لا ياخي عادي ...
تشتري الشريحه التركيه من اي محل متخصص وتعبي بعض البيانات .. وتشغلها عادي جدا كأي شريحه ثانيه

الله يعطيك العافيه أخت نجلا طمنتيني الله يطمنك..

اي عادي الله يهديكم
يومين نبي شريحه ترك سيل
سين وجيم عليها ..
و واخذناها ولا تفعلت .4 ساعات . لين راعي التاكسي رجعها عليهم .. وبنشوف بكره ايش بيقولنا ؟

بدر السعد
أربع ساعات.. ومتضايقين..!!؟؟
أجل وش أقول أنا والشريحة معي ألحين في ديرتي ..
وجلست أسبوع كامل من استخراجها وما شتغلت...!!!!
اشتريت الشريحة ترك سل بسعر 50 ليرة من محل في يلوا يوم الجمعة ..
وقال لي البائع خلال ساعتين تتفعل..!!
رحت البحر ورجعت وقعدت خمس ساعات.. وماتفعلت..
رجعت للمحل.. وقال لازم 24 ساعة..!!
بعد 24 ساعة ماصار شي.. راجعت المحل قال لي يوم السبت والأحد إجازة للشركة.. وماراح تتفعل الا يوم الاثنين..!!!
حاولت ارجعها رفض وقال بما انك فتحتها.. ماتسترجع..!!
رحت اسطنبول الاثنين.. ويوم الثلاثاء خليت السائق يتصل على الشركة..
قالوا لازم فانورة المحل اللي شاريها منه..
دورت عليها.. وكنت آخذ الفاتورة احتياط لمثل هالموقف..
يوم الخميس لقيت الفاتورة.. واتصل السواق على الشركة وأعطاهم بيانات الفاتورة..
من غير أي نتيجة...!!!!!!!!!!
يوم الجمعة.. وبعد الظهر قال لي السواق الشركة اتصلوا عليه وقالوا الشريحة تفعلت...
ومع أن بقيت في اسطنبول حتى الساعة 10 م يوم الجمعة... ولم تتفعل الشريحة..!!!
طبعا السالفة ماتستاهل أروح يلوا عشانها..
بس انا كان لي محاولة مع شركة avea وكنت بطلع منهم شريحة وأسعارهم مناسبة جدا
لكن علمت أن استخراجها خاص للأتراك فقط... وأن ترك سل فقط هي التي يمكن أخذ شريحة منهم
فلو تقدر تقنع السائق أو أحد هناك يطلع الشريحة باسمه.. وتستخدمها واذا جيت تروح تعطيها اياه اضمن كثير..
وتجربتي مع ترك سل خلتني احمد ربي على شركاتنا لاتصالات.. فعلا أثرنا بنعمة ...!!!!!!!!!

حتى تضمن استمرار تشغيل الشريحة لابد من تسجيل رقم الاي بي للجوال باسمك وهذا يتم عند شراء الشريحة وتسجل في مكاتب شركات الاتصالات على اسمك ورقم الجواز
واذا لم تعمل ذلك فانت وحظك ممكن تشتغل يومين وممكن اسبوع وفي الغالب لاتتعدى اسبوعين ويوضع جهازك في البلاك لست يعني ولا شريحة تشتغل فيه بتركيا وللمزيد من المعلومات اذكر اني نبهت لهذا في موضوع قديم على هذا الرابط
https://artravelers.com/p/re/310005
واذا حصل معكم ايقاف وعدم عمل للشريحة لاترمونها لانها مازالت صالحة فقط انقلوها الى جهاز ثاني لم يستخدم ويوضع على القائمة السوداء وستعمل معكم مرة ثانية
لان الاقفال ليس للشريحة ولكن لجهاز الجوال

السلام عليكم
يا اخوان انا الان لي هنا ثلاث ايام الحمد لله
يا زين الشريحة السعودية وبس
لعملاء التميز التجوال الاستقبال مجانا
طبعا انتبه حط على شبكة avea لان فيه كذا شركة بس avea هي الارخص كشبكة
وللعملاء العاديين الاستقبال بريال .. للدقيقه
والارسال بريلين داخل تركيا للدقيقه
واذا بغيت تتصل على السعودية الارسال ب 5 ريال
واذا بغيت تتصل على احد من السعودية عطه رنه ويدق عليك
احسبها معي
لو استقبلت 50 اتصال كل اتصال مدته حوالي الدقيقه كمتوسط راح تكون التكلفة 50 ريال
واذا اتصلت داخل تركيا قل 50 اتصال مع انك ما توصل هذا ابدا وكل اتصال دقيقه راح تكون التكلفة 100 ريال
يعني 150 ريال كحد اقصى وما اتوقع الواحد يوصل حتى 50 ريال
والشريحة التركية 50 ليرة يعني 125 ريال ورايحه عليك رايحه مع العلم ان ليست كلها مكالمات بل يدخل فيها قيمة الشريحة
اترك عنك وجع الراس وخلك بالشريحة السعودية وصدقني راح تكون اوفر لك لو حسبتها صح
خصوصا ان احنا رحلاتنا من 10 الى 18 يوم
اذا زادت عن كذا اقول معك حق خذ شريحه بس اذا نفس الفترة خلك في قريدك لا يجي اللي اقرد منه

طيب احد يعرف مكان هذي المكاتب لانه مرة في المطار مكتب فودافون اخذ جوازاتنا واعطانا شرايح وقال تتفعل بعد فترة لكن شكلهم ماسووا شي لان وحدة من الشرايح ماشتغلت ابدا لان الجهاز قيد استعمل بشريحه تركية وشريحه ثانية اشتغلت لانه الجوال جديد ومع كذا قفلت بعد فترة
فايش الحل ؟؟ وفين موقع مكتب التسجيل؟؟
وشكرا مقدما

الاخ عاشق انطاليا
ارجو ان تتاكد هل تركيا ضمن الدول التي فيها الاستقبال مجاني ام لا
واذا كنت عميل تميز فربما تكون مستثنى من الرسوم
لان التجوال الذي اعلنت عنه الاتصالات هو ل 90 دولة وتركيا ليست من ضمنها
وتقبل تحياتي

يعني أفضل أسجل رقم الجهاز في المطار؟؟؟