن اتروحين الى استراليا ودام انتي تبين جزيرة بعد في النهاية ممكن اتمرين وحده من دول شرق اسياء وتستمتعون بلجرز اهناك وفي ناس وايد ينصحون في بوكت في تايلند ولاكن اذا انتي سعودية فسمعت ان ممنوع سفر السعودين الى هناك وممكن اتروحين الى جزيرة بالي او الى لانكاوي في ماليزيا وانا انصح فيها بعد وهي حلوة وبعدها ترجعين يعني ممكن اتخلون سفرتكم اسبوعين الى استراليا مع اكيد اتمناها اكثر وبعدها يومين لانكاوي ويومين كوالالمبور وبعدا ترجعون ويكون المجموع 20 يوم وتستانسون فيها
وعندك بعد اوربا يعني افضل اوربا هي باريس وجنيف بس اكيد مليانه عرب لو اتكلمين عن الصيف
ولو اتكلمين عن الحين فاكيد ما انصحج لان موت الحرارة امس ماينس 10 في لندن تخيلي يعني انا صرت دياي مثلج امس لدرجة صرت مااداوم بلجامعه والسبب جوهم التعيس المهم اكيد مانصح في اوربا الحين
بنسبة للميزانية ففي اوربا حطي في بالج ان السكن كمعدل متوسك الف ريال بليوم ونفس الشي الصرف
يعني لو بتقعدين اسوبوعين سكن وصرف بتكلفكم 30 الف ريال وبنسبة لتكت فكمعدل متوسط لشخصين بتكون التذاكر ب 7 الاف ريال يعني 3500 ريال لشخص الواحد يعني السفرة بتكلفكم 40 الف ريال ممكن اتزيد وممكن تنقص وهايا نتو مرتاحين ومو شايلين هم
بنسبة لستراليا فبنسبة لسكن اكيد ارخص من اوربا اما تذاكرها اشوي غالية يعني اتوصل لشخص ب 5 الاف ريال او 6 الاف ريال يعني الميزانية انا اشوفها لعشرين يوم بحدود ال 40 الف اكثر اشوي ارخص اشوي
يعني تقريبا هاي بنسبة لحساباتي ولو عندكم ميزانيه معينه ممكن تعطونا اياها واحنا انشوف على غرارها شنو الدوله المناسبة

هلا والله
وشكرا على المعلوماات الكثيرة ..
عدد المسافرين أنا وزوجي بس ..
الميزانية : عندنا 20 الف جاهزة حالياً بس إلى وقت السفرة ممكن تزيد إلى 35
وإذا ركبت راسي ممكن تزيد ===> مصرة تسافر
عدد الأيام بيكون من 10 إلى 15 ( عندي طفلة في البيت لازم ارجع لها )
تقريباً راح نسافر على جوون

• بس ممكن نعدل وقت السفرة بس أهم شي يكون بعد جوون لأن بنتي الحين مرة صغيرة بس على جوون بتكمل 7 شهور وعندي امكانية اتركها

أستراليا فكرة حلوة .. لاكين نحن مأجلينها لين أصحابنا اللي من أستراليا يكون الوقت مناسب عندهم لأن راح يكونو معانا
وصراحة قلبي مايل على أوربا
ف متى يكون الجو فيها مناسب ويقل الإزدحام فيها ؟؟!!
وأيش الأكشينات في باريس و جنيف !!

أنصحك أسبانيا ,, أو النمساء وألمانيا ,, أو إيطاليا وسويسرا

1. والوقت الي انتو مختارينه حلو والجو فيه حلو ولحين مافي زحمه وهاي ميزه


2. والي بسافر وبسافر لازم يدفع صح ولا لا

مرحبا اختي مع اني لحين مصر على استراليا لان جوها حلو وانا اشوف ميزانيتكم زوينه وتنفع لها بس بقولج ترا الصيف عندنا يعني شتى بستراليا وشتاهم حلو بارد طبعا مو مثل شتى اوربا الي مايخليج اتحركين لا شاهم حلو وايد ورايق
على العموم انتي فكري بستراليا عدل المهم لو ماتبين استراليا ومصره على اوربا فاحلى اوربا مثل ما قلت لج باريس وجنيف هاي بنسبة لي

