ان ارجح كفه لندن واتوقع انها راح تكون ادفى نسبيا من النمسا والمانيا
وانا شخصيا افضل عمر اكبر لهالمنطقتين
وشراء التذاكر خله على اخر شعبان افضل تحسب لاي طارئ لاسمح الله
واي سؤال عن لندن حاظره

انا بعد ارشح لندن .. لان المانيا .. طبعا انت تقصد ميونخ لانها هي اللي قريبه من النمسا .. مافيها شي وغاليه و ممله
النمسا حشاها تجنن خصوصا زيلامسي ..
بس عيبها ان 4 ايام تكفيها !! وانت ماتبي تتنقل والا كان برشح لك سالزبورغ و المناطق الريفيه اللي حولها
لندن غير .. فيها تمشيه و فيها سوق و مطاعم ووناسه .. صحيح غاليه بس عالاقل تسوى

شكرا اعزائي على النصحيه وسؤال اخير هل 1000 ريال يوميا كافي في الوضع الطبيعي للاكل والطلعات؟

المسأله هذي نسبيه حسب كل واحد وصرفه
هل انت نوعك تحب مطاعم فاخره غدا وعشا
او تاكل وجبه باليوم من اي مطعم عادي !!
وطلعات مو كل يوم في رحلات في يكون يوم سوق وجم معلم
اوقات تطلع رحلات بره
فما اقدر افيدك
انا مثلن ما كنت احط ميزانيه معينه لليوم
مثال:
اتريق بالفندق
وكنت اكل وجبه وحده باليوم غدا عشا
وخلال النهار قهوة او اوقات ساندويش عالسريع من بريت او مارك اند سبنسر
يعني مصرفي للاكل ما كان يتعدى ال 20 باوند
والطلعات حسب كل مكان وتذكرته

انا ارى 200 باوند كافيه جدا اذا رتبت كل طلعاتك؟؟
كيف..
حجز الاماكن السياحيه من مكتب ودفعه واحده يوفر عليك كثير وحجزك من النت ايوفر اكثر..
مثال لماتحجز على عين لندن لوحدها ومتحف تماثيل الشمع لوحدها راح تكون اعلى بكثير من ان تحجزها مرة واحدة من النت او مكتب سياحي..
خروجك من الفندق واستخدام التاكسي..
يوفر عليك الكثير اذا كنت قد نظرت الى الخريطة وحددت الاماكن القريبه من بعضها وذهبت لها بيوم واحد
ويوفر عليك اكثر واكثر واكثر اذا فهمت الاندر قراوند (ولكن هذي صعبه) انت جاي سياحه لذلك لاتقرب الاندر قراوند
بختصار الترتيب يوفر عليك الكثير جداا
هل تصدق انك لما تطلب من دومنيز بيتزا عبر النت مثلا يوفر عليك قرابة 20% احيانا؟؟
ميزة لندن من اسهل المدن الترتيب لها وجوجل ايرث سيريك اي كافيه ستجلس فيه بالهايد بارك
بختصار اتعب نفسك بالبحث او ارخ باوندك

حلو الكلام بس كيف ومن وين مثلا احجز من مكاتب سياحيه؟؟؟ وبالنسبه للاكل بيكون اكل على الاكل اللي مابيدخل فيه لحومات علشان اضمن الحلال الا اذا كان مطعم عربي موثوق فيه .....!!!!

أنا حاليا في لندن ،
الله يعينك على الزحام ، والازعاج ، والعوادم ،،
الصراحة عوار راس للي معه أطفال ،،
وجهة نظر

ابومهند11
اعارض هالفكره وبشده
انا بالنسبه لي اسافر علشان استخدم المواصلات العامه وما استخدم التاكسي الا اذا كنت مضطره سواء مضيعه او وقت متأخر بالليل
والا باجي الاوقات باص واندرقراوند
بطاقه الاويستر لمده اسبوع اندرقراوند وباص استخدام مفتوح 28 باوند اوفر من التاكسي الا ممكن مشوار 10 باوند والا 15
حاول تراجع الاماكن الي تبي تزورها وراح تسهل المهمه
والتخطيط المسبق يوفر الوقت والمال !!

almomoh
انا قصيت تذاكر متحف الشمع و لندن اي من البيغ باص
وتقدر تحجز من السايت الرسمي للاماكن هذي
المطاعم الحلال:
مسكوف
نورا
الونك
زينه
ومطاعم عربيه بالاجوارد رود و في جم مطعم بالكينقزرود