انا كنت متردد مثلك بس توكلت على الله وسافرت لها ولأول مرة اسبوعين شهر عسل
ورجعت منها قبل يومين وانا مامليت وتمنيت لو ظروفي تسمح واجلس اكثر
باختصار كانت أحلى وأجمل مما كنت إتخيل وأتوقع
من ناحية الغش والسرقة وعدم الاحترام ماشفت شي من هالنوع
بس مشكلة بعضهم اذا شاف العباية يفكر ان الجيب مليان ويدبل السعر 3 مرات
ولاحظت هالشي في الأسواق الشعبية بس تنشب لهم بالمكاسرة اذا قال ب 100
قول ب 20 ههه
المولات الكبيرة والمطاعم اسعارهم معقولة
الفنادق غالية شوي .. اغلى شي التكاسي وتقدر تستخدم البدائل ارخص بكثير
ومن ناحية اللغة مع الأتراك لغة الاشارة ماشية
تحتاج اللغة في المطار او الفندق بس تقدر تمشي امورك اذا عندك الأساسيات
الله يوفقك . ولاتنسى اهم شي تستخير

أعقلها وتوكل لست ذاهب لمدينة أشباح(خذ لك فرة على التقارير وستكون فكرة طيبة وتستطيع ترتيب رحلتك وبالتوفيق)

بالعكس اخوي توكل على الله
احنا كنا متخوفين ولكن ما شفنا الا كل خير الحمدلله
وبالعكس الامور تمشي كلمه عربي كلمه انجلش واشاره ويفهمون وش تبي
وخصوصا تعودو على السياح العرب الحين
برسلك رقم سواق يتكلم عربي بس هو موجود ببورصه وممكن ينتقل معاك لاي مكان ولكن بتكون عليك غاليه
الذهاب من اسطنبول لبورصه عن طريق العباره

وين الباقين بس هذي الردود

إذا انت متردد روح مكه خذ عمره احسن لك وإلا اطلع الشرقيه خلاص عطوك الشباب رأيهم ولا له داعي كثرة الردود وتكرار الكلام إلا اذا كان الهدف من طرح الموضوع كثرة الردود والصفحات أتمنى أن تتقبل نقدي بصدر رحب وشكرا

أنصحك بجزيرة الأميرات قمة الراحة و تحس نفسك رجعت للقرن السادس عشر أو السابع عشر , أذا أنت من الناس إلي ما يحبون وجع الراس والضوضاء, لأنها جزيرة نظيفة جدأً و الهواء نقي . أتمنى بعد ما تنسى أسطنبول و أنطاكيا لانهم المناطق السياحية في تركيا . لا تتردد البلد قمه في الجمال بس لازم ترتب رحلتك تعرف وين تروح أشان ما تتعب . . . ولا تنسى أنها دولة أسلامية .