1. وعشان كذا انا بعطيك هذا الموقع :

هلا بك عزيزتي .. وحياك الله بمنتدانا نورتي
وان شاء الله ماتكون اخر مشاركه : )
بالنسبة لاستفساراتك بنساعدك عليها .. خصوصا انك مثل حالتي .. دائما انا اللي اجمع المعلومات عن الاماكن السياحيه وافضل الفنادق والحوسه ذي كلها .. ومالومك شي يوجع الراس : (
1- مسألة اختيار الفنادق تحكمها عدة اشياء :
الميزانيه - الموقع - الخدمات المطلوبه - المستوى المطلوب

وعشان كذا انا بعطيك هذا الموقع :

https://www.booking.com
يحتوي على خيارات واسعه جدا من الفنادق ... فقط حددي المنطقة المطلوبه وتطلع لك الفنادق مرفقه بأسعارها وصور عنها والمرافق الموجوده والخدمات واراء النزلاء وكذلك موقعهم عالخريطه وقربهم وبعدهم عن الاماكن السياحيه
حددي لك كم فندق وبعدها قارني بينهم واختاري الافضل وممكن نساعدك بالمقارنه2- فعلا الوقت اللي بتروحون فيه بكون الجو حلو وتحسن وصار احلى من وقت الاجازه الصيفيه والحر ..3- لا مو لهالدرجه .. يعني ممكن بتحسين بالحر خصوصا انه صوف .. ممكن تخلينه بشنطتك وفي حالة انكم زرتوا اماكن بارده تلبسينه ..4- ابدا والله ولا شيء من المذكور بالمسلسلات شفناه او حسينا فيه .. امان ولله الحمد .. انسي هالموضوع وبتستمتعين ان شاء الله .. لكن مايمنع انك تكونين حريصه على اغراضك ومتنبهه .. لان السرقه ممكن تحصل بكل مكان5- جينا للمهم والاهم بما اني اعشق التسوق يعني : )
شوفي انا بقولك وين اماكن الماركات العالميه لكن للأمانه ماأنصحك ابدا تاخذنيها من تركيا .. لانها اغلى بكثير من عندنا او اي مكان ثاني بالعالم .. يمكن عشان الضرايب مدري !!
لكن قد يصل الفرق الى حوالي 2000 ريال واكثر .. وهذا شي انا شايفته بنفسي .. واذا حابه تتأكدين روحي للاماكن وقارني
اهم مكانين هم :
شارع بغداد ( بأسطنبول الاسيويه ) شارع كله ماركات عالميه ومقاهي ..
مجمع استينيا بارك ( بأسطنبول الاوروبيه ) وهذا موقعهم :
http://www.istinyepark.com/main_en.html
ادخلي الموقع واطلعي عالماراكات الموجوده فيه ( اطلب تجد ^_^ )
وزوري تقرير اختي ( امرأة لاتنسى ) ... :
https://artravelers.com/p/re/416724
هي زايرة المجمع تقدرين تاخذين رايها فيه وتستفسرين منها عن بعض الاشياءبالتوفيق لكم في رحلتكم .. وننتظر تقريرك بعد عودتكم بالسلامه : )

