اختي Sooze ..
انا اقدر افيدج بخصوص اورلاندو وميامي ..
بالنسبه للسياره تقدرين تستأجرينها .. اما من احد المواقع الخاصه بشركات تأجير السيارات ..
ومنها عن تجربه ..
http://www.alamo.com/
دقيقين فالحجز والوصول لهم سهل .. اما عن طريق مكاتب فالمطار نفسه توفر لج السياره او باصات تاخذج لين الفرع فالوضع سهل جداً .. لكن أحياناً تكون اسعارهم اغلى من غيرهم لذا تقدرين تقارنين بينهم وبين
http://www.nationalcar.com/ أو
http://www.enterprise.com/car_rental/home.do
هذي بالنسبه للسياره ..
اما الفندق (اورلاندو) ..
فانتي ذاكره انه تبون برامج للأطفال او لكبار .. لذى بحكم انكم عايله ومن اكثر الفنادق اللي بتناسبكم ..
سعره مناسب وموقعه ممتاز قريب من كلشي واهم شي نظافة الغرف والاثاث والمعامله ممتازه ..
http://www.starwoodvacationownership.com/sheraton_vistana_resort/welcome.jsp
تقدرين تحجزين من الموقع مباشر .. اهم شي تأكدي يطرشون لج الكونفرميشن مال الحجز ..
واذا ماعجبج الفندق وتبين خيارات اخرى انا حاضره ..
بالنسبه لميامي ففنادقها تختلف عن اورلاندو اورلاندو فيها نظام المنتجعات وميامي غرف ..
انا جربت كل من
http://www.marriott.com/hotels/travel/miajw-jw-marriott-hotel-miami/
وايد حلو هالفندق! .. لكن اذا كان سعره مقارب لفندق لوز .. فانصحج فيه وهذا موقعهم ..
http://www.loewshotels.com/en/Hotels/Miami-Beach-Hotel/Overview.aspx
رائع و5 ستار بمعنى الكلمه ..
اما هالفندق حياة ريجنسي ..
http://atlantagalleria.place.hyatt.com/hyatt/hotels/place/index.jsp?icamp=atlantagalleriaplaceredirect
حلو وسعره جداً مناسب .. واحنا ارتحنا فيه لكن مايطل على البحر ويقع فالداون تاون ..

توني اقرى انج تبين اماكن بعد ..
اول شي ميامي .. مجمعات واسواق والمحيط! ..
الشواطئ عندهم رائعه وعندج كل من Ocean Drive شارع فيه مطاعم ومحلات ..
Bayside Mall مجمع Out & Indoor وايد حلو وقعدات العشى فيه روعه!
Coco walk .. مجمع صغير في مطعم تشيز كيك فاكتوري وجم محل امريكي .. وايد حلو ..
افنتورا مول .. وديدلاند مول .. مجمعات كبيره وفيها كل المحلات الامريكيه ..
بل هاربر مول .. مجمع كله ماركات كل الماركات العالميه موجوده فيه!
والاوت لت .. Dolphin Mall .. روعه وفيه محلات وايد ..
ميامي فيها رحلات جت سكي تطلع من الميامي يخت كلاب او ميامي بوت .. روعه هالجولات انصحكم فيها ..
هذي عن ميامي اورلاندو طبعاً حدائق ديزني ويونيفرسال والSeaWorld ..
حدايق ديزني 4 حدايق ولكل حديقه يوم .. ويونيفرسال حديقتين .. والسي ورلد حديقه عاديه فيها عروض والعاب وحديقه مائيه اسمها اكوا تيكا ..
البيت المقلوب والبيت المعوي .. حلوين وفيهم اشيا غريبه جداً .. وكل شي ذكرته لحد الان يصلح للكبار ولصغار ..
بالنسبه للاسواق في اورلاندو ..
Florida Mall .. ذا مول ات مالينيا ..
و 3 مجمعات اوت لت .. منها انرناشينوال وبونت ون وبريميم ..
وفيه اماكن اخرى بعد .. جولات بالهوليكبتر وغيره اذا تحبون ..
وحدائق مائيه ثانيه مثل typhoon Lagoon و بليزرد بيج ..
بالنسبه لنيويورك .. فأول ماتوصلون في جوله تعريفيه بنيويورك تاخذونها بالباص ..
بتمر بأهم النقاط في نيويورك .. منها تمثال الحريه وجاينا تاون والكثير الكثير .. فبتكون عندكم فكره وتقدرون ترجعون للي عجبكم بالايام ..
ومهم انكم تسكنون بالتايمز سكوير آمن شي ..
لاس فيجاس فيها الفنادق .. والعروض الليليه ..
احسن المجمعات موحوده بسيزرز او بيلاجيو حاولو تسكنون في احد هالفندقين وتمشو فالباقي مثل الفينيشين وباريس والباقي ..
ومن اهم العروض في فيجاس سيرك دو سوليه وعروض الساحر ديفيد كوبر فيلد .. هذي اللي اكثر شي سمعت عنه ..

ozyeee مشكوره مااقصرتي واسفه تعبتك معاناا مااقصرتي

يعطيك العافيه اوزي والله كفيتي ووفيتي وبعد اللي جبتيها الواحد ماعندو اي شي يضيفو