الريان القطري
14-08-2022 - 08:20 pm
السلام عليكم ورحمه الله وبركاته
سؤال قانوني ياجماعه ولمن يملك خبره
خبركم موسم الصيف ترتفع أسعار الشقق عن بقيه ايام السنه
السؤال : هل يحق لصاحب العقار رفع السعر على المستأجر ؟
صار لي فتره قاعد بشقه بسعر معين ... من ثلاث اسابيع رفع السعر 100 باوند وتعذر بالصيف وقلنا مب مشكله
أمس قال من الاسبوع الجاي زدنا 100 باوند !! الظاهر استحلى السالفه
سألت كذا واحد من عرب لندن قالولي مايحقه له يرفع السعر ولاتدفع زياده بنس واحد والقانون بصالحك
وانا الصراحه مب عاجزتني 100 باوند بس قاهرني لانه يستغل وضع الصيف لرفع السعر ويدري مب محصل شقه زينه بسعر معقول
الحين أقدر اطنش له وماادفع زياده مع العلم ان وصل الايجار موجود معاي والنسخه عنده
شاكر لكم
هلا وغلا الغالي ( وبعد رياني ياسلام عليك :8888: )
شوف طال عمرك ..بعض الشقق والفنادق أيحطون أسعارهم على النت كامله ..والأسعار تختلف من وقت لوقت ..
ولكن أرجع للعقد الي بينكم وتأكد منه ..هل متفقين ان السعر يتغير بالصيف ولا لا !!
ونفس الوقت حاول اتناقش أحد المحامين العرب الي هناك ..او تسأل اصحاب المحلات ..
ولاتنسى تاخذ الحل من أصحاب المحلات ..خلهم ايشورون عليك الحل ..
اموفق الغالي ..
وحاول اتلاقي لنا مهاجم عندك للريان ترا الموسم قرب وجماعتنا عادهم ماجابوا مهاجم:112: