السلام عليكم اخوي
حياك تفضل في تقريري الأخير ( كاليفورنيا و نيويورك 2006 ) تحت و أخذ فكرة عن الموضوع و اذا عندك أي سؤال أنا حاضرة
بس اضغط على الرابط الي تحت

اختي الكريمة
مشكورة عل الرد السريع
الرابط
@@@ رحلتي الصيفية 2006 لنيويورك و كاليفورنيا و لاس فيجاس @@@
غير مفعل

اخوي جرب الحين هذا الرابط
https://artravelers.com

أنا حبيت أقولك و اقترح عليك إنكم تزيدون المدة .... يعني يومين و نص لوس أنجلوس و فيجاس يتروالي ما يمديكم تشوفون شي .....
أقل شي !!!!!!!!!!!!!!!!!!!!! ثلاثة أيام لوس انجلوس و يومين كاملين فيجاس .

عارف هذا الشئ يا اختي بس ويش نعمل وهذي اجازتنا
ابغاك اذا ممكن تقولي لي ويش اهم الاماكن السياحية في المنطقتين طبعا بدون الاسواق :-) فقط الاماكن السياحية المهمة جدا
ولاس فيجاس هل احتاج استئجر فيها سيارة لو كيف؟؟
هل الاماكن السياحية فيها متقاربة من بعضها البعض وكلها مشي؟؟
انا شفت واحد حاط موضوع ويقول ان لاس فيجاس عبارة عن شارع واحد!!
معليش تعبتك معاي وسامحينا

الله يعينكم .... أولاً إنتوا خفاف يعني إنت و المدام و الولد الله يحفظكم يعني سهالة ... و فعلاً لاس فيجاس ما تحتاج تأجير سيارة لأن كل شي قريب من بعضه .... و لو لو اعتزتوا تروحون مكان بالتاكسي ......... فالتكاسي موجودة بوفرة و المسافة قصيرة ...... أساساً فيجاس ما فيها شي لنا إحنا إلا التمشي و تشوف هالفنادق العجيبة .... تقدر تقول متحف فنادق .... ادخل من فندق و اطلع من واحد و هكذا و أساساً الفنادق الفخمة كلها فيها أسواق روعة .... لا يفوتكم فندق الفينيشين و فندقCaesars Palace سوقه روعة كله ماركات ( اذا تهمكم الماركات )
روحوا بعد فندق الإقصر .... هناك في مكان للجيمز Games و سينما ثلاثية الأبعاد . بالنسبة للعروض اعتقد ما في مجال ..... تحجزون و تحضرون العرض.... والله إنكم تتعبون من المشي هناك .... و تذكرني وقتها .
نسيت بعد .... ممكن تروحون متحف الشمع الي بفندق الفينيشين أو تركبون الجندول يدور فيكم في السوق .... العروض .... الوحيد الي متأكدة راح تستانسون عليه هو Mystere بفندق Treasure Island ..... مناسب للاطفال الصغار لأن هذا السيرك عند عروض بس بعضها مناسب من فوق 5 سنوات او بعضها من فوق 18 سنة ...... أما الي قلت لك عنه فهو مناسب حتى لعمر شهر .... الأسعار شوي غويليه خاصة ً الكراسي الامامية مثلا ً :
الصفوف الأمامية تقريباً مع الضرايب للشخص الواحد 95 دولار
الصفوف اللي بالوسط تقريبا ً 75 دولار
الصفوف الي طايح حظها ورا 60 دولار
رأيي الشخصي .... تروح للأمامية .... لان الموقع جداً جداً مهم في هذا العرض
تقدر تحجز الحين من النت او تتصل عليهم .... حتى تكسب وقت و تحصل مكان جدام .
عروضهم مرتين باليوم ... 7 و نص و الثاني 10 و نص بالليل طبعاً
العرض ما راح يكون موجود من 4 يناير حتى 19 ..... ما أدري متى بتروحون

يسلموا اختي
والله يسلموا
مشكورة واجد
واجد
لاس فيجاس وخلصنا منها ....... وراح اذكرك اكيد لأن بيني وبينك رجايلي تعبت من الحين
طبعا حبيب قلبي عمره تسعة عشر شهرا فقط
الله يكون في عونا يوم واحد متعب وبعدها نومة هادئة
من الصباح للوس انجلوس ويوم ونصف..... وين اروح ابي اروح ايضا
بليز رشحي لينا الأفضل
طبعا هي الاجازة مش يومين ونصف الاجازة هي خمسة ايام ولكن لازم اقضي بقيت الايام في فينيكس علشان قريبي مستقر هناك من سنوات ولازم امر عليه واجلس معاه كم ليلة وعندنا راح يكون جلسة بار بي قيو ام وبعدها ارجع ل فيلادلفيا
ان شاء الله اكون في لاس فيجاس في الاول من فبراير
الثاني ونصف الثالث من فبراير في لوس انجلوس

احنا عدنا حساباتنا من جديد
الظاهر راح ناخذ يومين ونصف اما في لاس فيجاس او لو انجلوس
والله ايش رايك؟؟؟
وين الأكثر اهمية في يومين ونصف... لوس انجلوس لو لاس فيجاس
بلييز Luxury_Traveller رايك يهمني
ولا يهونون الأخوان