سؤال صعب الاجابه عليه لانه توجد عدة نقاط غير واضحه ومنها :
هل انت لوحدك بالسفر ام مع عائله؟
هل التذاكر من ضمن المبلغ؟
مستوى صرفك هناك لانه ممكن تصرف المبلغ بالكامل بيوم واحد ؟؟
هل السفر للسياحه او بزنس؟
لكن اذا تبي رائ اختار الدول المهمه بالنسبه لك وليس ضروري تلفها كلها بسفره وحده او قلص المده بكل دوله ومر مكتب سفر وسياحه وخليه يرتب لك الحجوزات من تذاكر وفنادق وراح تعرف كم التكلفه قبل السفر او الرائ الاخر سافر ولاشفت الفلوس قربت تخلص روح لديرتك.
تحياتي

لا اله الا الله
هذه كله في سفره واحده
نصف العالم في سفره واحده شرق اسيا كله مره واحده
ياخوي اذا الموضوع كله موضوع سياحة انا اشوف انك تركز على بلدين بس
وتلف فيها لف وتشوف فيها كل شي
هذا راي وانت حر
بس والله راح تتعب كثير وبالذات اذا كان معاك عائلة
ولك مني خالص التحية والتقدير

والله يااخوي سؤالك ذا صعب مره ومانقدر نجاوبك تتوهق
لو تسالنا عن ميزانيتك اللي محددها لماليزيا ممكن نفيدك..
غير كذا والله اعتذر ماعندي خبر
تحياتي لكم

اخي الكريم
انا اشوف انها ماتكفي
انا صرفت مالا يقل عن 37 الف ريال سعودي
على تايلاند وماليزيا فقط في 40 يوم
هذا وانا عامل حسابي في عروض مخفضة
صدقني ماتكفي
شوف عندك الطيران والفيز والتكاسي والنقل البحري
و الرحلات والطعام والهدايا والتسوق و... الخ
غير ان الدولار انخفض
والله يوفقك

شخصيا ومن تجربة دائما يكلفني السفر ضعف ما اقدره لذا احدد الميزانية ضعف المعطيات والي يبقى في جيبك وليس مع الجيران ..( نظرية طازجة وش رايك؟)
إذا كانت سياحة فهي مرهقة ولن تتمتع لأن فكرك مع البلد القادم وما يخططه عقلك اللاواعي من الترتيبات.

انا مسافر انا وزوجتي والخادمة وطفلتين صغار والمبلغ بدون تذاكر السفر وبدون السكن في ماليزيا وش رايكم

هونج كونج هي اللي بتاكلك ترا..
غير كذا ان شاء الله بتكفي اذا بس مصاريف يوميه

لا أزال متمسكا برأيي:
اذا كان للسياحة الخطة....؟
طويلة جدا ومملة وكل واحد يقرر ما يناسبه
ترى السفر الي يزيد عن 12 يوم لك عليه وخاصة مع هي التنقلات.
المستشار مؤتمن: راجع الجدول والله يدلك على الخير ولا تنس الاستخارة والدعاء فالله خير حافظا
تحياتي