نشر في انطاليا

ساعدوني ده احنا في رمضان تركيا

fanta_cola

22-04-2022 - 09:44 am

أنا بقالي أكتر من شهرين متابع مواضيع تركيا كلها .. و تبقى شهر و أساف ر شهر عسل من مصر لتركيا و عندي حيره كبيرة و حاسس اني متلخبط جامد أنا عايز أسافر إن شاء الله 10 أيام ،،أنا قررت إسطنبول عشان انطاليا حار في الصيف على حسب معلوماتي من منتداكم الغالي المشكلة : أسكن فين ؟ ??( منطقة السلطان احمد ) أو ?? ( منطقة تقسيم ) علماً باني عايز أسافر أسكن في فندق واحد فقط طوال الرحلة ! ..و كمان مش عايز أسافر طيران داخلي و نفسي ازور أماكن مميزة في إسطنبول من غير تكلفة كبيرة للمواصلات ؟ كمان عايز أعرف مناطق إسطنبول بعيده عن بعض أد إيه ،،؟؟ ??( منطقة السلطان احمد ) ?? ( منطقة تقسيم ) بحيرة ابانت و فين اقرب مكان اركب فيه تلفريك و يكون المنظر رائع ؟؟ و هل ممكن بعد إذنكوا أي ترشيح لفنادق فالمناطق ده ؟ أنا رايح شهر عسل إن شاء الله و مش عايز حاجة تطلع مش كويسة و لو فيه أي نصائح اخرى يا ريت مش تزودوني بها و هل في أي برنامج معين يسمحلي بظروفي ؟ أسكن في فندق واحد فقط طوال الرحلة ! ..و كمان مش عايز أسافر طيران داخلي

التعليقات (9)

الهجرة

22-04-2022 - 12:43 pm

اسمع يااحلى مشروب
اول حاجة الف مبروك وتتهنى ياعم
السلطان احمد او تقسيم كلها زي بعضيها
الفنادق لااعلم عنها شئ عايز شقة من عيوني
كلامك حلو بالنسبة للا ستقرار في اسطنبول وتتنقل الى اي مكان انت عاوزه (ابانت - بورصة -جزيرة الاميرات - يلوا)وكلها ممكن بالمواصلات العامة يعني متبعزء فلوسك وانت في اول الطريق
وخذ الرابط ده حيفيدك كتير
https://artravelers.com/p/re/228568
واي استفسار انا في خدمة الحلوين

fanta_cola

22-04-2022 - 01:44 pm

الهجرة
الرابط تحفة ما شاء الله متشكر جداً جزاك الله خيراً و جازى يمون_12 خيراً
أنا عرفت ازاي ممكن أئدر أروح كل الاماكن ده ،، بس عندي إستفسار صغير
إيه من الأماكن ده أقدر أزورها ليوم واحد ،، يعني زي ما أنا قلت أنا عايز فندق واحد بس ، فأي مكان هروحه هيبقى زيارة ليوم واحد ،، هل كل الأماكن ده أقدر أزورها يوم واحد و مش لازم مبيت ،، علماً بإن في أماكن الطريق ياخد أكتر من 3,4 ساعات
(ابانت - بورصة -جزيرة الاميرات - يلوا) ??
هل في أي برنامج معين يسمحلي بظروفي ؟

الهجرة

22-04-2022 - 02:45 pm

شوف ياعمي الامور
كل المناطق دي كلها تقدر تروح وترجع في نفس اليوم بس خد اليوم من اوله عشان تقدر تتفسح كويس وتشوف كل حاجة حلوة المناطق
(بورصة -يلوا-جزيرة الاميرات ) تروح بالمركب وبولو ابانت تروح عليها بالباص
بص حضرتك واي حتة تروحلها تقطع التذاكر ذهابا وتسأل اخر موعد للعودة
ربنا يوفقك ورحلة جميلة جدا
واي اوامر ياباشا

