اخوي سئوالك مو واضح ،،، يعني انت متعود ماتنام باي فندق الا ب مناشف واغطية سرير جديده
حتى لوكان الفندق خمس نجوم
انا عارف قصدك بالنسبه للايام العزوبيه على قولتك ،،، هذي فنادق رخيصة جدا
بس ارجع واقول ياريت توضح اكثر

اهلين اخوي دولي....وش اخبارك..؟؟!!! ماشاء الله عليك الى الان راعي فزعات بالمنتدى.؟؟
الله يقويك,وتنتبه الادارة لمجهودك اللي اتوقع مايخفى على الكل..!!
اخوي دولي, انا ابروح شهر عسل....وراح اسكن في اكثر من فندق...طبعا الفنادق فيها أسرة..والاسرة لها لحافات..وبطانيات...ومفارش..!!
تمام..؟؟؟ حلو...انا ابي اول ماادخل الغرفة أو الجناح على طول أغير المفرش والاغطية..!!
هل هذا فعل عادي,أو تقول من شخص موسوس نظافة..؟؟؟؟
هل الشي هذا أحد صلحه من قبل,وينصح فيه..؟؟؟او الدعوى ماتستاهل.؟؟؟؟
مثل ماكان في ايام العزوبية.ماتستاهل ان الواحد يغير المفرش واللحافات...
أشكرك ياقوي...!!
.

هلا والله ،،، أنا في خدمت الجميع ودايم اقول الشكر دائما للسائل
حلو حبيي وضحت الصورة ،،، والله شف انا بتفلسف عليك بس تحملني
الفنادق الفخمة والمعروفه اغطيتها ومخداتها نظيفه ولاتحتاج تغير ولايمكن يكون فيها اي شي واصلا يتم تغيرها يوميا ويتم غسيلها ولاتنسى انه فيه بعض الفنادق تبيع هذي الاشياء زي الروب مثلا
هذا يدل على جودتها وهذا واضح منها .
احد صلحه من قبل ،،، والله ماقد سمعت الا منك يمكن تقصد امهاتنا الكبار يمكن مايشتهون احد قبلهم
الفعل عادي ،،، والله اسمحلي اقول اللي قلته ( وسوسة نظافه ) لااكثر
لكن صدقني حاس بتفكيرك وعشان تتخلص من هالوساس اسكن بفنادق فخمة وراح تنسى حكاية التغير
تحياتي

أشكرك عزيزي.
والحمدلله النت عندك اليوم شابكه مظبوط.

ايه والله ،،، في الصباح يفتح وفي الليل انسى متعب من جد
على فكرة نسيت اباركلك بالزواج وحياة سعيده انشالله
بس ماقلتنا كيف جدول الرحله ووش تخطيطك

السلام عليكم
بالمبارك اولا
وراح تستانس
انا توني جاي شهر 3 شهر عسل بعد
بعد 4 مرات عزابي
شوف بخصوص النظافه انت اسكن في فنادق 4 او 5 نجوم والفنادق هذي ماتوصل الى النجوم هذي الى وهي نظيفه لا تحاتي في الناحية هذي
انا سكنت في بوكيت في فندق بان تاي 4 نجوم موقعه ممتاز سعر الليله كانت 5500 بات
الحين توني مكلم صاحبي هناك معا زوجته قالي سعره 3400 بات
وسكنت في بانكوك في نوفتيل سيام سكوير 4 نجوم هم نظيف وسعره كان 4500 بات
حجوزاتي كانت كلها من مكاتب المطار السياحيه
واذا في اي استفسار انا حاضر

اذا فنادقك فخمه وخمس نجوم
لاتخاف وحط ببطنك بطيخه صيفي
واذا فنادقك حيا الله غير المفارش على كيفك
وبالنسبه للاغراض اللي بتاخذها معك:
اولا احب انصحك لاتكثر ملابس وتملاء الشنطه لان هدفك السياحه مهب التكشخ
خذلك ثلاث بناطيل واحد طويل واثنين برمودا وخل الوانهم مختلفه واحد منهم جينز واحد اسود واحد ابيض ولا بيج
خذلك تشيرتات 3 وبلوزه رسميه نص كم وحده لزوم الكشخه..
وخذلك بيجامتين
وخذلك عطرين وفوطة وفرشة شعر وجل ومكينة حلاقه وواقي شمس وجزمة او صندل رياضي اسبير
وفرشة ومعجون وبنادول وشاحن جوال ....................وشرايك تجيب الشنطه ارتبه لك

عزبزي عندك 3 خيارات
1-اذا كانت المفارش نظيفه انتهى الامر
2-اذا كانت غير نظبفه او مااعحبتك اطلب تغييرها من الفندق
3-اذا الحالتين الاولى والثانية مااعحبتك رح للسوق واشتر مفارش
ترى الامور سهله
ولاتنسى انك عريس
دلع عمرك
اسال الله العلى العظيم ان يجمع بينكم بخير
ويرزقكم بالذرية الصالحة

دولي الله يبارك فيك والعقبى لك بإذن الله... ههه
لكن جدولي راح أنزله لما يكون معاي وقت...والله مو فاضي أبد أبد ...
أشكرك على مشاعرك الطيبة تاج راسي...