السلام عليكم
بدون مقدمات
اختي انصحج بفندق حياة ريجينسي موقعه حلو في الداون تاون الاسواق قربية منج و يطل على النهر
وهذا الوب سايت للفندق :
http:/http://www.chicagoregency.hyatt.com/hyatt/hotels/index.jsp
واذا وياج يهال وديهم حديقة الحيوان اعتقد عدال الكورنيش و في متحف يجن اسمه Field Museum اذا فاضيين حق المتاحف اما بالنسبة للاماكن السياحية اللي حطيتيها اتوقع تكفي
اتمنى اني افدتج ورحلة موفقة

انا ساكنة الحين بين المنطقة الخضراء والزرقاء وكل شي قريب ونروح لنيفي بير مشي والميتشغن ستريت والستايت ستريت مشي بعد. في هاي المنطقة عندك فندق الماريوت. في الميتشغن شفت الانتر والريتز والفورسيزن وويسترن وحياة بارك .
في الميتشغن فيه اكثر من مجمع غير التور بلاس (اللي فيه ماسيز) فيه مجمع 900 في اخر الشارع وبعد فيه ساكس ونيمان ماركس و bloomingdales و Nordstrom من غير المحلات اللي على طول الشارع وعلى الشوارع الجانبية. وشارع ستايت حلو وفيه ماسيز كبير. واذا تبغين الماركات بتلاقين اغلبها في الميتشغين وفي شارع متفرع منه اسمه oak st .
فيه بعد مول كبير يعتبر ثاني اكبر مول في امريكااسمه woodfield بس بعيد عن الداون تاون يمكن نص ساعة وفيه chicago outlet هذا يبعد تقريبا ساعة.
اذا تحبين المتاحف فيه عندك قريب من الملينيوم بارك مجموعة متاحف حلوة الفيلد و الدر و الشيدد اكواريوم .
اما المطاعم انا احب المطاعم الهندية واكثر واحد عجبني انديا هاوس في شارع قراند. فيه مطعم يمدحونه بس ما بعد جربته اسمه صبري في منطقة ديفون(منطقة الهنود) تبعد 20 دقيقة تقريبا.
فيه بعد مطعم ايراني اسمه رضا ما رحت له بس طلبنا منه اكثر من مرة واكله حلو.
واذا تحبين الاكل الايطالي بتحتارين !!المنطقة مليانة مطاعم ايطالية.
شارع العرب ما رحت له ولا افكر اروح له.
عمار جون هانكوك عماره فيها من فوق تلسكوب يرويك الولايات المجاورة ومن تحت فيه كم محل اهم واحد فيها بست باي لاجهزة الالكترونية والافلام والالعاب وفيه بعد مطعم تشيس كيك فاكتوري .
هذا اللي في بالي الحين واي سؤال انا حاضرة
وسفرة ممتعة مقدما

كل المناطق الي حاطيتيها حلوة وقريبه من بعض. اهم شي اسكني في الفندق الانسب لك. الجسر الي جنب المنطقه الحمره رهيب المنظر فيه.

و الاعضاء ما قصروا .. في مهرجان يبعد ساعه عن شيكاجوو كتبت عنه : https://artravelers.com/p/re/296777

هند العسولة
وعليكم السلام ورحمة الله
ايه شفته حياة ريجنسي وفي جنبه hotel71
وياليت تفيديني عن المتحف ايش المميز فيه

leleos
واو ما شا الله تبارك الله
اول شي والله كلماتي مو قادرة تشكرك كفيتي ووفيتي بس اقول الله يجزاك الف خير ويوفقك ويسعدك يارب
وممكن اسال اذا مافي مشكله ايش الفندق او الشقق الي ساكنتها
وسمعت كثير عن شقق جراند بلازا على شارع جرانت بعد تقريبا 3 بلوكات عن الميشيغن ايش احسن,,,,,المنطقة الي محددتها او هذي؟؟
وشكلي ماراح اطلع لفوق في جون هانكوك بس المحلات الي تحت
وشكرا جزيلا لك

fms
واو المنظر خطير
هذا من فندق حياة ريجينسي؟؟
ايه قريت التقرير رائع
بس حسافه رحلتنا مو في هذا الوقت
من 24-7 الى 27-7
وراح يصادف يوم احد
والف شكر يا نجم البوابة على الرد

ويسعدك انتي على الكلام الحلو...
احنا ساكنين في شقق مأجرينها بالشهر ...وشقق جراند بلازا(فيها اغلب الخليجين اللي جايين للعلاج) نفس الشي تأجر بالشهر مش اقل ...
ادا تبغون شقق فندقية احنا سكنا اول ما وصلنا في شقق الماريوت غرفتين وصالة مع مطبخ بس مش فندق الماريوت نفسه اسمه Residence Inn Chicago Downtown/River North
http://www.marriott.com/hotels/travel/chirn-residence-inn-chicago-downtown-river-north/ ولهم اكثر من وحده في الداون تاون
وبالتوفيق ...

عن تجربه شقق جراند بلازا لا يعلى عليها اهلي مجربينها واحلى شي فيها قريب من المشغن افنيو .. لا تاخذين بالمنطقه الحمرا قريب من النهر ولكن بعيد عن المشغن افنيو .. شيكاغو كلها بكبرها اهم شي فيها المشغن افنيو هذا الشارع اللي سرق قلبي من دخلت هالمدينة ..
انا رحت مطعم صبري اللي بحي ديفون ،، برياني لحم قمة كل شي عندهم بفلفل الله يعينج خ
واسألي اي عربي عن مطعم تشلو كباب عراقي اسمه الكباب العراقي اخر مره شهر 1 قالوا انهم انقلوا مكانه من حي كدزي الى المطار .. جربيه اكله لا يعلى عليه ..
وعندج تشيز كيك فاكتوري .. واماكن سياحيه كثيره ..
بس انتبهي من ستيت ستريت .. اختي انباقت جنطتها هناك كله مجرمين وخليج حذره جدآ ..
ستيت حلو بس انا ما ارتاح له اشوف فيه اشكال غريبه عجيبه ..
واذا على المجمعات السوق عندج ،، اوت ليت وعندج ويد فيل وعندج قرنيه ميلز و 900 و ميسزز الواتر تور .. والنورد ستروم ..
انجوي ان يور تايم ,,

جواله
العفوو. الصوره من الجسر وانا اتمشى. بالنسبة للمهرجان الا بيكون موجود. الي جنب شيكاجو بيكون من 11 جولاي الى 7 سبتمبر راح يبدا بعد يومين ان شاء الله. وهذا موقع المهرجان الي جنب شيكاجو:
http://www.renfair.com/bristol/