صديق الكل
21-10-2022 - 01:25 am
هلا بك يااخوي @@ محبكم في الله @@
ماودك ترسل لنا برد ومطر
لان الحر ذابحنا في الرياض
تخيل يوم الخميس حوالي الساعة 4 وكانت درجة الحرارة بالسيارة
:112::112::112: 48 درجة :112::112::112:
المهم ناوي ان شاء الله السنة ازور ابها
مع اني زايرها قبل كم سنة
لكن اللي يخليها ازوها هو البراد والمطر
واذا سمحت لي ابسالك كم سؤال
ايهم افضل بالنسبة للطريق
الرياض - الخرج - وادي الدواسر - خميس مشيط - ابها @قريت عنه انه طريق مزدوج @
أو
الرياض - الطائف - الباحة - ابها ؟؟
وايهم افضل بالنسبة للطريق بين الطائف والباحة
طريق الانفاق او الطريق الثاني؟؟
وهل طريق الانفاق يسمى بني سعد ؟؟
وهل الطريق السياحي مزدوج؟؟
لاني اذكر انهم كانوا يشتغلون فيه
ابغى الايجابيات والسلبيات
وبخصوص الشقق
ياليت تذكر لي شقق نظيفة وسعرها مو غالي
حنا شخصين انا وزوجتي
وهل تنصح بالبيوت الشعبية اللي بالفرعاء او الواديين ؟؟
وياليت تذكر لنا الجديد بابها هالسنة ؟؟
متى تبدأ الفعاليات ؟؟
ومتى تبدأ الزحمة ؟؟
وهل تنصح بزيارتها أول العطلة يعني بعد الاختبارات مباشرة
او باخر شهر سبعة وبداية ثمانية؟؟
كثرت الاسئلة عليك لكن تحملنا شوي
وبخصوص التخييم
هل هو مسموح فيه أو لا ؟؟
لاني سمعت واحد يقول العام الماضي كان فيه تخييم
طبعا تخييم للعوائل
وياليت تضعنا برنامج متكامل ومفصل لزيارة ابها @@ برنامج يومي @@
يشمل ( منتزهات - مطاعم - أسواق ) وغيرها
لمدة اسبوعين
وهل ترى فترة اسبوعين كثيرة او لا ؟؟
وشكرا لك
محبكم / صديق الكل
