هذا الوكيل مالهم في دبي
عبدالله الخواجة للإلكترونيات
ت: 0097142273404
وبالنسبة للتاكسي
أعتقد مابين 60 إلى 70 درهم

جزاك الله خير اخوي ذا واتشر دائما حاضر في القسم الله لايحرمنا منك
سؤال بخصوص مشاوير التكاسي في داخل دبي
سمعت من احد الاخوان واتمنى انه يكون مبالغ طبعا
يقول ان متوسط اسعار التكاسي للمشوار العادي في دبي يتراوح بين ال 50-60 درهم !!!!
هل هذا صحيح ؟؟
علما بان موقعي في داو بلاس يعني مادري هل بعيد ولا المشاوير الاماكن الشرحه قريبه منه

وجزاك اخوي
للأس هالكلام صحيح
التكاسي غالية
أنا أنصحك تأجر سيارة
شوارع دبي شوي صعبة (لو راحت عليك اللفة يمكن تضيع ساعة لين ماتوصل لنفس المكان مرة ثانية)
بس تقدر تمشي نفسك
خصوصا ان التاكسي مش دائما متوفر
واذا اتصلت فيهم ممكن يقولوك ماعندنا سيارات حاليا
واذا اتصلت وجاك التاكسي يحسب علي اكثر من انك و وقفته في الشارع
صدقني تأجير السيارة اوفر واحسن
وياما ناس اول مرة يروحون دبي ويأجرون سيارات
وغيرك مش احسن منك

The Watcher
مشكله بصراحه
طيب حتى تاجير السياره يقولون غالي
المشكله عندي دوره للعمل يعني ماراح افضى الا بعد 6 المغرب
فاحسها ماتسوى استاجر عشان مشوار واحد في اليوم ولا شو رايك ؟ تشوف حتى لو كان مشوار واحد يستدعي ويستلزم استاجر سياره؟ خصوصا اني ماادل ابدا في دبي اضف الى ذلك الرحله ماهي سياحيه ابدأ
سؤال ثاني : انا بكون في داو بلاس ان شاء الله فكم تتوقع سعر متوسط لمشواير التاكسي ؟ يعني لو بشكل تقريبا يتراوح من كم الى كم ؟
لاني اقول في نفسي لو كان المتوسط وعلى حسب موقع فندقي من 25 الى 35 للمشوار الواحد ماراح استاجر سياره يعني لو تطلع علي التكاسي باليوم 70 الى 80 ماعندي مشكله
امر اخر كم متوسط اسعار التاجير لاصغير سياره
وماهيه اوضح وافضل خريطه خاصه ل دبي ؟
اعتذر على الاطاله لاكن تعرف السفر وقلقه خصوصا في امور الترتيب ومعاك الاهل :112:
لاهنت يالغلا

انا بالنسبة لي حتى لو كان عندي دورة أو ورشة عمل أسأجر سيارة
صحيح ان احيانا ما اروح الا مشوار او اثنين
بس في عدة نقاط
في المطار والمراكز التجارية بتلاقي طابور طويل لإنتظار التكاسي
انا اقصد طابور الناس اللي بتركب التكاسي
لازم توقف معام
آخر مرة رحت دبي خذت تكسي من المطار للفندق
وقفت نص ساعة تقريبا في الطابور
هذا وكان الوقت الساعة 3 الفجر
في سيتي سنتر ممكن توقف في الطابور ساعة
ومافي شي اسمه تعال ووقف اي تاكسي وروح
في نظام في دبي
بس الله اعلم .. يمكن يكون حظك حلو
داو بالاس مكانه حلو في النص
هو في بر دبي
ابعد مكان بتروحله ابن بطوطة
اعتقد بيكلفك 70 درهم
غيره ما اتوقع يزيد عن 40 درهم
بالنسبة للسيارات الصغيرة
للأسف في الفترة الأخيرة زادت أسعار تاجير السيارات
الكورولا كانت ب 100 درهم
صارت الحين 190 درهم من المطار
لو رحت مكتب داخل دبي ممكن يكون ارخص
بالنسبةللخرائط
في خريطة مجانية بتلاقيها في الفندق او في المولات
حلوة بس مش وايد واضحة
لأنهم حاطين فيها دبي كلها .. بما فيها المشاريع اللي للحين ماخلصت
بس جيدة
وحاضرين يالغالي

ما هي شروط تاجير السيارات بدبي

المنار

• بعض المكاتب تشترط ان عمر السائق يكون اكبر من 25 سنة
• رخصة قيادة دولية لغير الخليجيين
• بطاقة فيزا أو ضمان مالي لدفع المخالفات
• بعض المكاتب تطلب رهن جوز السفر
• بعض المكاتب تحدد عدد معين من الكيلومترات تقدر تمشيها يوميا، واذا زادت تدفع عن كل كيلومتر