لاعمار عيالكم انطاليا ما حتستمعون فيها وحارة عليكم
الحلو بانطاليا المنتجع وهم اعمارهم صغيرة يعني بيعيقونكم اكثر من ما بيستمتعون
شي ثاني على الرضيع وطفلك الصغير مو كويس السفر كثير بالطائرة
وانا احاتي هالشي لاني بسافر مع رضيع وكنت حاذفة انطاليا من الخطة للاسباب الي ذكرتها
لكن لان عيالي غيروا رايهم ويبون يرافقوني رجعت انطاليا للخطة ومتخوفة شوي
بورصة ميزتها التنقل اسهل بالعبارة وقريت انه يمكن الذهاب من اسطنبول بالعبارة مباشرة لبورصة يعني ماتنزلون بيلوة
الفنادق الي اخترتيها حلوة
من قرائاتي والي قرا غير الي عاش والناس اذواق واعهدة على الراوي
ميزة الكراون بلازا انه عند المجمع غالريا مول (مجمع ماركات ) وفيه مطاعم و وسينما وكافيهات
قريب من المترو الي ياخذك لمعظم الاماكن السياحية او تقسيم وقريب منه مكاتب للحجوزات
صوره حلوة بوضعك انصحكم بسويت لان غرفهم صغيرة
قريب منه البازار والظاهر كما قرئت انه فيه مواصلات من نفس الفندق شتل باص ياخذك الى المزارات او الى تقسيم ومن الى المطار وهذه ميزة لغلاء المواصلات هناك
عيبه غرفه صغيرة
وان مافيه مزلاج للعربات مثل ماقريت بالرفيو يعني حنا اهل العربات يبي لنا نحمل العربة بالصعدة والنزلة
سوستول فندق رائع وفخم لكن عيبه ان مدخله بعيد وانه لازم من التكاسي وتكاسي الفندق تحديدا وان ماعتقد انه مشكلة عندكم كثير لانك بتحتاجين التكاسي اكثر بمواصلاتكم
حلاته عندهم حديقة حلوة للتمشية بداخله والظاهر وهذا سمعته من ناس سكنوا فيه ان اللوبي على الجبل وفطورهم حلو وغرفهم حلوة
الرتز انا احب اتعامل معاهم بسفراتي وقريت عنه الي بتقسيم وكان كويس وغرفه مو كبيرة
وفطوره حلو
برضه قريب من المترو او الاندر جراوند
هو مو على الشارع على طول يبي له مشي شوي لكن مو بعيد
الظاهر اذا مو ملتبس علي قريب من المحطة الي تودي لشيشلي الي يودي الى جواهر مول
مرمرة تقسيم كنت افكر فيه لكن قريت عنه الي خلاني اغير رايي
ان اثاثه قديم وله ريحة السجاد وغالي على غير سنع وان ميزته الموقع بالمقام الاول لانك تنزلين للشارع مباشرة
وان موظفينه سيئين بالتعامل وما يناسب العوائل الي معهم اطفال كثير مايرحبون بالاطفال
لاريس بارك زين حصلتي عرض
الفطور ممتاز بوصف الي راحوه والله اعلم يقولون الفندق الوحيد الي يقدم برتقال طازج ويقلي البيض امامك
غرفه دخلت على الصور ما بهرتني بصراحة والله اعلم وطبعا السويت احسن من الغرف
او انا منك وبظروفك اختار كراون بلازا او سوستول بالبداية والرتز بالنهاية
ببورصة
بيا بورصة افضل كفندق لكنه ابعد للاشياء الي الناس يروحونها مثل ماقريت يعني بعيد عن وسط المدينة
الميرة يمدحونه يقولون غرفه كبيرة (من خلال ناس اعرفهم ) لكن اطلالته كئيبة الظاهر على ورش سيارات خربانة

زوجة المهاجر
يزاج الله خير حبيبتي
ومشكورة على الرد
على الأقل حد عبرني