والله ياخوي هالحركه هاذي يمكن مشت معاك في ماليزيا لان ماليزيا دوله رخيصه نسبيا
لكن في اوروبا وحتى في بعض دول الخليج دايما يكون المكتب او النت ارخص من الكاونتر و ثاني شي ما تضمن وجود غرف جنب فندقك اللي طلعت منه واللي اكيد انت مختاره عشان الموقع
واذا كنت مع عايله العمليه صعبه شوي لكن اذا كنت لحالك غامر وخلك زيي (مغامر) ههه

هلا اخي الكريم في بعض الدول الفندق اغلى من المكتب او المواقع واقرب مثال الكويت والبحرين وقطر في الكويت حجزت من موقع فندق كوم للسكن في موفانبيك الفلا بالموقع ب105 دينار اما من نفس الفندق 170 دينار يعني قريب الدبل
في قطر فندق مالينيوم من الموقع ب750 ريال من الفندق نفسه ب1100 ريال
في باريس لي كلاريج الليلة بجناح من الموقع ب400 يورو من الفندق نسه ب570 يورو
طبعا هالاسعار لاحظناها بعد ما طلبنا التمديد بالسكن ويوم شفنا الفرق شبكنا النت وحجزنا من بوكنج وفندق كوم ومددنا من النت وليس الفندق نفسة
وفيه فنادق اذا حصلت الي في الاستقبال فلبينية عطها كم كلمة بالفلبيني وقول لها الحين المواقع بالنت اكرم منكم ياصحاب الشان بالموقع كذا السعر وانتو اصحاب الفندق اغلى وعلى قولتهم اخذها بالشيمة وبتعطيك نفس سعر الموقع بالاخير
وطبعا هالحركة انا جربتها في مصر وفي روما وانفعت معاهم وسو الخصم لي اما غيرها ماصرت اتميلح لهم ولا شي ادخل موقع بوكنج او فندق كوم واحجز نفس نوع غرفتي بعدد الايام الي ابيها بس في لوغانو طلع الغرفه الي ابيها على الليك ومو متوفر الحجز فيها فاطريت اغيرها لغرفه غير مطله
وبصورة عامة مااحب اروح مكان من غير حجز مسبق حتى لو كنت انا وزوجي بس من طبعي ما احب المغامرة ولا احب المرمطة

اتفق مع ام سيف
في فرنسا ماتضمن وممكن دول الخليج
ام تصدقون في لندن فندق غرفانر هاوس كنا حاجزين في من قطر 1700 ريال
ولما كنا بنمدد سالنا الفندق تفاجأنا ان من عندهم 1200 ريال السعر يطلع

اخوي انا اعرف وحدة تروح بدون حجز بس مو في المواسم ، و خاصة اذا كانت رايحة فترة طويلة ، سوتها في الراديسون في باريس ، و قالتلهم انا جالسة 15 ليلة بكم تعطوني الغرفة ؟؟ و قالتلهم سعر الموقع ، سوولها خصم اكثر من الموقع ، لان في النهاية الفندق يبي يستفيد ، بس انا ما اغامر في السفر ، اذا ودك تحجز من الكاونتر مثل ما قلت ممكن تاخذ اول ليلة من النت و تمدد اذا وصلت بس ترى فيها ريسك لانك اذا مسافر هاي زيزن ممكن ما تحصل غرفة على مزاجك ( مطلة ، مدخن او غير مدخن ، الحجم ,,,, الخ )
والله يسهل دربك ..

اجابتكم لي أفادتني ووجهات النظر تتفق ..