انصحك تجربين ...الورويك
افضل من اللي ذكرتيهم
وموقعة حلو في الشانز

انا سكنت في مريديان ايتوال من 10 - 15 اكتوبر الماضي غرفة ديلوكس
الفندق نظيف ومرتب والخدمة ممتازة
الغرف متوسطة الحجم ويعيبها عدم وجود غلاية للماء والمخدات متعبة لكن يمكن تغييرها بنوع ثاني
وشيء مهم الثلاجة نظامها اتوماتيك بمجرد ما تسحبي اي شي يسجل عليك حتى لو ما استخدمتيها لذا احذري
الموقع لابأس به بعيد عن الشانز 20 - 30 دقيقة مشي محطة مترو قريبة
مطاعم كثيرة قريبة وايضا بقالتين قريبة 5 دقايق مشي

1. هذا غير ان الفندق ماشاء الله كله خليجيين ، اكثر شي كويتيين وسعوديين .

السلام عليكم ورحمة الله وبركاته ..
اختي انا سكنت باول شهر 8 هالسنة ابفندق نابليون ..
بعده عن الشانزليزية 400 متر ( Avenue des Champs-Elysées 0.4 km ) بس لا تحسبين ان الفندق ابعيد عن الشانز ..
ترا ياخذ منك دقيقة وحدة بس مشي من الفندق الى الشانز وعلى الراحة بعد مو مشي سريع
والفندق قريب عند محطة مترو مهمه اسمها محطة شارل ديقول ( Charles de Gaulle-étoile 0.1 km )
بينج وبينها 100 متر و المشي من الفندق الى المحطة ياخذ تقريبا 30 ثانية فقط ،
هالمحطة هي اللي اتودي لدزني لاند ابخط واحد يعني ما تحتاجين اتغيررين المترو لين توصلين لدزني ..
وهم هالمحطة اهي توديج لسوق لافاييت المشهور ابأول محطة يوقف عندها المترو ولا انتي واصلة السوق ..

هذا غير ان الفندق ماشاء الله كله خليجيين ، اكثر شي كويتيين وسعوديين .

اما من ناحية النظافة فهو نظيف و مرتب وموقعه هادي وايد و الرسبشن خدومون وايد .
وعالساعه 2 بالليل تقريبا يقفلون باب الفندق الزجاجي الخارجي و ما يفتحونه الا للي يعرفونهم من الفندق او من سكان الفندق بسرعة بمجرد وصول سكان الفندق مثلا عند الباب راح تسمعون صوت جرس ولا الباب يفتح لهم عن طريق موظف الرسبشن وهو قاعد ابمكانه . اما عن الامان داخل الفندق نفسه فالحمد الله ما شفنا سرقات او غيره انتوا حرصوا على اغراضكم بصندوق الامانات و بالتجوري وان شاء الله اتكونون ابامان .
وهذي لستة بحطها فيها توضيح للمسافة والبعد بين الفندق وكل ما يلي :
Monument or Landmark المناطق الاثرية والتاريخية والمشهورة
Eiffel Tower 2.0 km
Arc de Triomphe 0.2 km
Sacré-Coeur 3.6 km
Sainte Chapelle 4.0 km
Notre Dame de Paris 4.4 km
Museum المتاحف
Louvre 3.5 km
Orsay Museum 2.5 km
Centre Pompidou 4.3 km
Musée de l'Homme 1.5 km
Shopping Area مناطق التسوق
Galeries Lafayette 2.5 km
Theatre المسرح
Opéra Garnier 2.4 km
Train Station محطة القطار
Gare du Nord 4.2 km
Underground Railway Station محطات المترو
Châtelet-Les Halles 3.8 km
Charles de Gaulle-étoile 0.1 km
George V 0.4 km
Ternes 0.4 km
Place des Ternes 0.4 km
Argentine 0.5 km
Courcelles 0.7 km
Business Area منطقة الأعمال
La Défense Business Area 3.9 km
مشاركاتي ...
http://artravelers.com/c/234650" target="_blank">https://travel.maktoob.com/vb/travel234650/
http://artravelers.com/c/228674" target="_blank">https://travel.maktoob.com/vb/travel228674/
http://artravelers.com/c/222528" target="_blank">https://travel.maktoob.com/vb/travel222528/

