حول بس مركز
10-09-2022 - 03:41 am
السلام عليكم..
السؤال ..
مالفرق بين المالديف وسيشل وموريشيوس؟
بالنسبه لي رحت المالديف والصراحه كانت روعه ..والسبب اللي خلاني اختارها من بين الجزر الثلاث المذكوره سابقا هو المياه الصافيه اللي كنها كرستال والبنقلو اللي داخل البحر..فابي اعرف السيشل متوفر فيها هذا الشي او موريشيوس؟
بالنسبه لحجزي كان بكج عن طريق الاماراتيه وكان هاف بورد بس كلفتني الرحله 40000 تذاكر وتنقلات بين الجزر وكنت حاجز ست ليالي موزعه على الكونراد وانانتارا ..فكنت متوقع انه الاسعار للمالديف كلها كذا لكن من خلال بحثي بالمنتدى اكتشفت انه ناس تحجز فنادق اغلى من فنادقي وطلع عليهم ارخص ويحجزون متاخر لا حجزو بدري ولا شي فمادري هل انلعب علي؟؟
اوالافضل انه ماناخذ بكج نحجز من الفندق مباشرة ياليت توضح وش افضل طريقه للحجز...وشكرا جزيلا
بإختصار ...
المالديف : كل منتجع له جزيرته الخاصه به ,
ووسيلة التنقل بين العاصمة والجزر القارب
او الطائرة البرمائية ..
اما موريشوس , فهي جزيرة كبيرة - 2000 كم مربع -
وتتوزع فيها المنتجعات على الشاطىء مابين الشرق
والغرب أو الشمال والجنوب ..
السيشل بين الأثنين , عدة جزر وعدة مدن او قرى ,
والمنتجعات متوزعة في الجزيرة الرئيسية اللي فيها
العاصمة او في الجزر الأخرى الأصغر ...
وهالخريطة توضح موقعم بالنسبة لنا :
بالنسبة لطريقة الحجز , فليس هناك افضل من المقارنة
الشخصية بين أسعار الوكالات السياحية المختلفة , وبين
مواقع النت , سواء موقع المنتجع الرسمي او مواقع الحجز
الموثوقة الأخرى ..
لكن يجب ان تنتبه عند المقارنة إذا كان السعر يشمل
الوجبات ام لا , وإذا كان شامل الضرائب والخدمة ام لا ..
وأن تكون المقارنة لنفس عدد الأيام والتاريخ طبعاً , وأن
يكون لنفس نوع الغرفة بالضبط ...
وبناء عليها تتكون لديك فكرة عن أفضل الأسعار
وتتوكل على الله وتختار اللي يناسبك ويريحك ..
تحياتي