الحمدلله ع السلامه اخووي
وصلت لكوالا من اي مدينه ؟؟؟؟؟
وبكم اسعار التذاكر للصغير والكبير وشكرا
واكيد الاخوان ماراح يقصروا معاك بالجدول ومن الافضل لو مجهههزه بالديره قبل السفر

زهور حمراء
هلا فيك صراحة بالنسبة للصغير ماعرف والله
بس للشخص ب 60 رنقت
والسفر كان من مدينة بينانغ
وقصيت التذاكر من مجمع كوين سبي ومن هناك تنطلق باصاتهم
وسعر التاكسي من شاطئ فرنجي ذهاب فقط ب 60
الافضل لك اثناء جولتك تمر هناك وتقصهم
التاكسي 4 ساعات ب 120

1. برأيي دا افضل شي وعلى فكره عيبه الوحيد انه من 8 الصبح الى 8 المساء.

يعتمد برنامجك على ايش تفضل بالضبط ... يعني لو مولات وتحب تشتري طبعا التايمز سكوير حيعجبك وبعدها تنزل وتروح الجهة الثانية على السنجاي وانغ و بي بي بلازا و لويات بلازا (للالكترونيات) وعندك شارع العرب كلو قدامه وكمان البافيليون. وطبعا عندك الKLCC وكمان جنبو في مركز المؤتمرات موجود الحوض حق الاسماك (مو مرة عجبني بس اذا معاك اولادك راح ينبسطوا) و الماينز (يعتبر مول للمحليين وارخص من المولات الكبيرة وفيه تور بالباص الي يدخل بالبحيرة الي هناك).
على فكره لايفوتك قهوة أو كابتشينو محل اسمو إيلي في البافيليون على يسار المدخل الرئيسي والحلى اسمو باناكوتا شي جنان).
واذا تحب تجرب باستا وبيتزا مطعم ايطالي خطير واسعاره معقولة وفيه له طاولات خارجية تشوف فيها المنارة اسمه Nerovivo (اكتب اسمه في maps.google.com وراح يطلعلك العنوان قريب من شارع العرب بتانج ووك)
اذا تبغا تتفرج على اشياء تاريخية روح المتحف الفن الاسلامي و الLake Gardens فيها حديقة و متحف و حديقة الطيور والفراشات و الاوركيد على حسب مافتكر بس نصيحة أشتري العصائر و الماء من 7/11 ارخص بكثير... وممكن كمان تروح مدينة ملاكا التاريخية و تتعشا بالمطعم الي على النهر (لاتنسى تبخ واقي الناموس على جسمك) وتبعد حدود ساعة عن كوالالمبور يعني تروحلها من الصباح بدري الى العصر مثلاً.
واذا مانت عارف ايش تقرر خد تذكرة Hop-in Hop-Off وهو عبارة عن باصات ومحطاته موجودة في اكثر الاماكن المعروفة للسياحة بحيث انك تشتري تذكرة تنفع لمدة 24 ساعة او 48 ساعة والباص يوقف في محطات و انت تشوف الي يعجبك وتنزل وبعد ماتخلص روح استنا وراح يجي باص تاني ...الخ وبكذا لفيت كل كوالا بيوم واحد ... تقدر تشتري التذاكر من موقعهم بالنت او تشتريها من مكاتبهم الي منتشرة في الفنادق ...الموقع فيه اسعار التذاكر للكبار و الصغار ادخل النت واكتب myhoponhopoff وروح على Ticket معليش ماقدر احطلك اللينك كامل لاني ماوصلت 15 مشاركة الى الان ...

برأيي دا افضل شي وعلى فكره عيبه الوحيد انه من 8 الصبح الى 8 المساء.

