عدد المشاهدين = 8
ولا فيه احد اجاب ..

بالنسبه للصرافه مكاين الصرافه هناك بكثره ولا انصح استخدامها لانه بيكون عليه ضريبه 35 ريال تقريبا لكل سحبه
والكاش هو الافضل وماعندك مشكله خليهم معاك مافيه اي خطوره عليهم لكن خلك حريص
بالنسبه للامانات اعتقد الفاندق خمس نجوم يعطوك صندوق امانات بسعر رمزي وانا مو متأكد من المعلومه بس مايمنع احد من الخبرا يفيدنا
ايضا الجواز اذا انت بتاخذ شقه ماعليه اي خوف حاول تخبيه في مكان امن وماعندك مشكله ولا تتوهق تحطه في مكتب ولا شي زي كذا خل كل شي معك
اتمني اني افدتك بالتوفيق

شكرا اخ احمد ع المعلومه بخصوص الضريبه 35 ريال امرها سهل يعني لو تم سحب مرتين فقط 70 ريال ...يعني تروح سبعين ريال افضل من تفقد جميع فلوسك ..
بالنسبه للجواز اتمنى الافاده اكثر

e commerce
بالنسبة للجواز تعتمد فين بتسكن, فإذا كان سكنك في فندق ف السيفتي بكس اللي بالغرفة هو المكان الصح اما اذا كنت بتسكن في شقة فالأفضل تخليه معك او تخبيه في مكان في الشقة وتأخذ منه صورة(مهم لو حصلت تفتيش وانت خارج تتمشى) بشرط انك تغير القفل حق الشقة. الطبيعي والمنتشر بكثرة ان المالك او المكتب اللي يأجرك الشقة يكون معه نسخه من المفتاح, يبغالك تنتبه. تقدر تسجل الجواز بالسفارة عشان لو حصل شيء ماتلحق نفسك ملامة.
في كل الأحوال في كل سفراتي لمصر كنت أحط جوازي في جيبي مع الأحتفاظ بصورته في السكن او العكس وماعمري واجهتني مشكلة بس تكون حريص اذا دخلت مكان مزدحم او ركبت مواصلات(قبل ماتنزل من التاكسي يبغالك تتفقد أغراضك).
وترا الديرة وانا أخوك أمان لا بالنسبة للفلوس او للجواز واللي يصير أحداث فردية لايمكن تعميمها مقارنة بأعداد الناس اللي تروح هناك وهذا مايمنع انك تكون حريص على أغراضك. وغالباً تحصل هالأمور لان الشخص يكون في حالة مو طبيعية

نعم... مثل ما افادوك الأخوة بالنسبه للصرف ولكن وحفظ الجواز بس احب اضيف انك ما لازم تسلم جوازك لحد وتتركه عنده لأن الجواز وثيقه مهمه وانت المسؤول عنها وحتى الفندق لما تدخل ممكن يصور الجواز ويرجعه لك ولذلك فأفضل خيار هو حفظ الجواز في خزنة الغرفه او خزنة الفندق او الأحتفاظ به معك بطريقه آمنه. وموفق ورحلة سعيدة