بالنسبه للفنادق لأنها المجربه والموثوقه واذا انت رحت فندق غير
فأرجوك أكتب وحط تقريرك عنه عشان كلنه نعرفه
أما بخصوص منطقة العرب فهذي الشي أجوفه شي طبيعي
لأن الواحد يبي ايحس انه بين الناس اللي يعرفهم ويرتاح لهم
لكن هناك الكثر اللي يبتعدون عن منطقة العرب

من ناحية التررد على نفس الفنادق لانة تقريبا تقريبا جميع المرافق موجودة بجانبها وهذا عن خبرة في السكن في الفندق او معرفة موقعة بضبط وخصوصا في بوكت وهذا الشيء لاحظتى في سفرتي الماضية وتأكدت انة كلام الاعضاء في الصميم
ومن وناحية ذهاب العرب لمنطقة العرب هذا الشيء جربتة في نفسي في بانكوك سكنت في منطقة الباتونام يوم واحد زهقت قلت ابي ارجع الديرة ولما ذهبت للسكن في سكومفيت نانا الي وهي منطقة العرب عجبني المكان وراتحت فية جنبي المطاعم والمقاهي العربية هذا من وجهت نظري طبعا واما بنسبة عن النصب والمشاكل والوساخة هذا على الانسان نفسة تمشي دغري على قولت اخونا المصررين يحتار عدوك فيك والاماكن المشبهوة تبين يعني مر علايها مرور سريع على شان ما يصيدك موقف انت غني عنة هذا اذا انت كنت مجبور تمر على الطريق

فلفل حار
أولاً سبب ذكر فندقين وغيره مايذكر غالبا مايكون ع حسب طلب الشخص المستفسر
يعني اغلب اللي اشوفهم يبون يسكنون بمبلغ بين 100 إلى 200 ريال كحد اقصى لأن الديره نفسها
ماتحتاج لسكن غالي بحكم انك تكون دائماً خارج السكن وتكون فيه اوقات قليله للنوم او الاسترخاء
وزياده على هالكلام ان هالفنادق هي المجربه ومواقعها تكون قريبه من كل شي تحتاجه
وانت لو حطيت استفسار راح ينرد عليك بنفس استفسارك سواء كنت تبي رخيص او غالي
ثانياً بالنسبة لتفضيل منطقة العرب بالعكس سافرت مرتين لتايلند وكلها كنت بعيد
عن منطقة العرب ولا أبي أقرب منطقة العرب اطلع من ديره عربيه عشان اروح اشوف عرب؟؟
واللي كان معي اصر اننا نروح لها بحسب مايسمع ان فيها مطاعم زينه وان هناك ربعنا
ولما رحنا ما اعجبتني المنطقه نهائيا وزياده عليها كان فيه مضاربه بين عرب للأسف
والمطاعم حدث ولاحرج انواع النصب
وأخيراً مو معناه كل العرب بنفس هالشكل حصلت هناك عرب ونعم فيهم
وكل واحد منا ياخوي له ميوله وعذراً ع الإطاله

الفنادق التي يتم ترشيحها للمستفسر في الواقع هي مجربة بصورة شخصية من العضو و اكيد هناك مصداقية و ثقه بين كل الاخوان موجودة و لله الحمد .
اما بالنسبة لمنطقة العرب حدث و لا حرج ، اغلب العرب المتواجدون في هذة المنطقة منهم المرضى و مرافقينهم الاغلب و المتسوقين تشكل النسبة الاقل
بكل ما تحتوية من سلبيات في هذة المنطقة تبقى تلبي احتياجات السائح العربي من مطاعم ، مكاتب الشحن ، محلات التسوق الخاص بالعرب ( النعول - الاحذية - الشنط - السوع و غيرها .....) و الواحد لا يهتم بالجوانب الاخرة من السلبيات و يمشي طريقة و يقضى شغله ، اما عن تواجد بنات الليل فهي ظاهرة بتايلند و ليس مختصره على شارع العرب ، و الى يبغي يصلى ما يفوته مهما كان . ربنا يصلح حالنا و يهدي شبابنا و يحفظهم .

كلام جميل من اناس عزيزين بارك الله فيكم
لكن اكثر الاعضاء لايتجاوزون في ذكرهم عن ثلاثه او الاربعة فنادق واكثرهم متفقون عليها ولم يذكر احد بالتغيير والتجربه وذكر فنادق متنوعه فمثلا لم يقولون يوجد فندق في منطقه معينه غير العرب ويوجد فيها اكثر الخدمات من مطاعم عالميه ومحلات تلبي حاجتي اليوميه اما الباقي فاننا سوق نتسوق من الاسواق المشهوره والمجمعات .
حاجه ثانيه لايمكن ان تكون منطقة العرب هي الوحيده التي تشملها كل الاحتياجات فاكيد توجد مناطق اخرى ولكننا لم نجازف بامكان اخرى وعرضها على المسافرين لاخذ الفكره

من قال ان منطقة العرب الوحيدة هي المنطقة الحيويه
من قال ان اكثر الفنادق التي نذكرها فنادق في منطقة العرب
نحن نرد على قد السؤال اذا كان العضو يريد فندق في منطقة العرب هل ألزمه بالسكن بعيدا عنها ؟
ملاحظة أتمنى نقل الموضوع الى مكانه الصحيح وهو مجلس ( ديوانية تايلند )
تحياتي .

المنطقه العربيه عزيزي لان المستشفى الامريكي قريب فيها
وايضاُ صرف العملات وهي سوق سوداء و افضل سعر يتم صرفه في تايلند هو في المنطقه العربيه
وانا شخصياُ لا انصح السكن فيها لان بالقطار تقدر تروح وتخلص شغلك وترجع
وايضاً توفر المطاعم العربيه و الشيشه و محلات العود
هاذي للي يخلي الناس يحتاجون السكن فيها
تحيه