بعد فترة العيد .... مازال الصيف موجود ...لكن برمقه الاخير.... ويمكن إنتهى.... لكن الجو بأمانه روعه بعد الثلث الأول من سبتمبر....
فنادق كويسه... طيعيني الانتركنتننتال... ومن شوي نصحت به أحد المشاركين... أنا سكنت به مرة.... وهو أشبه بمدينه داخليه.... روعه بمنتهى الكلمه وقعدتكم به لوحدها تعتبر سفره وحاولي يكون مع الحجز موضوع الإفطار.... وتقريبا الإفطار يسجل ربع تكلفة السكن حسب ماأذكرة في سفراتي الماضيه لهالبلد العريق....
مسأءلة الخطف وماأدراك مالخطف... ماأدري... ولا قد سمعت عنه... لكن الحديث مع الغرباء والبقاء لساعات متأخرة خارج السكن والتجول في الأماكن المظلمه أو المشبوهه كلها قد تفتح باب لما لا يحمد عقباه..
المحلات اللي تبيع الماركات... ماأظن بتركيا شئ إسمه ماركه وإأكيد طبعا فيه... لكن ماقد سمعت أنا بهالشئ مثل موضوع الإختطاف..... لكن بما أنه موجود فأظنه فاحش الغلاء.... لأني مرة فكرت أشتري جوال....ووقت سعرته تفاجأءت سعره فوق سعر اللي موجود بالسعوديه حدود 300 ريال.... من جوال قيمته 1700 ريال... وقارني هالشئ مع الأشياء اللي تراودك فكرة شرائها.... أنصحك بحاجه القهوة التركيه لاتطوفك... ولو تبين تسمعين لكلامي زنصيحه ثانيه مني ... خلو سفرتكم شوي ...يومين من رمضان داخله بها... لا يطوفكم رمضان بتركيا .... وروعتها بحلتها الإسلاميه... آخر نصيحه ... حسب كلامك بنتين والوالد... أنصح لاتخرجون فرادا.... ضعاف النفوس الله يكفيكم شرهم.... وبالسلامه

اختي نجلاء اشكرك من قلبي
اخوي رحال عازب اشكرك جزيل الشكر على النصائح القيمه

طيب لو سمحتوا ابي اعرف بالنسبه لخدمه البلاك بيري ؟؟؟ هل تعمل هناك

ايوه .. تعمل عادي : )

لولي مجدولين
ياها البلاك بيري اللي خلى الناس مدمنين
مايصبرون عنه حتى في السفر
خذي إجازة منه ولا تكوني أسيرة للبلاك بيري يا إبنتي
حماك الله من كل سوء

لولي مجدولين
قدمي لك يومين برمضان..... وش لك بالبلاك بيري وسوالفه.... عيشي لك يومين برمضان بإسطنبول وجربي فكرتي...
البلاك بيري شفت بأمريكا وكل العالم شغالين به ..... ولا أدري لليوم وش هو ... ولا الفرق بينه وبين الماسنجر

اول شي شكرا جزيلا لكم
والله يسعد قلوبكم يارب
والله لا بالعكس انا مو مدمنه بلاك بيري ولا شي عادي جدا بالنسبه لي
وحتى مو انا اللي اشتريته لنفسي
بابا اللي جابه لي هديه بسبب ان اعز صديقه عندي سافرت امريكا قبل 4 شهور تقريبا للدراسه
فعلشان اتواصل معاها بسهوله فقط لا غير
وانا اسال علشان اغلب اهلي معاهم فيكون تواصلي معاهم اسهل
بس والله انا مو مدمنه بلاك بيري
برمضان اخوي رحال عازب بابا ما يقبل يقضي رمضان الا بالسعوديه وممكن بمصر في مكان ثاني ما يقبل
والا انا بالعكس ودي اجرب
اشكركم جدا جدا

لولي مجدولين
مصر هي إسطنبول .... في رمضان... وخان الخليلي... تشوفينه نسخ متكرر بطابع تركي في إسطنبول...... وجربوا جو الخيم الرمضانيه هناك... والبازارات جوار المساجد واللي تمتد لغاية الفجر .... السحور تقريباً.... بس خلوها يومين مو أكثر
أذكر من أربع سنين تقريبا.... كنت أنزل بأي خيمه رمضانيه بعد تسع المساء.... ولا أرد إلا على 2 الفجر .... رغم كون الجو وقتهأ قارس وخلي البابا يجرب القهوة التركي هناك... وأنا ذقت القهوة التركي وقت تزينها عجوز على نار هادئه .... فحم.... وتاخذ لها وقت لأجل تستوي... ومع برودة الطقس كان مذاقها السأخن روعه...
البلاك بيري ... كنت أركب حافلات عامه بنيويورك ونيوجيرسي... خلاف الاماكن العامه والمنتزهات والأسواق.... وكل مرة أسمع طنطنة الأجهزة وكان كل الي يستخدمونها من 16 سنه وطالع... وإعذريني ماحبيت أزعج نفسي به ولا إحتجت أعرف وظايفه