السلام عليكم اخواني و اخواتي
احب اشكر جميع جهودكم الي ساعدتني في تخطيط رحلتي لباريس
انا قريت معظم التقارير و استفدت منها جدا.
هذي اول زياره لي انا و زوجي ل أوروبا و الميزانيه محدوده
مدة الرحله: اسبوع
التاريخ: من 19-26 - ديسمبر 2010
الطيران: الاتحاد درجه سياحيه - ابوظبي - باريس - ابوظبي
هذا مخطط الرحله الي ماشين عليه و مشكور ل اخوي باريس فوريفر
https://artravelers.com/p/re/170642
في فنادق روعه بس ماعرفت اي فندق اختار... احترت
جنب الشانز و لا برج ايفل و لا فندق جنب محطه الميترو؟؟
الي مجرب فندق اربع نجوم و اسعاره حلوة ممكن يفيدوني - بدون افطار-
=======
احنا نفكر نقضي في باريس خمس ايام
و يومين في شامونيه لاني شفت صورها و عجبتني
السؤال: كيف نروح ل شامونيه... ميترو و لا باص سياحي؟؟ و اذا باص سياحي وين انلاقيه؟
ممكن تنصحوني بفندق يكون فيه نشاطات ثلجيه؟
و بدل ما رجع ل مطار باريس ينفع ارجع من مطار سويسرا لانها اقرب؟
و اذا شامونيه بعيده جداً لاني شفتها على القوقل مابز .. في مدينه اقرب و فيها نشاطات ثلجيه؟ او نشاطات اخرى؟
وشكراً
