touristo
31-10-2022 - 06:30 pm
السلام عليكم
انا حاليا ببروكسل وحابين نروح لباريس وليورو ديزني بس بسياره مع سائق ويكون السعر معقول من يساعدني اذا يعطيني رقم احد يودينا لأن القطار اسعاره مبالغ فيها خصوصا ليورو ديزني .. وهل تستاهل اذا كان من ضمن مخططاتنا اننا نزور ان شاء الله فانتزيا لاند اللي في كولون علما ان اصغر فرد بالعائله بعمر 16 سنه .. ارجو الرد بأسرع وقت لان حجزي بالفندق بعد بكرا ان شا الله
أعزائي الأرقام الشخصية ممنوعة في المنتدى
و بخصوص إذا ديزني تستاهل الزيارة فمن وجهت نظري و من تجربتي الشخصية
أبدا ما تستاهل ،، بصراحة تضيع وقت و تعب على الفاضي
صيف 2008 كنت ببروكسل و قررنا نزور ديزني ،،قطعنا التذاكر بقطار ثايلس اللي يوصل
لمحطة جار دي نورد بباريس ،،و بعدين لازم ناخذ مترو من محطة جار دي نورد لديزني مسافة 35 دقيقة تقريبا
بصراحة أولا تعبنا في الذهاب خصوصا أن معنا أطفال صغار ،،،و بعد الوصول إلى ديزني أنصدمنا بالزحممه الغير طبيعية
عند قطع التذاكر ( نسمع دائما أن ديزني زحمه بس أبدا ما كنت أتوقعها بهاذي الزحمة الغير طبيعية)
طبعن وقفنا ساعة و نصف لقطع التذاكر ،، كان عدنا تقريبا 6 ساعات قبل العودة لبروكسل
تتوقعون كم لعبه لعبوا الأطفال ؟؟؟؟؟،، في 6 ساعات لعبوا فقط لعبتين
بالإضافة للقطار اللي يلف حول الحديقة ،، انتظار اللعبة بحدود ساعة إلى ساعة و نصف
هل تتوقعون الواحد يستانس باللعب بالمدينة بهاذي الطريقة ؟؟؟؟؟
يعني أبدا ما أنبسطنا في الحديقة تعب و أرهاق و ملل وحر فضيع
والله أنه أنبسطنا في حديقة الألعاب وليبي اللي في بلجيكا أكثر من ديزني
و العابها حلوه و أبدا ما في زحمه تلعبون 20 لعبة في 6 ساعات
و القرار يعود لكم
واسمحولي على الرواية الطويله اللي كتبتها
تذكرت المأساه اللي عشناها في ديزني