noorjass
26-10-2022 - 12:43 pm
السلام عليكم ورحمة الله وبركاته
ياجماعة الخير عندي استفسار واتمنى الاقي الجواب والعون منكم
واكيد مالنا غنى عن خبراء تركيا الكرام
احنا عايله صغيره مكونه من 5 اشخاص كالتالي
آنه وزوجي وولدنا الكبير 12 سنه وبنوتتنا الاموره 7 سنوات وبيبي امور 1سنه
تعبت ادور سكن نكون كلنا في مكان واحد لاني مستحيل اقبل عيالي يرقدون في مكان وانه في مكان ثاني
كل السفريات تقولي لازم غرفتين وانه محتاره شنو الحل
ياريت تدلوني على فنادق توفر لي طلبي اللي حسيته مستحيل
وللعلم اني اتمنى ان احصل
2 ليلتين في اسطنبول في الجانب الاسيوي بقرب جامع السلطان أحمد
4 ليالي في انتاليا وياريت الفندق يكون اوول انكلوود يعني كل الوجبات
5 ليالي اسطنبول في تقسيم
ياريت الفزعه منكم وتردون غلي في اقرب فرصه صار الموضوع مأرق بالنسبه لي
مع العلم ان وفت سفرنا راح يكون من 3 سبتمبر لغاية 14 سبتمبر
واكون شاكره وداعيه بالتوفيق للجميع
ادخلي على موقع بوكينج :
https://www.booking.com
فيه فنادق كثير في اسطنبول توفر غرف ل 5 اشخاص ( يعني تكون مثل الشفه الصغيره )
ابحثي واختاري منها اللي يعجبك ..
وكذلك يوجد في انطاليا ولو ان الخيارات بتكون اقل من اسطنبول
ممكن تلاقين غرف ل 4 اشخاص احجزيها واطلبي سرير طفل اضافي ( وهذي الخدمه مجانيه في اغلب الفنادق )
وعندي تصحيح صغير لك .. انتي قلتي بأستفسارك :
( 2 ليلتين في اسطنبول في الجانب الاسيوي بقرب جامع السلطان أحمد )
عزيزتي جامع السلطان احمد يقع في اسطنبول الاوربيه
موفقه يارب ,,,