ام ريوم ماشاء الله كفت ووفت

ام ريوم كفت ووفت بس عندي اقتراح لفندقين موقعهم رائع واسعارهم معقوله ومقاربة للي ذكرتي
الشاتو فرونتناك Chateau Frontenac وهذا موقعهم هنا http://www.hfrontenac.com/
الباورز Powers وهذا موقعهم هنا http://www.hotel-powers.com/
يبعدون حدود 30 خطوة مشي من الشانز من جهة Iran Air ومقابلهم مطعم العجمي ومايبعدون اكثر من ثلاث دقايق عن بيتزا بينو وهاجنز دانز و الفوكيت و الهيصه الحلوه اللي با الشانز
موفقين ان شاءالله

فندق الهيلتون لاديفانس فندق انيق وموقعه ممتاز بالنسبه لقربه من قوس النصر الجديد(جراند ارك)والاسواق ومحطة المترو في لاديفنس ويعيب عليه صغر حجم الغرف رغم رونقها اللي يعطيك جو خاص..وشقق فريزر في اللاديفنس ابعد من موقع الهيلتون بالنسبه لما ذكر وتتميز بأن شققها نظيفه ومرتبه وراقيه ولكنها ليست قريبه من الجراند ارك وساحته الجميله. ولكن يعيب على منطقة اللاديفانس بشكل عام انها يسكر كل شي فيها بدري ومافيها كوفي شوبز يفتح لوقت متاخر واذا بتروح الشانز الى وقت متأخر فلازم تدور تاكسي يرجعك الى اللاديفانس...اما بالنسبه لفندق مريديان مونبرناس فغرفه اكبر من غرف مريديان ايتوال قليلا ويقع بجوار مبنى مونبرناس وتقع بجوارهما حديقة دو لوكسمبورج الجميله للعائلات والاطفال وكذلك بعض المكاعم مثل يتزا بينو وغيرها ويعيب عليه بعده عن الشانز, ولكن انا افضل المريديان ايتوال عن تجربه خاصة الغرف الاكزيكتيف والديلوكس وهي متوسطة اقرب الى الصغيره في الحجم..ولكن لوبي الفندق هادئ رغم الازدحام في الفندق نظرا للالوان الحميميه له.والمطعم كبير والافطار فيه منوع ورائع وهو تجربه فريده.اضافة الى ذلك فهناك بقاله خلف الاوتيل ومول تجاري يقع امامه في اسفل فندق الكوكنكورد لافاييت(اسفل قصر المؤتمرات) ويحوي المول سوبرماركت حلو وصيدليه ومحلات متنوعه للملابس وغيرها مثل G.a.p ولاننسى قرب محطة بورت ميو من الاوتيل(مشي 30 خطوه من بوابة الاوتيل) والتي منها تروح مثلا الشانز في 4 دقايق..او تروح مشي في 20 دقيقه مشي عادي.بس احذر من نظام الحمامات تكرمون في غرف الفندق الكلاسيك يعني ( الغرف الستاندرد) لان الغرفه تلقون فيها بابين للحمام... الاول داخله مغسله وبانيو فقط.. والثاني يؤدي الى غرفه متر*متر فيها مرحاض فقط(شي غير مريح).... وارجع للوصف الخارجي لمريديان اتوال فهناك مطعم للانتركوت بجوار الفندق من ناحية الشارع المؤدي للشانز لذيذ....اما فندق نابليون والفندق الثاني اللي ذكرتوه فما عندي فكره عنهم...
اتمنى اكون افدتكم

يعطيكم العافية اخواني
hamoodi
و
حدي مصر
مشاركاتي ...
https://artravelers.com/p/re/226492

يعطيك العافية ام ريوم

MisS DioOoR
يعافيك حبوبه
مشاركاتي ...
https://artravelers.com/p/re/235741