بارك الله لك وبارك عليك وجمع بينكما في خير
الفندق حقيقة ما عندي عنه خبر. . . . انا كنت في ميونيخ قبل شهر ونصف تقريبا. المدينة مرتبة وصغيرة ومافيها زحام ابدا وتقدر تستأجر سيارة وتتمشى . التسوق ممتع والمدينة فيها العديد من مراكز التسوق الكبيرة. انا زرت ملعب نادي ميونيخ "اليانز ارينا" وزرت الحديقة الاولمبية وكانت رائعة. ايضا زرت مركز بي ام دبليو.
مروري على ميونيخ كان فقط للتسوق.
الداون تاون حلو وممتع. . . . وان كان في ذلك الحين مليان عربان . . . ومناظر انا متاكد ان الشعب الالماني استسخفها

1. ( ان شاء الله السبت الجاي باتغدى مع العيلة فيه ) تراني متحمس جدا


2. تقدر تقول اني متهور

انصحك اذا مريت ايطاليا تشقر على مدينة البندقية (فينيسيا) عشان يحلى ويكتمل العسل وتتمشى انت والعروس
في ارجاء هالمدينة العجيبة ( لي فيها ذكريات عسل حلوة ورايقة ) وتعشى بيتزا على كيف كيفك وانت تطل على
القناة الكبرى وتشوف الماي حولك من كل مكان ولا صارت الليلة قمرا ونور البدر بتصير شاعر وبتقول حق عروستك
كلام من كل قلبك وبتكون ذكريات روعة ويمديك تتمشى في ازقة وشوارع هالمدينة الحالمة ولاتنسى يالمعرس
انك تركب عروستك في الجندولا( القارب الايطالي الشهير ) وتاخذ لفة بحرية ياسلام
واذا رحت النمسا تكفى اسكن في زيلامسي واقعد الصبح على البحيرة واشرب لك قهوة وروق المنجا واستمتع بمنظر البحيرة واذا بتاخذ قارب صغير انت والعروسة كمان حلو واذا رجعت الظهرية اطلب ايسكريم واجلس على شاطيء البحيرة ولا تنسى تتغدى في المطعم العراقي اللي هناك جنب فندق الجراند ترى عنده كبسة موبصاحية
واخيرا في المانيا لا يفوتك تتغدى في مطعم حافظ في فرانكفورت على يمينك وانت طالع من البانهوف (محطة القطار الرئيسية ) اكل ايراني خيال لاتذكرني

( ان شاء الله السبت الجاي باتغدى مع العيلة فيه ) تراني متحمس جدا

تقدر تقول اني متهور

واختم شهر عسلك بالمكوث يوم ايو يومين ( حسب الميزانية ) في المدينة الاروع كولون وخذ زوجتك وتمشى على النهر ومر مصنع الشوكولاتة ومر بعد على الشاورما التركي اللي قريب من الكنيسة بالضبط عند الدوار اللي فيه ماكدونالدز ولا تنسى شارع التسوق فيه محلات حلوة وترى فيه مطعم هندي مقابل C@A وفيه مطعم اسمه بيروت على النهر حلو لاتفوتك البامية حقته لذيذة
والله يوفقك ياعسل ولاتنس تدعيلي

واو. . . . . . والله يا كولونيا ماخليت شي
يعطيك العافيه . . . .واتفق معاك ان فينيسيا رومانسيه بالمرة بالمرة. . . . والجندول رائع جدا خصوصا بالليل. . . . .وانصح ايضا ان يسكن قريب من الريالتو

هلا فيك اخوي خيار الفندق جيد جدا .. وهنا تقرير عنه
https://artravelers.com/p/re/419288
ابرز الاماكن بميونخ وما حولها واسواقها هنا
https://artravelers.com/p/re/420003
وبالتوفيق

الكوماندر
تسلم عزيزي ومن ذوقك الله يجزاك خير بس فيه سوق معين تنصحني فيه لانك تخبر شهر عسل والمره بتقضى وبالاخير من الفيزا حقتي ههه

كولونيا
كولونيا ما قصرت وبيض الله خشتك على النصائح المجنونه ههه

ali_q8_77
بيض الله وجهك ,,

مشعل العبدالعزيز
واياك ان شاءالله. . . اخي الفاضل الكريم
ابو عزبز . . . . ميونيخ فيها اسواق كثيرة . . . . . لكن انا اعجبني اوليمبيك مول. . . . وهو سوق كبير والاسعار فيه حلوة مرة. . . .فيه محل جزم . . وانتم بكرامه. . . اسمه داش مان. . . . حلو. . واسعاره مناسبة جدا .. . .وعلى العموم المحل هذا منتشر في المانيا والنمسا وسويسرا. . . . كنه صراف الراجحي عندنا
ايضا بيب مول وهوصغير نوعا ما . . . . . . . . . .ملموم على بعضه. . . . . . . . . لكن فيه سوبر ماركت في البدروم كبير وفيه كل ما يخطر على البال. . . . . . . . . . وجاي دورين. . . . . . . . . . يعني راح تخيم فيه (السوبرماركت). . . . . . . .متأكد
دعواتي الصادقة لك بحياة سعيده وعامرة بذكر الله

مشعل العبدالعزيز
خشتك ابيض (ههه)
حبيت لك الخير وابغاك تستانس
روح الله يوفقك ويوفقها ويبعد عنكم
الحساد
وبالتوفيق حبيبي