albdo
16-09-2022 - 04:42 am
السلام عليكم ورحمة الله اخواني الاعضاء جميع وبدون إستثناء.
اتمنى لكم لكم حياة طيبه اما بعد:
انتبهوا شدوا حيلكم على الاسئله وتذكروا موقفكم في إمتحانات الثانويه العامه.
ندرعم للموضوع الاساسي:
عندي دوره في دبي تحديا ً في مدينة الانترنت بجانب جزيرة النخيل جنوب دبي على الشارع وانت رايح بوظبي. بتاريخ 1-4-2007 واحد- شهر اربعه (حزيران على ما اعتقد) - سنة الالفين والسبعه.
هذي المعلومات اللي متوفره لدي.
السؤال الاول : اختر الاجابه الصحيحه من ذاكرتك
هل يوجد شقق او فنادق قريبه من هذه المنطقه سؤال جميل والاجمل اللي بيرد عليه ( شكلي بغششكم ).
السؤال الثاني ( مفترق طرق خطر ومتزحلق):
هل ممكن اسكن يعني يعني قريب من بر دبي او ديره والطريق يساعد ما فيه زحمه لين اوصل لمدينة الانترنت في دبي ؟
هذا الملخص واللي يحب يقرا بعد ينزل بالماوس تحت
بصراحه دورت ودورت وعجزت وانا ابحث ما خليت موقع الا ودشيت في دماغه حتى القوقل قال ابتعد عني ما احبك وش تبي بي ؟ تراك اذيتنا مستانس على البحث دور موقع بحث غيري.
انا ما حبيت انزل الموضوع إلى بعد ما تعبت من البحث وحاب اشوف الخبرات الموجوده هنا يردون على الموضوع.
شاكر لك من تقدم وكتب رد علي مقدما ً لاني متسلف بطاقه وداش العرب المسافرون عشان اكتب الموضوع واخاف يخلص رصيد البطاقه وما اقدر ادش واعقب على الردود بس الله الله في الردود الممتازه عشان التقييم يا حماعة الخير.
و الختام السلام
وعليكم السلام
يالله في امان الله
حياك الله ابشر بالردود السنعه من الجماهير الغفيره