x- نجلاء -x

22-04-2022 - 03:46 pm

ابو احمد .. اللهم صلي عالنبي دنتا بتكلم مصري تمام ..
بالنسبة لعريسنا عندي اضافات بسيطه بعد اذن المعلم ابو احمد :
من اسطنبول لبورصه : ساعه ونص روحه ومثلها بالعوده ( هذا بالفيري بوت طبعا ) اذا وصلت لها تطلع لجبل الالوداغ بالتلفريك ..
من اسطنبول ليلوا : تقريبا 50 دقيقه ايضا بالفيري بوت ومثلها بالعوده .. تقدر تروح لها وتزور الاماكن السياحيه اللي فيها واللي من اهمها المامات الكبريتيه ..
من اسطنبول لأبانت : تقريبا 4 ساعات بالباص .. والاحلى لما تطلع على بحيرة بولو .. بس نصيحه لك اذا كنت حاب تبات فيها كم يوم حلو تزورها .. اما تروح وترجع بنفس اليوم صراحه جدا متعب
جزر الاميرات هذي التنقلات فيها تقريبا تحتاج ليوم كامل ..
والعشر ايام حلو تقسمها بين بورصه واسطنبول او ابانت واسطنبول ( هذا اذا حبيت التنقل ) وماتحتاج لطيران داخلي فيها ,,,
وبالنسبة للبرامج اليوميه تفضل هالرابط :
https://artravelers.com/p/re/384418
والفنادق انصحك بهالموقع :
https://www.booking.com
و ان شاء الله كل ايامكم عسل

أبو تركي

22-04-2022 - 04:47 pm

عزيزي الفاضل فانتا
اهلا وسهلا بك في العرب المسافرون
والف شكر للمميز دائما ابا احمد وللخبيرة المتألقة نجلاء .
احببت ان ارحب بالاعزاء من مصر الشقيقة .
نتمنى لكم رحلة ممتعه وشهر عسل سعيد ان شاءالله .
تحياتي لكم

الهجرة

22-04-2022 - 05:48 pm

x- نجلاء -x
يخرب بيت اللي مايصلي على النبي
كلك تكميل يانجلاء

fanta_cola

22-04-2022 - 06:49 pm

انا بصراحه مش عارف اقول ليكوا اييه كلكم انا مهما لفيت مش هلاقى الاهتمام و الاحساس بالاخوه ده
الهجرة , أبو تركي , x- نجلاء -x متشكر ليكو كلكم بجد ،، أي حد فيكم عايز أي حاجة من مصر أو عن مصر أنا في الخدمة أخوكم مهاب ******
x- نجلاء -x : انتي رأيك إن أبانت أقعد فيها يومين ؟؟ ولا أكتر ؟؟
الهجرة : متشكر لاهتمامك ..عليه الصلاة والسلام
على العموم أنا أخر برنامج هقرروا هاكتبو و هاخد النصيحة منكم طبعاً ،،و التقرير أول ما أرجع إن شاء الله

x- نجلاء -x

22-04-2022 - 07:50 pm

اهلا وسهلا اخوي مهاب ...
انا برأيي تخلي ابانت من يومين الى ثلاثه .. لانها طبيعه وجو .. وتاخذون لكم منتجع حلو عالبحيره ..
وعلى فكره ترى انا ولا مره زرت ام الدنيا ونفسي ازورها بس بغير الصيف عشان يكون الجو احلى ..
واهم شي ابي اروح الاهرامات و منطقة سفاجه .. سمعت انها حلوه اوي : )
وحنا طبعا ننتظر برنامجك النهائي .. وحاظرين لاي استفسارات حوله ..
وبعدها بننتظر تقريرك بعد عودتكم بالسلامه

الهجرة

22-04-2022 - 08:51 pm

x- نجلاء -x
الاخت نجلاء
الرجاء الكتابة في بوابة مصر وبعدين مانقيت الاسفاجا اللي الرطوبة فيها 1000
ههه

انطاليا المسافرون العرب

ساعدوني ده احنا في رمضان تركيا