هلا بك اختي ام غنى
بما ان مدتكم 8 ايام فقط .. مانصحك بزيارة اسطنبول ومعها اوزنجول لان كلا المدينتين يحتاج لمدة لاتقل عن 6 الى 7 ايام
وغير كذا راح يضيع وقتكم بالتنقل لانكم بتحتاجون الى طيران داخلي من اسطنبول الى طرابزون .. وثم بالسياره من طرابزون الى اوزنجول
فالافضل ( برأيي )
انكم تقسمونها كالتالي :
3 ايام اسطنبول
يومين سابنجا
3 ايام اسطنبول
وبالنسبة للغه .. اصلا قليل جدا من الشعب التركي يتكلم الانجليزيه واغلبهم موظفين الرسيبشن بالفنادق ..
فالافضل لكم ( بعد تحديد الاماكن والمدن ) تاخذون اسمها بالتركي ونطقها بالعربي .. وكذلك جمع اهم الكلمات التركيه ومعناها بالعربي ( مثل اللي راح تحتاجونها بالمطعم او الفندق ) وراح يسهل عليكم الموضوع ان شاء الله ,,
ونتمنى لكم شهر عسل سعيد وممتع ان شاء الله ,,

8 ايام حاولي ماتطلعوا بعيد لان التنقل متعب وياخذ وقت ماقال اخي تكون اسطنبول ضواحيها
اذا قدرتي تروحو بورصه يومين احلا واحلا

x- نجلاء -x
أختي نجلاء والله ماقصرتي طيب ابغى رأيك ايش رأيك نروح 4 ايام انطاليا و4 ايام اسطنبول فقط عشان زوجي مايحب التنقل كثير نبغى نسافر نرتاح من عناء التعب مانبغى تنقلات كثيرة هل انطاليا تنفع شهر عسل في شهر يوليو ؟ هل يوجد بها منتجعات فخمة اتنتظر ردك يالغالية .

هلا بك اختي ..
ممكن تبدئون بانطاليا 4 ايام ثم اسطنبول 4 ايام
لكن اذا كنتوا اول مره تروحون لهالمدينتين يعني ماشفتوها من قبل .. ماراح تطفيكم المده يعني مابيمديكم تزورون كل الاماكن السياحيه الجميله
لان كل وحده منهم تستاهل اسبوع بحاله
وانطاليا جدا رائعه وجميله ومناسبة لشهر العسل وفيها منتجعات جدا فخمه وبتعرفين هالشي من التقارير ..
بالنسبة لشهر يوليو تكون اجواء انطاليا فيه حاره نوعا ما يعني تقريبا درجة الحرارة 35
لكن بالليل يكون فيه هواء بسيط
وربي يوفقكم اختي ,,

x- نجلاء -x
الف شكر لك أختي الكريمة يعني من رأيك نغير تركيا ونروح دبي ونترك تركيا لوقت آخر تكون فيه فترة طويلة ايش رأيك ؟؟

لا بالعكس خليكم على تركيا خصوصا انكم عرسان ..
لكن برأيي افضل انكم تقضونها باسطنبول واللي حولها
عشان تعطون المدينه حقها بالتمشيات .. واذا تحبون تضيفون على اسطنبول ( بورصه او سابنجا )
يعني شي قريب
وبالتوفيق ,,