استلودر
03-12-2022 - 05:25 am
مساء الخير جميعا
احب اشكركم على هالمنتدى الجميل واتمنى منكم تساعدوني ،انا مسافرة لاول مرة الى لندن ورحلتي ان شاء الله بتكون مابين 5او7 اكتوبر الى 18 اكتوبر ومكونه من خمسة اشخاص
اولا: بالنسبة للسكن ماحجزت بس ودي مابين النايتسبريدج او سلون ستريت ياليت تفيدوني بفندق حلو مابين هالمكانين وسعره الليله مايزيد عن 1000 ريال؟
ثانيا:بالنسبة للمواصلات ياليت احد يشرح لي كيف استخدم الباص لاني من جد مااعرف شي ولا افهم ايش باص رقم كم والرقم هذا وين يودي ياليت تشرحون لي كيف اشتري البطاقة ومن وين عشان انتقل فيها مابين الاسواق ومنطقة السكن؟وكم اسعارها لان يقولون التاكسي غالي وبتخلص فلوسي خاصة الميزانية محدودة؟
ثالثا:كيف اعبي التاكس من المحلات واذا رجعت المطار كيف استرجع وايش المطلوب؟
رابعا:كم مدة المشوار من نهر التايمز وعين لندن الى منطقة النايتس بريدج او الاكسفورد؟لاني ودي اول ماوصل نروح جولة سياحية عند النهر وعين لندن والساعة وهل استخدم باص سياحي مكشوف ومن وين اقص التذكرة وكم سعرها للشخص الواحد؟
خامسا:ايش الملابس اللي ناخذ بالوقت هذا هل ثقيل كثير والا عادي وسط؟
سادسا:بالنسبة للتسوق بهالوقت هل في تخفيضات على البضاعة الصيفية ؟وهل جميع البضاعة بتكون شتوية
افيدوني الله يجزاكم خير ياخبراء لندن وعطوني نصايحكم عشان ماتوهق خاصة لغتي الانجليزية بعد مب مرة تمشية حال...شاكرة لكم وعذرا على الاطالة
استلودر
مساء النور
السكن النايتس بريدج مو من رخص هالمنطقة >> كنت ادور سكن فيها مالقيت شي رخيصانا حالياً في لندن ساكنه في منطقة فيكتوريا حلو المكان و محطة القطار + الاندرجراوند + الباصات قريبه مره ، و بنفس الفندق او موقف الباصات يقولون لك رقم الباص اللي تطلعين فيه و اسم المحطة اللي بتنزلين فيها و اسم الموقف اللي تطلعين منه للباص
لان الباصات لها محطات معينه مسميه بحرف مثلآ موقف A - B- C و عند كل موقف مكتوب ارقام الباصات و اسماء المناطق اللي بيوقف فيها الباص و غير كذا جوا الباص نفسه كل شوي يلعن اسم المحطة الجايه قبل لا يوصلها
و فيها فنادق Premier Inn ربت السكن فيها برا لندن و كانت جداً ممتازه في لندن ما كان فيه حجز عشان كذا ما سكنا فيها و اسعارها حلوه
التاكسي حنا نستخدمه اكثر من الباص لو حسبت تكلفة الباص بالنسبة لعددنا بيطلع لنا التاكسي اوفر مع انه اغلب مشاويرنا تقضيها مشي
اتمنى اني اكون افدتك