أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم اخواني
ممكن سوال للتاكد فقط
مصرف يومي لسائح بالبات كم في بانكوك
من مأكل تقريبا فاست فود - ستاربكس -تاكسي تنقلات -سينما -تمشي في بات بونق
كم بيكلفني هذا يوميا؟ من غير مشتريات ملابس وهكذا
شكرا ولد البحرين بما انك خبرة في بانكوك شنو تفضل انا شخص واحد ساكن في بانكوك سنتر هل اخذ التاكسي بوعداد من المطار والا ااجر تاكسي من مكاتب المطار والا الحين احجز من الانترنت شنو تفضل؟ وعندك موقع معتمد؟
بما انك راح تنزل ورايح لفندقك في بانكوك ،، اعتقد لا حاجة لحجز تاكسي بالنت خاصة اذا كنت شخص واحد او شخصين الحجز يفضل اذا كانت معك عائلة وتبي سيارة معينة او اذا كنت ناوي تطلع من بانكوك الى مدينة او منطقة اخرى ،،
وايضا لا انصح بحجز تاكسي من المكاتب داخل المطار خاصة ان الاسعار مرتفعة ،،
شوف لما توصل وتاخذ الشنط وتخلص امورك من شراء خط هاتف وغيره اتبع اللوحات بالمطار الى المخارج اللي توصلك الى ال "puplic taxi" هذي افضل لك واوفر بالسعر راح تطلع بتشوف عدد من الاكشاك تروح تعطيهم اسم الفندق وعنوانه وراح يجهزون لك تاكسي من ضمن العشرات اللي يتبعون الشركة ،، وراح يكون السعر جدا مناسب ،،
شكرا لك ولد البحرين انا بعد فكرت مثل حلك شكرا لك , السؤال الاخير واسف على كثرة الاسالة
ودي اخذ معاي كرتون شبس لاني ماحب اكلهم وايد ولا احب شبس بانكوك كل ماجربهم مايعجبوني
عادي والا فيها مشكلة؟ بشحن الكرتون لحالة يعني قطعتين قطعة الشنطة وقطعة الكرتون في مشاكل او جمرك ياخذونه علي هناك؟ والاعادي؟
ما في اي مشكلة عزيزي اذا قدرت تفتح الكرتون وتوزع الشبس في اكياس مثلا وتحطها بالشنط يكون افضل ،،
عموما ما اعتقد راح يحاسبونك لانك بتاخذ كمية تعتبر بسيطة لغرض شخصي وليست كمية كبيرة لغرض المتاجرة ،،
