بسم الله الرحمن الرحيم
بالبداية من لايشكر الناس لايشكر الله
أشكر كل شخص هنا في هذا المنتدى الشامخ بمعلوماته ، وأشكر كل شخص عمل لنا تقرير لسفرته وصور لنا بعض الأماكن.
للأمانة أنا أستفدت كثيرا من بعض الأخوة من خلال تقاريرهم وعملت برنامج لبعض الدول من خلال تقاريرهم .
جزاكم الله خير على عملكم الذي نستفيد منه
وخير الناس أنفعهم للناس
بعد كلمة الشكر والثناء التي هي قليلة بحق كل شخص موجود في هذا المنتدى .
أحب أتكلم عن شغلة بالنسبة لي صعبة وحاولت أفهمها ولا قدرت وأنشالله راح تفيدونا .
ياشباب أنا لاحظت في أكثر من تقرير وخصوصا النمسا ( فيينا وزلامسي )
لأني مخطط أني أسافر لها
ذكروا لنا الأخوان طريقة أستعمال المترو.
وأنا بصراحة حاولت أفهم الطريقة بس أستصعبت علي الشغلة
الشرح وافي ومفصل وجميل
بس العيب فيني لأني ولا مرة سافت لأوربا والشرح صعب جدا جدا لمثل حالتي ( اللي ماراح ولا مرة لاوربا )
ياشباب الله يبارك فيكم ممكن أعرف شنو
محطة uI الأحمر
u4 الأخضر
والمشكلة بعد هالمحطات تذكرون لنا محطات ثانية
تجي بعد هالمحطات
ومحطة U1 الأحمر
و U4 الأخضر
شلون أروحلها بتاكسي مثلا وشنو أقول لراعي التاكسي؟
واذا ركبت هذي المحطة
وهدفي الوصول للمحطة اللي بعدها
شلون أعرف أن المترو وصل لمحطتي ؟
يمكن المترو يطوف محطتي اللي انا ابيها
(وانا لامن درى ولا من شاف)
أدري أسالة مالها داعي بالنسبة لكم بسبب خبرتكم في تلك الدول وبطرق المواصلات اللي فيها
بس والله حاولت افهم الطريقة ماقدرت
مثلا بروح للمكان الفلاني لازم أخذ محطة U1 الأحمر
طيب شلون اروح لمحطة U1 الأحمر بالأول شلون أوصل للمحطة هذي؟
وبعدها هدفي يكون للمحطة الثانية
طيب شلون أعرف أني وصلت للمحطة اللي انا ابيها
( فيه شاشة مثلا داخل المترو تعلن عن اسم المحطة؟)
أو يوقف المترو ويعلنون عن اسم المحطة
واللي يبيها ينزل واللي مايبيها يقعد ويكمل المشوار .
وآسف على الإطالة ياشباب
بس تكفون ابي شرح مفصل جدا جدا جدا
من لحظة خروجي من الفندق والرجوع إلية
الحين انا بطلع من الفندق وابي أروح مكان معين شلون اوصله
عن طريق محطة وبعدها محطة ثانية ( أحسها صعبة علي العملية )
أنا ودي أخذ تاكسي واريح حالي بس أغلب كلام الشباب هني أن التكاسي غالية
جزاكم الله خير ومشكورين / أخوكم محمد