السلام عليكم اتمنى تقبلوني عضو جديد بينكم
وبدخل في الموضوع على طول وكلي امل في الاستفاده من خبراتكم وتجاربكم ونصائحكم
انا سويت الحجز على الخطوط السعودية بس
وقت الوصول الساعه 13:00 يوم الثلاثاء 21 يناير
وقت المغادره الساعه 15:00 يومالاحد 02 فبراير
طبعا وضعت جدول مبدئي بدون تفاصيل كثيره واجهت بعض المشاكل اللي اتمنى اجد لها حلول بديله
اول مدينة سيلانجور والفندق صن واي لاقون والحجر متوفر بإذن الله
السؤال كم اجلس يوم فيها
ثاني شي لنكاوي الذهاب بالطائره وامر الحجز ميسر بإذن الله
لكن المشكله في السكن اكثر الفنادق اللي قريت عنها في المنتدى ماحصلت فيها حجز
مثل منتجع برجايا لنكاوي Berjaya Langkawi Resort
والبحث كان في البوكنق واللي حصلت فيها اسعارها غاليه مدري طبيعي والا لا
السؤال اسم فندق او منتجع نظيف وموقع كويس وسعر غير مبالغ فيه
والسؤال الثاني كم يوم اجلس
ثالثا بينينج مدري اروح طيارة والا بالفيري العباره
وكيف فندق هوليدي انن كويس لان سعره معقول والا اعطوني غيره
وكم يوم اجلس فيها ؟
رابعا واخيرا وليس اخرا كوالا والرجوع لها بالطياره والا فيه طريقة ثانية ؟
وبعدين ابغى فندق كويس وحصلت كثير باسعار متفاوته فيه الغالي والرخيص
والصراحه ادور شي كويس فخم حتى لو كان شبه غالي اذا كان مدة الاقامه في حدود ثلاثة ايام
اذا بتكون اكثر فياليت يكون بسعر مقعول
وطبعا مااستغني عن نصايحكم في الاماكن اللي ازورها والمساعده في وضع جدول يكون غير مضغوط
ومافيه تلفريك لاني ما احبه هو والالعاب
علما اني قريت كثير
وصار عندي شوية معلومات لكن اذا صار الكلام موجه لي احس اني افهم اكثر
وتخف الزحمه اللي في راسي شوي
وسلامتكم وشكرا لكم مقدما على اللي قدمتوه للمنتدى واعضائه