السلام عليكم ورحمة الله وبركاته
انا اول مرة اشارك فالمنتدى وصراحه المنتدى فيه الكثير من المواضيع المميزة بس في نفس الوقت لاني مب متعوده على السفر المواضيع تحير
انا ان شالله سفرتي بتكون من تاريخ 1 يوليو 2010 الى 13 يوليو 2010
بتكون السفرة لثلاث دول
المانيا(ميونيخ)
النمسا( زيلامسي + فينا)
ايطاليا ( فينيسيا + ميلانو)
انا فكرت ميونيخ 2 يومين
زيلامسي 4 ايام
فينا 2يومين
فينيسيا 2 يومين
ميلانو 2يومين
انا حجزت الطيران بيكون الوصول بتوقيت ميونيخ ثلاث ونص الفجر
والرجعه الساعه تسع المسا من ميلانو
ابا اعرف بالتفصيل الممل عن
1- بوصل ميونيخ الفجر كيف بحجز الغرف ومتى وقت الشيك ان ؟؟ وهل لاّزم احجز ليله 30 يونيو 2010
2- شو رايكم بالمريديان هل هو قريب من المطار ؟؟ اسعاره ؟؟؟ وهل يناسب عائله من دون اطفال؟؟
3- شو تنصحوني باحسن الاماكن اقضي فيها وقتي في ميونيخ؟؟ لانه بس يومين
بطلع من ميونيخ بالقطار على زيلامسي
1- شو تنصحوني وقت ركوب القطار الصبح او العصر ؟؟
في زيلامسي
1- شو رايكم احجز فندق والا شقه ؟؟
2- هل احجز الفندق من الامارات والا يوم اوصل ؟؟ لانهم قالولي انه من اول ما تنزل من القطار نحصل الشركات قدامنا؟؟
3-ابا اعرف المناطق اللي بروحها في هالوقت ؟؟ يعني كل منطقه هل تكفي ليوم واحد والا اخلي كل يوم منطقتين سياحيتين؟؟
بطلع من زيلامسي على فينا بالقطار عشان اشوف المناطق والطبيعه(5 ساعات)
1- هل احجز القطار اول ما اوصل زيلامسي ؟؟
في فينا
1-شو احسن الفنادق القريبه من المناطق السياحيه
2- شو احسن المناطق السياحيه تكفيني ليومين؟؟
بطلع من فينا على فينيسيا
1- هل تنصحوني بالقطار او الطيران الاقتصادي (للعلم عندي والدتي وممكن تتعب من الرحلات الطويله)
2- اذا كان بالطيران الاقتصادي متى لازم احجز ؟؟ من الامارات والا يوم اوصل فينا؟؟
فينيسيا
1- شو احسن الفنادق القريبه من المناطق السياحيه؟؟
بعد فينيسيا على ميلانو بالقطار
1- متى احجز القطار
2- موعد السفر الساعه 9 ونص فالليل والشيك اوت بيكون اكيد الساعه 2 الظهر ؟؟ وين اروح كل هالوقت بالشنط؟؟والا تنصحوني اخذ ليله زياده ؟؟
ادري طولت عليكم لكن ان شالله تفيدوني لاني اول مرة اسافر ؟؟
في نقطه ثانيه ابا اعرفها هل اقدر ادخل من ميونيخ لكن الفيزا اخذها من السفارة الايطاليه ؟؟ والا راح يسولي مشاكل؟؟
واذا اي حد ممكن يفيدني بتغير الايام على حسب خبرته عادي
واذا ممكن حد يرتبلي خطه ثانيه مب مشكله
لاني انا المسؤوله عن الرحله واريد ابيض الويه قدام اهلي
السموحه على الاطاله