هلا بك
جدا معقولة وانصحك ما تلتزم معهم من اللحين
في الفندق يوجد مندوبين لهذه الشركات و وقتها تتفق مع اي وحده فيهم على السعر اللي تبيه والاهم الوقت اللي تبيه
ولاتغفل انك ممكن توفر الكثير بستأجار تاكسي من امام باب الفندق وعمل الجولات بنفسك
خصوصا اذا كنت مذاكر زين
بالتوفيق

هلا فيك اخوي ابوعزيز .. وشاكر لك سرعة تجاوبك ..
بس مثل ماعرفت من الشركة ومن بعض التقارير ان فيه بعض الرحلات تحتاج حجز مسبق .. ولكن هل افهم من ردك ان حجز الرحلات تكون من هناك افضل !؟
عذراً يالغالي بس مافهمتك في اخر الرد (( وخصوصاً اذا كنت مذاكر زين )) !!

هلابك اخوي ومعليش عالمداخلة
بس فعلا" اذا انت قريت التقارير وعندك المعلومات الكثيرة هذا اللي يقصدة ابو عزيز من المذاكرة يعني فصفصت تفاصيل الجزيرة زين

هلا فيك ابوطلال .. والله يعطيك العافيه على التوضيح ..
اذا كان هذا القصد .. فالحمدلله سجلت كل الاماكن تقريبا (( اللي تم ذكرها بالتقارير طبعاً )) وفيه بعض الشغلات ماذكرتها التقارير ولكن أخذتها من شركة Mautourco ..

سلام عليكم
رحله موافقه اخي العزيز
اما بخصوص الحجوزات اتفق مع مشرفنا العزيز بوعزوز في الفندق يوجد مكتب متخصص للرحلات وتوجد بهذا المكتب اكثر من شركه وشوف وين راح يكون السعر الجيد
وحتى وانته قبل لا تطلع من صالة المطار توجد مكاتب حاول انك تاخذ لبروشورات من عندهم واتصل فيهم تيلفون وشوف اسعارهم
اما بخصوص اخذ تكسي من اما الفندق انا شخصيا ما احبذه من وجهة نظر شخصيه لانه رحلاتك راح اتكون بعيده نوعاً ما اذا لا سمح الله تعطلت السياره صاحب التكسي راح يقف على جنب و يحاول ايصلح سياره او ينتظر شخص يساعده اما الشركات اذا تعطلت السياره اول شي راح يعمله راح يتصل بشركه لتزويده بسياره في اسرع وقت حتى لا يتعطل الزبون ولهذا ارجح الترتيب عن طريق الشركات السياحيه .
وفي النهايه الموضوع يرجع لك شخصيا
اتمنى منك عزيزي اخذ جوله في موضوعي وان شاء الله تستفيد منه ( وشكر موصول لاخي بوعزوز )
https://artravelers.com/p/re/313162