نشر في فرانكفورت

ساعدوني في ترتيب الجدول الله يرضى عليكم تعبت

So.cute

02-06-2022 - 05:04 am

السلام عليكم ورحمة الله وبركاته
ياريت حد يرتبلي جدول رحلتي تاريخ 30_6_2011 النزول في فرانكفورت ورجعه من نفس المطار ع تاريخ 18_7
ابى منطقه قريبه من فرانكفورت تستحق الزياره ونقعد فيها 3 ايام
انا قلت ممكن تكون استرسربورغ بس ماعرف اذا تستحق الزياره
ياريت ترتبولي جدول حلو المهم يتضمن انترلاكن 5 ايام وآخر شي ميونخ لتسوق 4 ايام
في انتضاركم ان شاء الله ماتخذلوني

التعليقات (8)

دمـوع الوجـد

02-06-2022 - 08:43 am

عندك 18 ليله
ليله فرانكفورت - 4 ليالي ميونخ - 3 ليالي بادن بادن - 5ليالي انترلاكن - 3ليالي جنيف - ليلتين فرانكفورت
افضل مخطط كذا

So.cute

02-06-2022 - 09:44 am

مشكور اخوي دموع الوجد بس مابين فرانكفورت وميونخ مسافه كبيره وايد ونحن عايلتين العايله الاولى 9 اشخاص والثانيه 5 اشخاص..ومعانا يهال
انا ماعندي فكره شو الاقرب والاحلى.. وميونخ اريدها آخر شي في الجدول للتسوق
يعني من نطلع من فرانكفورت مانقدر نروح الريف الفرنسي لان سمعت ان فرنسا قريبه من فرانكفورت
شورايك في استرسربورغ ولافي منطقه احلى منها؟؟؟ وبعدها انترلاكن وبعدها النمسا وعقب ميونخ وليله في فرانكفورت لرجعه
وجنيف الاهل ماتباها .. يعني نلغيها
شورايك؟؟ ياريت تقولي رايك والمسافات مابين منطقه ومنطقه بالسياره طبعا

دمـوع الوجـد

02-06-2022 - 10:45 am

طيب المسافه من ميونخ الى فرانفكورت هي هي وانتوا تبغونها 4 ساعات
ليله فرانكفورت - 4ليالي بادن بادن - 6ليالي انترلاكن - 5 ليالي ميونخ - ليلتين فرانكفورت
الريف الفرنسي الحلو هو اللي عند جنيف وانتي الحين تقولين ماتبغين جنيف وستراسبورغ قريبه من بادن بادن ويفضل السكن في بادن بادن او رست فيها خيارات للسكن كثيره وخصوصا الشقق
فرانكفورت - بادن بادن 183 كلم اوالى رست 240 كلم
بادن بادن - انترلاكن 317 كلم او من رست الى انترلاكن 240 كلم
انترلاكن - ميونخ 437 كلم
ميونخ - فرانكفورت 393 كلم
ميونخ بعيده عن المخطط بس انتوا تبغونها ممكن تخلون العوده منها عشان ماتضربون هالمشوار
ترى من الحين اقولك صعب تلقون سكن في انترلاكن لكل هالعدد ماشاء الله تاخرتوا كثير

So.cute

02-06-2022 - 11:46 am

اوكي انزين شرايج ان اول ماننزل من المطار نتوجه الى بادن بادن 3
يعني يصير المخطط
بادن بادن 3 ليالي_ 5 ليالي انترلاكن_ 4 ليالي كابرون _وميونخ 4 ليالي_2 ليالي فرانكفورت
ضفت كابرون لراحه لان مانقدر نقطع كل هالمسافه من انترلاكن وميونخ
شورايج..؟؟ لاتواخذيني تعبتج ويايه

دمـوع الوجـد

02-06-2022 - 12:47 pm

المسافه من انترلاكن الى كابرون ياغاليه 7 ساعات يعني اقرب بالنسبه لكم من انترلاكن الى ميونخ
انا اشوف انه ميونخ والنمسا بعيده عنكم الافضل انكم تغيورن وتخلون الذهاب ميونخ ممكن اما غير كذا خلوكم على سويسرا وبادن بادن وفرانفكورت فقط لاغير ولابتسير عندكم مسافات طويله

So.cute

02-06-2022 - 01:48 pm

!!!!!!!!!! 7 ساعات
مشكوره اختي دموع وجد وبارك الله فيج
انا بشور على الاهل هالمخططين الي عطيتيني اياهن وراجعه لج ان شاء الله ههه (الله يعينج)
لاتروحون بعيد
الله يحفظج ان شاءالله
مشكوره مره ثانيه يالغلا

ALI_Q8_77

02-06-2022 - 02:49 pm

مساء الخير
اولا ما هي وسيلة التنقل ؟؟؟ سياره ولا قطارات ..
الساعه كم وصولكم الى المطار ؟؟ وساعة المغادره كم ؟؟
ثالثا لا تجمعين سويسرا مع كابرون وخصوصا انترلاكن ..
رابعا كيف هي الميزانيه ؟؟ والسكن تحبون فنادق وله شقق
تحياتي ودمتم بخير

So.cute

02-06-2022 - 03:50 pm

هلا اخوي علي
وسيلة التنقل هي سياره
وصولنا للمطار على ماعتقد الصبح لاكن ماعرف الساعه كم بالضبط
نفضل نبعد عن المدن ماعدا ميونخ
وتهمنا انترلاكن تكون بالمخطط
والميزانيه متوسطه مش وايد
في انتضار رأيك اخوي علي

فرانكفورت المسافرون العرب

ساعدوني في ترتيب الجدول الله يرضى عليكم تعبت