Riyadh1982
23-08-2022 - 05:36 pm
السلام عليكم ورحمة الله وبركاته
أنا محتار والله أسافر لأستراليا أو جزر المالديف
ليش؟
لأن رحلتي شهر عسل إن شاء الله وحاب إنها تكون إسترخاء و إستجمام
وبرضو أنا عندي شي احبه جدا ألا وهو المدن الترفيهيه والألعاب
يعني ودي تكون فيها مزيج من الأثنين
فكرت أني أقضيها أول في المالديف مثلا 5 أيام بعدين أطلع ماليزيا لكن يوم شفت تقارير أستراليا قلت أستراليا تجمع الأثنين لكن مافيها زي هدوء المالديف هع هع هع
ودي أحد يساعدني أو يشور علي أو بالعربي يرتبني الله يرتبه بالزين
مع العلم أني مسافر شهر 12 ميلادي
عليكم السلام اخوي
اخوي انا توني جايه من المالديف وشهر العسل قبل 3 سنوات كان في استراليا اتمنى اني افيدك بكم معلومه تقدر على اساسها تقرر
المالديف اخوي حلوه ورايقه وهدوء بس مافي شي غير البحر ورلاكس حدها 4 ليال
انا انصحك تروح شهر العسل استراليا لاسباب :-
1- صدق انها بعيده بس بعدين اذا ربي ان شاء الله رزقكم باطفال راح تكون السفره للبلد هذي متعب جدا .
2- البلد فيها كل شي ( بحر - مطاعم - قهاوي - ملاهي - تسوق - عروض)
شامله كل شي
عندك مدينة سدني رائعه بمعنى الكلمه ورمانسيه مره مبانيها قهاويها مطاعمها اسواقها كل شي فيها حلو انا جلست فيها 5 ايام وتمنيت اكثر
3- عندك جولد كوست رائعه مره فيها ( موفي ورلد - سي ورلد - ملاهي - عندك مكان اسمه سيرفس برادايس شارع كله قهاوي ومطاعم حتى عربيه فيه
عندك شي اسمه الاوت باك عروض الكاوبوي وفي قريه صغيره تروح لها في باص مع قروب اجانب رائعه طبيعه وخضار اسمه ( تامبورين ) اذا مني غلطانه حتى مطاعم عربيه فيها - وفيها مصنع العسل والشوكولاته وكهف الحشرات اللي تنور سبحان الخالق شي عجيب
وانصحك بفندق ( ماريوت ) مو اللي داخل السيرفس بردايس جمبه يعني مسافة مشي 10 دقايق
ويوم الاحد يسون زي البازار وعالم اخر
3- في مدن ثانيه اذا تبي تسوي بحث عنها تزورها نفس اليوم وترجع اذا كانت قريبه ماعندي خلفيه لاني بس زرت سدني وجولد كوست
اخوي نصيحتي لك روح استراليا راح تنبسط اكثر لانها رائعه بمعنى الكلمه ممكن تشوف البوابه الاستراليه وتاخذ فكره وانا عندي بعض البروشورات ممكن اني اكتب لك بعض الاماكن
بس هنا ماشاء الله حتى موسوعه جولد كوست مسووين مو مقصرين
واعتذر عن الاطاله اتمنى اني اكون فدتك ولو بشي بسيط