بالنسبة للتنقلات عندك ال KL Central و ال Monorail Station وطبعا التكاسي ولاتركب الا مع الي يشغل العداد (المتر) أو انا افضلك لو تتصل على شركة التكاسي هناك يجيبولك تكسي محل مانت قاعد ومهما كان الوقت مقابل 2 رينقيت زيادة ...طبعا بالعداد ومايحتاج انك تفاصل بالاسعار. وعلى فكرة محطة المونوريل قريبة مرة من الفندق اسأل الكونسيرج او الاستقبال وراح يدلوك فينها...وتقدر تسألهم انت عن عنوان اي مكان تبغا تروحو وافضل وارخص طريقة للوصول وهم كمان يفيدوك لانها كمان شغلتهم
اذا تبغا ملاهي روح على السنواي لاقون من الساعة 10 الصبح للعصر ولما تخلص روح المول الي لاصق فيه... مع العلم انها حدود 30دقيقة من كوالالمبور و استغرب من الناس الي يعتبر سيلانقور مدينة ثانية ويقعد فيها يومين ومافيها الا المول و الملاهي و Light City والي هو من رأيي مضيعة للوقت (كل واحد حسب مزاجه طبعاً).
على العموم انت قولي ايش مودك وانا راح ارسلك تفاصيل أكثر بالعناوين كمان وطبعاً الاخوان ماراح يقصروا معاك وهم اخبر مني اكيد.
على فكره ممكن تقولي ايش رأيك بفندق رويال تشولان لأني ناوي أنزل فيه أو بفندق بارك رويال لان فندق التايم سكوير صار سيء جداً جدا جدا خاصة لو كان بالمواسم.

يعطيك العافية ماقصرتي
لاطبعا مابي المجمعات مستحيل اسافر واروح مجمعات كرهت المجمعات من كثرها عندنا
ابي اشياء جديدة اماكن جديدة
وبالنسبة للفندق شي جبار شي راقي جدا

اذا روح الاماكن التاريخية او خد باص الى مالاكا وراح تنبسط وترجع بنفس اليوم ......... وممكن اليوم الثاني على الكاميرون تروح الصباح وترجع بالليل
واليوم الثالث خد الباص الي ذكرته فوق وراح يلففك كل كوالالمبور وانزل في المحطة الي تعجبك مع العلم ان الباص فيه مرشد سياحي يشرحلك ايس فيه بكل منطقة على حسب ماسمعت ......
اذا تبغى تفاصيل اكثر وكمان ايش فيه اماكن كثيرة روح موقع Tripadvisor وراح ارسلك الرابط علخاص لاني ماوصلت العدد المناسب لوضع روابط

بس حبيت اضيف على كلام الاخ nahalباصات Hop-in Hop-Off
لا تشترط من 8 الى 8 ولكن لكل شخص رحله بعدد ساعات 13 ساعه تبدا من 8
يعني لو جيتهم على الساعه لنفرض 10الى 8 فاانت اخدت 11 ساعه يعني يبقالك ساعتين في التدكره تقدر تجيهم اليوم الثاني وبنفس الت\كره تطلع الباص على طول
تجربه جدا ممتعه وتستحق التجربه

nahal
السلام عليكم
شوف الرابط فيه ايش ممكن تسوي هناك وبالصور والتفاصيل وتقاييم الشعب
/Attractions-g298570-Activities-Kuala_Lumpur_Wilayah_Persekutuan.html/
بالتوفيق
بس ممكن اذا ماعليك أمر تصورلي الفندق والغرفة لاني قاعد أفكر انزل فيه واخد أقل غرفة طبعا لاني المرة دي ابغا اوفر شوي
وغير كذا التايمز سكوير صار جدا سيء الى ابعد الحدود ومايستاهل اكثر من 200ريال بالليلة من رأيي
هذا رقم شركة التكاسي افضل من الي بالشارع وبسرعة يجوك ويرسلولك تأكيد رسالة نصية وبس ياخدوا منك 2 رنجيت حق التواصل والباقي حيكون بالعداد
1وطبعا استغل ان محطة المونوريل جنب الفندق ورخيص جداً
اذا عندك اي استفسار انا تحت أمرك
أبو سعد