والوقت الي انتو مختارينه حلو والجو فيه حلو ولحين مافي زحمه وهاي ميزه

وحدديلي المدة عدل يعني لو بتروحون اسبوعين ممكن اسويلكم جدول حلو انا سويته في سفرتنا ولاكن راح اقلل الايام عندكم ومنها انكم شفتو كم دولة
يعني اتروحون الى ميونخ وتقعدون فيها 3 ايام وبعدها تطلعون زلامسي وتقعدون فيها 3 ايام وبعدها اتروحون فينا وتقعدون فيها 3 ايام وبعدها جنيف وتقعدون فيها 4 ايام وبعدها باريس وتقعدون فيها 4 ايام والمدة بتكون 17 يوم
وطبعا تقدرون تلغون ميونخ لو تبون يعني ممكن توصلون على مطار ميونخ وبعدها اتروحون زلامسي على طول لانها تبعد ساعه ونص عن ميونخ وتبتدون رحلتكم من اهناك يعني زلامسي و فينا و جنيف وباريس
وممكن لو انتي اتقولين انا وحده ماحب التنقل وايد ومابي اسوي زحمه يعني انا واحد ماحب التنقل وايد واذا بتنقل اقل شي اكون قاعد في كل منطقه لو اسبوع وبعدها اروح للي بعدها
لهشي اقولج لو ماتحبين التنقل وايد انصحج اتروحين على جنيف وتقعدين فيها اسبوع او 5 ايام وراح تستانسين اهناك ومن غير في رحلات للمناطق القريب منها وبعدها اتروحين الى باريس وتقعدين فيها اسبوع بعد او 5 ايام يعني على حسب رحلتكم لو كانت 10 ايام او اسبوعين واتقصمينها بينهم وانا انصح اتمرون جنيف في الروحه وباريس في الرجعه
وعندي تعقيب لخونا العزيز سيرفس وانا اقول ان طبعا هو غلطان في حساباته يعني يعطيني شركة طيران حلوة اتبيع التذاكر باقل من الف ريال اذا بتقلولي السعودية ولو حجزت بدري فقولك هاي عروض ماتكون دايم موجوده
وبنسبة للسكن انا اقولك لا بالغت وايد شنو الي سكن ب 250 ريال يعني وين تبي اتسكنهم في عشة ولا فندق نجمه وحده
مهما كان هم في ديرة غريبه وهم رايحين يستانسون مو يشيلون هم اغراضهم اذا بتنسرق ولا لا ومو يشيلون هم السكن
على فكرة انا ضد الي يقولي والله هي نومه وخلاص بلعكس لازم يكون المكان حلو ومرتب ويستاهل وانا رايح علشان استانس ورايح نقاها فاكيج لمى اروح حق مكان اقل من المكان الي ان فيه اكيد بكتب يعني هاي اقل شي بنسبة لي
انا لو بروح سفره وبسكن في سكن اقل من السكن الي انا ساكنه اقصد اقل مستوا والله من بيتنا وبكون مكان ضيج ومب نظيف ومو ضامن على اغراضي فليش اروح اقعد في بيتنا معزز ومكرم ولا اسافر واشقى عمري

والي بسافر وبسافر لازم يدفع صح ولا لا

بنسبة لي اشوف المعدل المتوسط للفندق في اوربا هو الف ريال او حتى 1200 ريال اغلى من هشي بقولج اي صح غالي اشوي وعلى فكرة هاي اسعار الاربع نجوم يعني حتى مو الخمس نجوم
وعلى العموم انا يهمين في السفره انها اتكون حلوة وكامل من كل الجوانب يعني لو الميزانية ماتسمح الى اوربا شرق اسيا موجود ورائع والدول العربية مووده صح ولا لا بس اقل شي سكن مثل الناس ورحلات حلوة ومن دون ماكون خايف ان يقصرني شي
واي استفسار انا بلخدمة

مع إحترامي لكاتب الموضوع ردي بيكون رد لأحد المواضيع الأخرى ..
الحمدلله من أول وأنا قايل بعض الناس يتهمون بالهبال