اتمنى من المشرف علي الرد عالموضوع و ايضا باقي الاخوة الكرام

كلامك مو واضح
هل قصدك الرحله من بلدك الى فرانكفورت والعوده من فرانكفورت الى بلدك لانكم تبغون الخطوط السعوديه؟؟
اذا مضطر على فرانكفورت لازم تعرف انه المسافه من فرانكفورت الى ميونخ 4 ساعات
وراح يكون في جدولك مسافات طويله
ليله فرانكفورت - 7 ليالي زيلامسي - ليلتين سالزبورغ - 3ليالي ميونخ - ليله فرانكفورت
4يوم يعني 13 ليله
اطول مسافه من فرانكفورت الى زيلامسي 6-7ساعات
تستلم السياره من فرانكفورت وترجعونها في فرانكفورت رغم اني اشوف انهما فتكيتوا من الترانزيت بس المسافات طويله ادرسوا الموضوع وممكن تختارون رحلات الى فيينا او ميونخ يكون الترانزيت ساعه او ساعتين اشوفها مناسبه

نعم لاجل الخطوط السعودية
ولكن هل تستحق فرانكفورت ان ابقى فيها ام مجرد محطة وصول ؟؟

ماتستحق بس كمان ماتقدر مباشره تاخذ السياره وتروح طريق وانت بتكون تعبان من السفر والمسافه بتكون 7 ساعات الى زيلامسي يعني بعيده

مشكورة اختي
اقتنعت برايك بس بسالك بالنسبة لقارمش هل اسكن فيها او مجرد زيارة من ميونخ ؟
وهل هي افضل من سالزبورغ ؟؟
الامر الثاني هل المانيا مناسبة للمنقبات او يوجد بها عنصريه ؟

قارمش تشبه زيلامسي كثير لانها ريفيه والاماكن السياحيه متشابهه غالبا اذا ودكم تزورونها ممكن يوم من ميونخ او وانتوا رايحين من زيلامسي الى ميونخ او من ميونخ الى زيلامسي تقضون اليوم فيها
النقاب في اوروبا خصوصا ميونخ وزيلامسي بتحسون كانكم بالسعوديه خصوصا لورحتوا بالموسم صحيح ممكن تلقين ناس بميونخ عجايز يطالعون باستغراب او يضحكون بس ماعليكم منهم

شكرا اختي
طيب اذا اردت مدينة اخرى اذهب اليها واعود الى ميونخ بالقطار

يسر الله امرك وحفظك الله
اولا صعبه انك تنزل مسافر .. ثم تواصل سبع ساعات
ثانيا فرانكفورت حدها تريح فيها وتمشي مافيها شي ابدا ..
ثالثا شف فرانكفورت هوليدي ان ميسي في منطقة ميسي
فندق اقتصادي ونظيف جدا وب 40 يورو ريح ولا اصبحت
مر مكاتب التاجير خلف الفندق بميتين او 300 متر .. مباشره وخذ لك سيارة ب 200 ريال
باليوم وانطلق .. عزبتك معك واغراضك معك والسيارة اجمل وامتع