1. نبتدي الخطه الحربيه قصدي السفره


2. بعدها ينطلقون لبتايا

السلام عليكم شوفوا ايدي انكسرت وانا اسوي شهر عسل لاختي
شوفوا الي سويت و قولوا لي بس لا تغيرون كثير :112: الحين جايه و طالبه المساعده ولا تغيرون كثير
لا اكيد ابقاكم تساعدوني يعني غيروا وغيروا ..........
خلاص قولوا وجهت نظركم بس ترا الميزانيه مو كثيره ..... ابي اخلي الفلوس للسوق تدرون الحريمات و حبهم للتسوق اكيد ذكيه اجل

نبتدي الخطه الحربيه قصدي السفره

اولا الانطلاقه من الدمام الى ابوظبي على الاتحاد طبعا بيعطونهم فندق او بحجز لهم مو مشكله عند اهلنا ماينخاف عليهم دار زايد
بعدها الاقلاع المغرب للبانكوك طبعا انا خذتها بالمغرب عشان ينخمدون قصدي ينامون بالطياره المهم بيوصلون الصباح 6:30 وبعدها حجزت 10:30 للبوكيت طبعا الحجز مو اكيد لااني خفت يجلسون بالمطار كثير و اخاف تتاخر الطياره ويروح حجزهم المهم بعدها ينطلقون الى بوكيت
بوكيت 5 ايام
3 ايام في فندق Deevana Patong Resort & Spa -
بصراحه عجبني الفندق عشان الجكوزي شكله برا المهم صوره حلوه و خش مزاجي ..
ادري مو انا العروس بس عجبني خلاص لا تفشلوني
بعدها يروحون كاتا
2 يومين ِ قلت خليهم يروحون بعيد عن الناس شوي
اما بسكنهم في Andaman Cannacia Resort او
فندق The Aspasia Phuket - انا لاقيه عليه عرض ب350 ريال بس في اكتوبر اذا وافقوا في نوفمبر كويس و عال العال
بعدها يروحون كوساموي
هنا تورطت هل فيه طيران او سياره يعني ايش وسيله المواصلات يالله بسرعه ساعدوني ترا اسقط بلامتحان :112:
2 يومين
احترت ايش اختار لهم
فندق سالا مره غالي فوق 850
Sala Samui Resort & Spa
لا قولوا لي غيره او بهون .....
شفت كذا فندق بس شيروا علي
ايش رايكم ب
Samui Amanda Resort
بعدها طيران الى بانكوك
5 ايام ببانكوك لزوم التسوق و الدوران لاانهم مااثثوا بيتهم المهم اخترت لهم حزروا فزروا ايه
لا اقول انت با خلاص بقول لا تدفون
ماجستك جراند لااني قريت عنه والكل مدح فيه قلت خلاص نستعين براي الجمهور

بعدها ينطلقون لبتايا

3 ايام شوفوا للحين مارسيت على برا ...... قصدي على راي كذا فندق عجبني وكل ويب سيت مسويه ديسكونت على شي بس يمكن المايوت او رويال كليف او رابيت ريسورت المهم اللي يعرف فندق فيه مساج و حلو ورخيص يقولي ترا بدعي له ............. كثير كثير ....
شوفوا نقبل الانتقادات و التوجيهات و مو مشكله للتغيرات بس بسرعه ياخواني
تحياتي للجميع بس اكثر للي بيرد علي و يعطيني وجهه قصدي راي