لا يا أخوي غلطان أنا اللي كاتب موضوع عن سوء تنظيم الخطوط التركيه ...أما سوء معاملتهم للعرب فهذي
كلها مبالغات ...نعم قد تحدث من شخص علماني بسبب نظرته للحجاب ...لكن لا نعمم ذلك على الأتراك
أما بخصوص المطار فما عندك اي مشكله ...اطلع من الصاله الدوليه للصاله الداخليه وطلع البوردنج وانتظر رحلتك
بيسر وسهوله ...ماعندك اي مشكله
بالعكس انا اشوف انالأتراك تحسنت معاملتهم للأجانب والسياح بشكل عام كثيرا خلال السنتين الأخيرتين لأنهم
بدأوا بالأنفتاح على العالم منذ 5 سنوات تقريبا ...
وبالنسبه لسؤالك عن المطار هل فيه أكل وشرب ...الخ
طبعا يالحبيب مطارهم فيه مطاعم على مستوى وسوق حره ومحلات متعدده ويوسع الصدر بعد ..يعني لا تشيل
هم هالناحيه أبد ...
وسع صدرك انت وترى الديره حليوه بس غاليه شوي

اخوي انا ماجربتهم لكن انت وين عايش تراهم مسلمين ودولتهم قائمه على السياحه
بالنسبه للتعامل ترا اشكالهم جذي معقودة حواجبهم على بالنا معصبين ولا اهم عادي
الخطوط التركيه انا بروح عليها بدايت اغسطس والي عرفته من الاخوان بالمنتدى ان فيها عيبين
وهالعيبين اقدر اتجنبها كالتالي
مرات يحطونك بكرسي بعيد عن مرتك او صاحبك (نادر جدا تصير)
وهالعيب تقدر تفاداه انك وانت تقص البوردنق تلزم عليه يكونون الكراسي يم بعض وقبل لا تخلص من الكاونت تشيك على ارقام المقاعد بنفسك اذا يم بعض ولا مفرقه واذا اصر انها تفرق تكلم السوبر فايزر وتفاهم معاه
والعيب الثاني والي غالبا يصير في رحلة العوده وانت قاعد تنتظر عند البوابه فجأه تغير البوابه وتصير بوابه ثانيه من غير ما تفهم شيقولون بالميكروفونات وتلاقي الناس راحو وانت قاعد معك كم عربي متنحين عند البوابه ماتدرون شالسالفه
هالعيب وانا اخوك تقدر تجنبه بمتابعة الشاشات اول باول وتاكد ان رقم البوابه ماتغير
والله يسعدك بالرحله وتستانسون

الف الف الف شكر يا اخوان وما قصرتو
والله اني كنت خايف بس الحين تطمنت شوي خ
ما ادري يمكن لان اول مره اسافر عندهم بس الله يسهل الامور ان شاءالله
مشكورين اخواني مره ثانيه وما قصرتو

اخوي تروح وترجع بالسلامه
المعامله في المطار عاديه
بس الله يعينك على الانتظار الجوازات
للاحتياط خذ معاك اكل للاطفال
مع انهم وزعوا علينا وجبة فطور

من خلال سفرتي معهم هذا العام ذهاب 6/2008 عودة 7/2008م
كل تمام يا عم
الرحلة في موعدها ذهاب وإياب والبوابات نفسها ما تغيرت
الرياض اسطنبول تربزون
وتعامل ممتاز
وغيرت الحجز وكل الأمور زينة ولم أجد أي تذمر أو سوء في التعامل
ومن حسن الحظ غيرت مقعدي في العودة وأخذت ثلاث مقاعد في الخلف ولا منعوني
وعلى طول نومه طوال رحلة العودة من اسطنبول للرياض
والمدام مع البنت جالسين في ثلاث مقاعد يا رب لك الحمد تساهيل يا جماعة

الف شكر اخي فايق ورايق ....بس سؤال ليش وزعو عليكم وجبه الفطور ..في المطار قصدك؟؟؟ يعني مو مسموح لنا نطلع احنا ركاب الترانزيت بره للمطاعم ؟؟ والا كيف ؟؟؟

الف حمد لله على السلامه اخي وليد
والف شكر على الرد