احلام المتكبرين
26-02-2022 - 10:56 am
السلام عليكم
انا بسافر الى اوروبا وبالتحديد النمسا بلد الوصول الى ميونخ بلد المغادره
رحلتي راح تكون كالاتي بالترتيب :
3 ليالي فيينا
3 ليالي سالزبورغ
7 ليالي كابرون
3 ليالي قارمش الالمانيه
3 ليالي ميونخ
بصراحه ما اني عارفه هل اذا اجرنا سياره افضل والا المواصلات مع العلم ان احنا عايله شخصين كبار و3 اطفال
وزوجي متخوف من سالفه السياره ويقول خايف ما اعرف او اضييع
واحنا راح ناخذ معانا جهاز القارمن عليه خريطه اوروبا
حبيت اعرف شنو افضل طريقه لتأجير السياره ؟؟؟ هل ااجرها من الكويت من مكاتب التاجير ؟؟ ام في النمسا
واذا كان بالنمسا في اي منطقه تفضلون اني ااجرها وكيف
وشنو الواراق المطلوبه للطريقه الانسب اللي راح تقولونها لي
ام اني ااجر السياره عن طريق الانترنت وشنو افضل موقع لتأجير السيارات رخيص وزين ومعروف؟؟؟ وشنو افضل سيارة لعائلتي
ومن اي منطقه تفضلون اني ااستلم السيارة
طبعا التسليم اكيد بيكون بميونخ لان العوده راح تكون من ميونخ
ترا احنا حدنا اعليميين ما انعرف شي اول مره
واتمنى انكم تفيدونا بالتفاصيل وتمشون معانا خطوه بخطوه
لان ما انعرف شي
سفرتي اول شهر سبعه ما بقى شي
وابي اخلص شغلي بسرعه
وجم تقريبا تكلفني السياره حق 21 يوم
وشكرا
ا
وتستأجرون منهم لكن الدفع سوف يكون عند فرع استلام السياره وعن طريق الفيزا مايقبلون كاش
او تدخلون النت وتستاجرون وهذا تقرير للأخ الفاضل رائع جدا وبين في بداية التقرير طريقة استاجار السيارة وضرب مثال للطريقه بالصور
https://artravelers.com
والافضل بعد الانتهاء من فيينا تنتقلون بالقطار الى سالزبورغ
ويتم استاجار السياره من قرية Freilassing الالمانيه وتبعد 10 دقائق عن سالزبورغ بالتاكسي
وتسليم السياره في ميونيخ فرع munich mainstation
يعني اجار السياره راح يبدا معكم من سالزبورغ وينتهي في ميونيخ