اخوي
الافضل تأخذ العلم من السفارة الاسترالية في الرياض
تحياتي

مشكور اخوي بونشاك بس انا ابي اجلس في اندونيسيا 10 الى 15 يوم بعدين بروح من هناك يعني لازم ادبر نفسي مع السفارة الاسترالية من هناك(اندونيسيا) ما ابي اقص تذكره من هنا
لو باخذ فيزا من السفارة الاسترالية في الرياض لازم اجيبلهم التذكره علشان يعطوني فيزا بس ما بقصها من هنا ابيها من اندونيسيا علشان كذا انا اسال عن الاجرائات اللي لازم اسويها من السفارة الاسترالية في اندونيسيا.......
يعطيك الف عافية يالغالي ..........

اللي اعرفه ان السفاره الاستراليه في الرياض فقط هي اللي تعطيك فيزا بينما في اندونيسيا مايعطونك والسفاره السعوديه مالها اي دخل في فيزة استراليا ........ خذ فيزتك من هنا افضل واحجز عم طريق مكتب الجاروده في الرياض كأنك في اندوينسيا واشتر التذكره منهم .......... على فكرة الاستراليين تلقاهم كلهم في بالي وقت الصيف وانت تبي تروح تعقبهم على ديرتهم هناك ....... خلك في اندونيسيا اصرفلك واستراليا تبيلها رحله مستقله .,.......... مجرد رأي
مغليكم

اللي أعرفه انك لازم تاخذ الفيزة من السفارة الاسترالية في الرياض لأنك مواطن سعودي

naif9119
هلا وغلا وحياك الله ياقمر
الافضل لك زي ما قال خبيرنا بونشاك والاحتياط واجب الله يسلمك
واعطينا التفاصيل لاهنت اذا عزمت علي الموضوع
الافضل تأخذ العلم من السفارة الاسترالية في الرياض
تقبلو تحيتي

انا عندي حل انشالله راح اتاكد منه ورد عليكم
من ناحية العزم فانا معزم علا الاخر باذن الله
شاكرلكم يا اخوان
انتظروني لا هنتو باكر باذن الله والخبر الاكيد عندكم

صبركم علي شوي بس ok

اخي السفارة الاسترالية في جاكرتا لن تعطيك التاشيرة اذ لم تكن مقيم في اندونيسياء وتحمل اقامة نضامية خذ التاشيرة من سفارتهم في الرياض ابرك لك

أخوي كلمة إن شاء الله هكذا وليس كما كتبتها لانة لا يجوز إنشاء الله حيث أن الله لا ينشاء, تعالى الله عما يصفون
ثانيا بالنسبة لاستفسارك
حصل معي هذا الموقف سابفا عندم كنت في المانيا وذهبت الى السفارة البريطانية لاخذ فيزا لاني اردت الذهاب لبريطانيا ولكن طلبوا مني الذهاب السعودية والتقديم من هناك لانهم حسب زعمهم لايوجد معلومات عني في المانيا ورفضوا رفضا قاطعا ....عند ذلك قررت الذهاب للسفارة السعودية وما قصروا وكتبوا خطابات توصية
ومن ثم تم منحي الفيزة من قبل السفارة البريطانية خلال 10 دقائق (ايام العز قبل احداث سبتمبر)