بورصة تبعد حوالي 250 كيلو عن اسطنبول مدة الرحلة من ياني كابي 90 دقيقة من كبتاش حوالي 110 دقيقة تقريبا خلي بالك ان الميناء لايقع في بورصة بالتحديد، وانما في ضواحي بورصة (مودانيا) وتحتاج 30 دقيقة للوصول (على وجه التقريب) للوصول لبورصة يمكن الذهاب لبورصة والعودة في نفس اليوم،لكن مرهقة في نظري والسؤال اللي دايم اسأله لمن يفكر في الذهاب والعودة في نفس اليوم: ليش ؟

السبب في معظم الحالات
يكون حاجز فترة معينة في فندق في إسطنبول
ولا يبي يطلع من الفندق ويرجع مرة ثانية
ولذلك ، يقول أطلع يوم ، حتى لو تعب أفضل لي
وبيض اله وجهك على جهود يا خبيرنا
شخصيا ، أنصحك بسائق خاص ، إذا عددكم كبير / لإنك راح تحتاج في بورصة
0دولارد تقريبا تقل أو تزيد بحسب الموسم
ياخذ منك الفندق ويتمسى فيك ويرجعك سالم غانم بإذن الله
حياك

نعم انا تفكيري ماودي اشيل اغراضي وارجع مره ثانيه اروح وارجع بنفس اليوم افضل
طيب اخوي ماجد من اسطنبول اروح لوين عشان اطلع لبورصا
تحياتي لكم

انا اقول برضه نفس السؤال
ليش ؟؟؟
ياخي مو مشكله حساب يوم في فندق ببورصه اهم شي انك تنبسط
بورصه بكل امانه مميزه ((( في الشتاء ))) وحط على الشتاء عشر خطوط
والميزه هاليومين اسعار الفنادق .... روعه
انا اكتب لك الان من هلتون بورصه طالع علي في اليوم بأقل من 400 ريال !!!

بن زامل 3
انا هذا قصدي
تخيل انك تطلع الصباح بدري وتروح بورصة، وانت هناك اكيد كل فترة بتطالع الساعه عشان موعد العودة
يعني بتكون تحركاتك خاضعة لهاجس الوقت، وانت طالع تستانس
ففيها نوع من القلق اللي ممكن يمنعك تستمتع بالرحلة
لكن نسأل الله ان يوفق اخونا مستر كفي ويتوفق في بورصة وتكون الرحلة تساهيل بحول الله

وانا مع اللي فوقي بورصة تستحق مبيت ليلتين ع الاقل ..
من سكنك الى ميناء يني كابي تحجز رحلة بورصة
او
من سكنك الى ميناء كاباتاش وتحجز رحلة بورصة ..
وتسكن ليلتين وترتب لك احلى برنامج
مع قروب .. بسعر 60دولارشامل الدخوليات والغداء .
اوفر من التاكسي ..
اذا ايامك قليلة .. مو مشكلة تاخذ رحلة بقروب
من اسطنبول ذهاب وعودة نفس اليوم ..
موفقين

ما عندي كلام بعد كلام الخبراء
لكن لو ما قدرت تغير حجزك لأي سبب من الأسباب
السواقين الخاصين متوفرين في كل مكان
إسأل وراح تلقى الجواب
والمكاتب عندها كذلك
ولو ما حصلت خبرني بس